जेपा 23:11 - ॱलोवा

¹¹ होदे घोमुराङ चोवो पाउलुगी डामला फेप्‍ती सुवालाक, “सेम स्‍युक्‍क्षे शो़। दुरु येरुसालेमदु ङी कोरला पाङपो तेरकीन च्‍योक्‍रे, रोमदुवा ख्‍यी़ तेर घोगीलाक।”

जेपा 23:11 Iomraidhean Croise

मेथा 14:27

हीना येशुगी लाम्‍साङ खुङक्‍याला सुवालाक, “ल्‍हो़ झ्‍यी। ङाराङ हीन। खेक्‍या माजीक।”

मेथा 28:20

धेनी ङी खेक्‍याला ॱलाप्‍कीन का घीरी ॱरुङयेला, खुङक्‍याला ॱलोप। धेनी थागी धी़ थुक्‍पे नाम्‍हीना, ङा खेक्‍यामुला हो़क ॱनेरी ॱहाघोरा झ्‍यी।”

मेथा 9:2

धा मी रीङगागी चाडीपगी नाजा हो़गीन मी च्‍यीकला, ङ्याजेमुलाराङ खोङबाचारु खेरती होवालाक। येशुगी खुङक्‍याई धेपाला शीक्‍ती सुवालाक, “भीजाओ, सेम ल्‍हो़ झ्‍यी। ख्‍यी़ धीक्‍पाक्‍या सेल्‍दुक।”

लुका 16:28

घीझ्‍येरी ॱनाना ङाला पी़न ॱङा हो़क धेनी खुङक्‍याला दा ताङदु ताङा जे। मेन्‍ना खुङक्‍याः दे दुक्‍पु राक्‍कीन ॱङ्यावाला ॱलेप्‍टु।’

योहान्‍ना 14:18

“ङा खेक्‍याला दाठुकला मेभोर। ङा खेक्‍याचारु हुङयेहीन।

योहान्‍ना 16:33

ङाने खेक्‍याला श्‍यीदे थोप्‍येगी क्षीला, ङी खेक्‍याला देक्‍या स्‍येबी। जीक्‍तेनदु खेक्‍याला दुक्‍पु ङ्याङगीलाक हीना सेम ल्‍हो़ झ्‍यी, ङी जीक्‍तेनला ग्‍याहो़क।”

जेपा 18:9

छेन्‍मो च्‍यीक चोवोगी पाउलुला थोङनाङ च्‍यीकला सुवालाक, “माजीक धेनी खाबा माधेक। धेनी ताम्‍शाङ दे मीक्‍याला स्‍येदी सोङ।

जेपा 19:21

होदे स्‍याम्‍ने पाउलुगी माकेडोनीया धाङ आकाईया ग्‍याजाने झ्‍युरी, येरुसालेमला डोये ढो़ झ्‍येवालाक। खी़ ॱनेवालाक, “येरुसालेमला सोरी ङा रोम ग्‍याजारुवा डोघोगुलाक।”

जेपा 2:25

ग्‍यावु दावीदगीयाः खोङबागी कोरला देरे सुङ हो़तालाक, ‘ङी चोवोला च्‍योई ङी दोङदु थोङहो़क। खोङबा ङी लागा ये स्‍योकला श्‍युकहो़क, होझ्‍येरी ङा जीक घोये मेक।

जेपा 20:22

“धान्‍दा ङा धाम्‍पे थुक्‍ङीगी ठीक्‍ती, येरुसालेमला डोयेहीन। होदुरु ङाला घी झ्‍युङगीलाक ॱनेरी ङाला क्षामेक।

जेपा 22:15

घीझ्‍येरी ॱनाना खोङबागी छीला खेराङगी थोङगीन धाङ ङेन्‍गीनगी पाङपो झ्‍युरी, मी घीरीला स्‍येगीन ख्‍यो़ झ्‍युङगीलाक।

जेपा 22:18

थोङनाङला चोवो येशु ज्‍याजुङ धेनी ङाला सुजुङ, ‘ग्‍योक्‍जे येरुसालेम भोरती सोङ घीझ्‍येरी ॱनाना ङी कोरला स्‍येगीन, ख्‍यी़ पाङपोक्‍याला दे मीक्‍याई खेलेन्‍गीमालाक।’

१ कोरीन्‍थुपा 9:1

ङाला राङवाङ मेताले? ङा कुछाप च्‍यीक माले? ङी होरी चोवो येशुला ज्‍या माङ्युवाले? चोवोगी नाङ ङी लेगागी ढेबुगो, खेक्‍या माले?

फीलीप्‍पीपा 1:13

दी दोक्‍पो नी, फोडाङगी ॱरुङमाकक्‍या धाङ श्‍येम्‍मा घीरीला ङा मास्‍यीकागी दो़नला, चो़न्‍खाङदु छी़गीनगो सावो झ्‍युदुक।

२ तीमोथेउ 4:17

हीना ङी थोक्‍ने ताम्‍शाङ छाङबो स्‍येयेला धेनी याहुदापा मेन्‍गीन मीरीक घीरीगी ॱहाघोरयेगी क्षीला, चोवो ङीमुला श्‍युक्‍ती ङाला स्‍युक ॱनाङजुङ। धेनी छीवे खाने ङाला क्‍योप जेजुङ।