जेपा 22:5 - ॱलोवा

⁵ ङी ॱनागीन दे लाबक्‍या धेन्‍पा लाक ॱनेरी, चो क्षो़पो़न धाङ छोक्‍दी़गी गोठीक्‍याः पाङपो लाक। खोङबाक्‍याईराङ ङाला दामासेकोरु हो़गीन, याहुदापा पी़नक्‍याई मीङला यीक कुरपालाक धेनी होदे यीक देला चोवो येशुला धेपा-झ्‍यीगीनक्‍याला शीम्‍येगी आङजा, ङाला ॱनाङ हो़तालाक। होझ्‍येरी होदेक्‍याला येरुसालेमदु ठीक्‍ती क्षेपा कायेला, ङा दामासेकोरु सोवी।”

जेपा 22:5 Iomraidhean Croise

लुका 22:66

लाम लारी क्षो़पो़न क्षेक्‍या धाङ क्षो़ठीमगी ॱलोपो़नक्‍या छोक्‍दी़ जोम्‍बालाक धेनी खुङक्‍याई येशुला छोक्‍दी़रु ठीक्‍ती ॱनेवालाक,

जेपा 1:15

श्‍याक्‍मो तीते स्‍याम्‍ने येशुला धेपा-झ्‍यीगीन मी ग्‍याराङ ङीउ चो़गी खोक्‍दु, पेटो लारी देरे ॱनेवालाक,

जेपा 13:26

“पी़नक्‍याओ, आब्‍राहामगी ग्‍युपागी टुवाक्‍या धाङ को़न्‍क्षोकला जीक्‍नाङ झ्‍यीगीन याहुदापा मेन्‍गीनक्‍याओ, दे थारपागी का दे को़न्‍क्षोकगी होराङ घीरीगी क्षीला ॱनावालाक।

जेपा 2:29

“पी़नक्‍याओ, होरी मेमे दावीद नी ढोवालाक धेनी धी़ठोदु कुङबालाक धेनी खोङगी धी़ठो धान्‍दा थुक्‍पे हो़तालाक ॱनेरी, ङा ॱलोगोक झ्‍येरी खेक्‍याला ॱनाथुक्‍ई हो़क।

जेपा 22:1

“पी़नक्‍या धाङ गेम्‍पाक्‍याओ, ङारी स्‍योकने ङी कोरला ॱनाघोगीन लाब खेराङक्‍या ङेन्‍रोनाङ।”

जेपा 23:1

पाउलुगी छोक्‍दी़गी स्‍योकला स्‍यारी तेरी ॱनेवालाक, “पी़नक्‍याओ, धान्‍दा थुक्‍पे को़न्‍क्षोकगी दोङदु, ङी स्‍येशाङ चाङमागी गोने मीजी पीहो़क।”

जेपा 23:6

धा पाउलुगी होदुरु हो़गीन रीङगा, सादुकीपा धाङ रीङगा फारुसीपा हीन्‍गीनगो ॱहाघोरती केक क्षेला ॱनेवालाक, “पी़नक्‍याओ, ङा फारुसीपा हीन, फारुसीपागी भीजा हीन। ङी रेवागो छीवाने सो़न्‍पो लाङगीन लाबला झ्‍येरी, ङा दुरु ठीम पुयेला लाङाहीन।”

जेपा 26:10

धेनी ङी येरुसालेमला देरे झ्‍यीये झ्‍येवी। ङी क्षो़पो़न क्षेक्‍याई आङजा जोरती, धाम्‍पे मी ॱमीच्‍यीकी माङाला चो़न्‍खाङदु दाक्‍पी धेनी होदेक्‍याला सेये झ्‍यीदाराङ, ङीया ङोलेन झ्‍येवी।

