जेपा 23:1 - ॱलोवा

¹ पाउलुगी छोक्‍दी़गी स्‍योकला स्‍यारी तेरी ॱनेवालाक, “पी़नक्‍याओ, धान्‍दा थुक्‍पे को़न्‍क्षोकगी दोङदु, ङी स्‍येशाङ चाङमागी गोने मीजी पीहो़क।”

जेपा 23:1 Iomraidhean Croise

मेथा 5:22

हीना ङा खेक्‍याला ॱनाहीन, राङगी पी़नमुला ठो़गीन घीरीला ठीम फोक्‍कीलाक धेनी राङगी पी़नला ॱमेबेप ताङगीनला, छोक्‍क्षेनगी दोङदु ठीम फोक्‍कीलाक धेनी श्‍येम्‍माक्‍याला ‘ख्‍यो़ फेन ॱमेथोक्‍कीन घोल्‍लोवा’ ॱनागीनक्‍या मेगी ॱङ्यावा खोकला डोयेगी ङेन्‍का हो़तालाक।

जेपा 22:1

“पी़नक्‍या धाङ गेम्‍पाक्‍याओ, ङारी स्‍योकने ङी कोरला ॱनाघोगीन लाब खेराङक्‍या ङेन्‍रोनाङ।”

जेपा 22:30

याहुदापाक्‍याई पाउलुला घीझ्‍येरी क्‍यो़न चुक्‍पाले ॱनेरी, ॱमाक्‍पो़नगी घोरङी दो़पालाक। होझ्‍येरी ॱङेटोगो खी़ क्षो़पो़न क्षेक्‍या धाङ छोक्‍दी़ क्षेगी मी घीरीला केक तारी जोम्‍येला का ॱनावालाक धेनी पाउलुला ठीक्‍ती, खुङक्‍या दोङदु ॱलावालाक।

जेपा 22:5

ङी ॱनागीन दे लाबक्‍या धेन्‍पा लाक ॱनेरी, चो क्षो़पो़न धाङ छोक्‍दी़गी गोठीक्‍याः पाङपो लाक। खोङबाक्‍याईराङ ङाला दामासेकोरु हो़गीन, याहुदापा पी़नक्‍याई मीङला यीक कुरपालाक धेनी होदे यीक देला चोवो येशुला धेपा-झ्‍यीगीनक्‍याला शीम्‍येगी आङजा, ङाला ॱनाङ हो़तालाक। होझ्‍येरी होदेक्‍याला येरुसालेमदु ठीक्‍ती क्षेपा कायेला, ङा दामासेकोरु सोवी।”

जेपा 23:15

होझ्‍येरी खेराङक्‍या धाङ छोक्‍दी़ थी़न्‍दी, पाउलुगी कोरला धोराङा घामोमा श्‍यीप्‍ता झ्‍यी दोक-दोक झ्‍यीयेला, खोला होदेने ठीक्‍ती हुङयेला ॱमाक्‍पो़नला श्‍युरोनाङ। धेनी छोक्‍दी़ला हुङी घाङला, हेक्‍या खोला लाम्‍गाला राङ सेये डाढीक झ्‍येरी धेदुक।”

जेपा 23:20

ख्‍योक्‍तोङगी़ ॱनेवालाक, “ॱङेटो याहुदापाक्‍याई पाउलुगी कोरला धोराङा चाजो़ झ्‍यी दोक-दोक झ्‍यीयेला छोक्‍दी़दु खेराङगी खोला ठीक्‍ती हुङरोझ्‍यी ॱनेरी, श्‍योवा पुरु हुङये ढो़ झ्‍येदुक।

जेपा 23:28

खी़ नोन्‍डु घी ले ॱनेरी घोरयेला, ङी खोला याहुदापाक्‍याई छोक्‍दी़दु ठीक्‍ती सोवी।

जेपा 23:6

धा पाउलुगी होदुरु हो़गीन रीङगा, सादुकीपा धाङ रीङगा फारुसीपा हीन्‍गीनगो ॱहाघोरती केक क्षेला ॱनेवालाक, “पी़नक्‍याओ, ङा फारुसीपा हीन, फारुसीपागी भीजा हीन। ङी रेवागो छीवाने सो़न्‍पो लाङगीन लाबला झ्‍येरी, ङा दुरु ठीम पुयेला लाङाहीन।”