जेपा 26:11

धेनी थेङमा ॱमीच्‍यीकी माङा ङी खुङक्‍याला येशुला ॱमेटा पाप्‍तु च्‍युक्‍येला, छोक्‍खाङक्‍या नाङदु छेपा कारु च्‍युक्‍पी। ङा खुङक्‍यामुला ॱमीच्‍यीकी श्‍येताङ लारी, ङी श्‍येम्‍मा ग्‍याखापक्‍याला सोरी खुङक्‍याला दुक्‍पु तावी।”

जेपा 26:12

“ङीमा च्‍यीक ङा क्षो़पो़न क्षेक्‍याई आङ धाङ का जोरती, दामासेको ग्‍याजा स्‍योकला सोवी।

जेपा 28:17

श्‍याक्‍मो सुमगी स्‍याम्‍ला पाउलुगी याहुदापा गोठीक्‍याला भो़री, जोम्‍दु च्‍युक्‍पालाक। धेनी खी़ खुङक्‍याला ॱनेवालाक, “पी़नक्‍याओ, ङी होरी मीक्‍या धाङ होरी धाङबी फामे लुक्‍सो़ला ग्‍याप ॱलोक्‍ये लेगा घीन्‍दा माझ्‍येवालाः, ङाला येरुसालेमगी चो़न्‍खाङदु धाक्‍ती धेनी रोमापाक्‍याई लाक्‍पाला ची ग्‍याप्‍सुङ।

जेपा 28:21

खुङक्‍याई ॱनेवालाक, “हेला ख्‍यी़ कोरला युदेयाने यीक ॱमालेप्‍सुङ। दुरु हुङगीन पी़न सी़या, ख्‍यी़ कोरला तामङेन स्‍येगीन माझ्‍युङ।

जेपा 3:17

“ङी रोवाक्‍याओ, ङाला क्षाहो़क, खेराङ धाङ खेराङक्‍याई पो़न्‍पोक्‍याई राङ घी झ्‍यीगीनगो ॱहामाघोरा, येशुला सेपालाक।

जेपा 4:5

ङीमा स्‍याम्‍मागोला पो़न्‍पोक्‍या धाङ क्षो़ठीमगी ॱलोपो़नक्‍या धाङ गोठीक्‍या, येरुसालेमदु जोम्‍बालाक।

जेपा 5:21

कुछापक्‍याई होदे लाब ङेन्‍दी, ॱङारोक ॱङात्‍ती क्षो़खाङ नाङदु सोरी क्षो़ स्‍येपालाक। धेनी चो क्षो़पो़न धाङ खी़ रोवा ईस्‍राएल्‍पाक्‍याई, गोठी घीरीला छोक्‍पा क्षेरु भो़वालाक। धेनी खुङक्‍याई कुछापक्‍याला आटाने ठीक्‍ती हुङयेला मीक्‍या झावालाक।

जेपा 9:14

धेनी खो क्षो़पो़न क्षेक्‍याई आङजाने, खेराङगी छेन भो़गीन घीरीला शीम्‍दु दुरु होदुक।”

गालातीयापा 1:13

एम्‍मा ङा याहुदापा क्षो़लुक चीली घाङला, ङी को़न्‍क्षोकगी क्षो़छोकला ॱमीच्‍यीकी जीक्‍टाक्षे दुक्‍पु तेरकीन धाङ होदेला मेताला ताङयेला थापस्‍यी झ्‍यीगीनगो, खेक्‍याई घोर हो़तालाक।

फीलीप्‍पीपा 3:6

धेनी क्षो़ला स्‍युक्‍क्षे चीगीनला ताना, ङा नी क्षो़छोकला दुक्‍पु ताङगीन धेनी क्षो़ठीम नाङगी ढाङतेनगी कोरला ॱनाना, ङा क्‍यो़न मेगीन मी च्‍यीक हीन।

१ तीमोथेउ 4:14

क्षो़छोकगी गेम्‍पाक्‍याई ख्‍यी़ खाला लाक्‍पा श्‍याक्‍ती, ॱङो़नस्‍येखेनगी थोक्‍ने ख्‍यो़ला थोप्‍था ॱनाङज्‍यीनगोला, ख्‍यो़ ॱनाङमे माझ्‍यी।