जेपा 24:16

होझ्‍येरी ङा को़न्‍क्षोक धाङ मीक्‍या दोङदु नोन्‍डु मीझ्‍यीदा, सेम शाङपो झ्‍येरी धेयेगी स्‍युक झ्‍यीदीहो़क।”

जेपा 6:15

छोक्‍पारु जोम्‍जा मी घीरी सेतेफेनला श्‍यीप्‍ता झ्‍येरी, तेरी धे हो़तालाक। धेनी खुङक्‍याई खी़ ङोदोङगो, नाम्‍खे भाङछेनगी श्‍याल च्‍योक्‍रे हो़क ग्‍याप्‍कीन थोवालाक।

१ कोरीन्‍थुपा 4:4

ङी ङारी झ्‍येजा नोन्‍डुक्‍याई कोरला घीया ढेन्‍सो़ झ्‍यी ॱमीथुक्‍वा, हीना दी ङाला क्‍यो़न मेगीन मेशोवालाक। धेनी ङी ठीम चेगीन नी, चोवो हीन।

२ कोरीन्‍थुपा 1:12

हीकी ङोम्‍सो झ्‍यीयेगी दो़न नी, दे जीक्‍तेनगी मीक्‍यामुला हीकी चो़पा धाङ ॱमीक्‍सेदु खेक्‍यामुला हीकी ढेवा नी, को़न्‍क्षोकने झ्‍युङगीन सेम ढाङपो धाङ चाङमा थोक्‍ने हीन्‍गीनगो, हीकी स्‍येयो़नगीराङ पाङपो झ्‍यीदालाक। दे नी जीक्‍तेनगी स्‍येरापगी थोक्‍ने मेन्‍दा, को़न्‍क्षोकगी थुक्‍जे थोक्‍ने झ्‍युवालाक।

२ कोरीन्‍थुपा 4:2

हीना हेक्‍याई साङवा धाङ ङोछागीन लेगा घीरी पा हो़क। धेनी हेक्‍या ॱली़टे धाङ को़न्‍क्षोकगी काला ॱयो़येगी लेगाक्‍या मीझ्‍यीहो़क। हीना को़न्‍क्षोकगी ॱमीक्‍वादु मी घीरीगी स्‍येशाङला, हेक्‍या मी घा हीन्‍गीनगो तो़न्‍येला, हेक्‍या धेन्‍पे कागो सावो झ्‍येरी सेटाक झ्‍यीदीहो़क।

२ तीमोथेउ 1:3

ङी ङीन-छेनगी ॱमो़लामला, ख्‍यो़ला च्‍योई ढेन्‍सो़ झ्‍यीदी घाङला, ङा को़न्‍क्षोकला थुक्‍जेक्षे श्‍यी़लीहो़क। ङी धाङबी फामा च्‍योक्‍रे, खोङबाला ङा स्‍येराप शाङपोगी थोक्‍ने श्‍याप्‍ची श्‍यी़लीहो़क।

ईब्‍रीपा 13:18

हीकी क्षीदु ॱमो़लाम ग्‍योप। धेनी हेक्‍याई स्‍येशाङ सावो धाङ दो़न घीरीला हीकी ढाङपो झ्‍यीयेगी दो़पा हो़गीनगो, हेक्‍याला तेन्‍देन स्‍येयेहो़क।

१ पेटो 3:16

साम्‍लो ॱनाम्‍पा दाक्‍पागी गोने झ्‍यीघो़। देरे झ्‍यीना मास्‍यीका नाङ हो़गीन खीकी च्‍यो़पा शाङाला ॱमेटा पाप्‍कीनक्‍या, राङगी ॱमेटागी राङ ङोछारु च्‍युक्‍कीलाक।