जेपा 22:30 - ॱलोवा

³⁰ याहुदापाक्‍याई पाउलुला घीझ्‍येरी क्‍यो़न चुक्‍पाले ॱनेरी, ॱमाक्‍पो़नगी घोरङी दो़पालाक। होझ्‍येरी ॱङेटोगो खी़ क्षो़पो़न क्षेक्‍या धाङ छोक्‍दी़ क्षेगी मी घीरीला केक तारी जोम्‍येला का ॱनावालाक धेनी पाउलुला ठीक्‍ती, खुङक्‍या दोङदु ॱलावालाक।

जेपा 22:30 Iomraidhean Croise

मेथा 10:17

मीक्‍याने शाप-शाप झ्‍यी घीझ्‍येरी ॱनाना खुङक्‍याई खेक्‍याला ठीम्‍खाङला ची ग्‍याप्‍कीलाक, धेनी खुङक्‍याई छोक्‍खाङक्‍यारु खेक्‍याला ताजाक श्‍युरकीलाक।

मेथा 27:2

धेनी खुङक्‍याई येशुला कीक्‍ती ठीक्‍ती सोरी, रोमापा चीख्‍याप पीलातुला ची ग्‍याप्‍पालाक।

मेथा 5:22

हीना ङा खेक्‍याला ॱनाहीन, राङगी पी़नमुला ठो़गीन घीरीला ठीम फोक्‍कीलाक धेनी राङगी पी़नला ॱमेबेप ताङगीनला, छोक्‍क्षेनगी दोङदु ठीम फोक्‍कीलाक धेनी श्‍येम्‍माक्‍याला ‘ख्‍यो़ फेन ॱमेथोक्‍कीन घोल्‍लोवा’ ॱनागीनक्‍या मेगी ॱङ्यावा खोकला डोयेगी ङेन्‍का हो़तालाक।

जेपा 21:11

खी़ पाउलुगी केराक खेरती, खोरी लाक्‍पा धाङ काङबाक्‍या धाम्‍दी ॱनेवालाक, “धाम्‍पे थुक्‍ङीगी देरे सुङी, येरुसालेमला डोना याहुदापाक्‍याई दे काउगी दाक्‍पोला देरे झ्‍येरीराङ धाम्‍गीलाक धेनी याहुदापा मेन्‍गीन मीरीकगी लाक्‍पाला ची ग्‍याप्‍कीलाक।”

जेपा 21:33

धेनी होदे ॱमाक्‍पो़नगी पाउलुला शीम्‍दी च्‍याक्‍थाक ॱङीगी खोला दोम ॱनेरी, का तेरती मीक्‍याला ढीवालाक, “मी दे सुले धेनी खी़ घी झ्‍येजो?”

जेपा 22:5

ङी ॱनागीन दे लाबक्‍या धेन्‍पा लाक ॱनेरी, चो क्षो़पो़न धाङ छोक्‍दी़गी गोठीक्‍याः पाङपो लाक। खोङबाक्‍याईराङ ङाला दामासेकोरु हो़गीन, याहुदापा पी़नक्‍याई मीङला यीक कुरपालाक धेनी होदे यीक देला चोवो येशुला धेपा-झ्‍यीगीनक्‍याला शीम्‍येगी आङजा, ङाला ॱनाङ हो़तालाक। होझ्‍येरी होदेक्‍याला येरुसालेमदु ठीक्‍ती क्षेपा कायेला, ङा दामासेकोरु सोवी।”

जेपा 23:1

पाउलुगी छोक्‍दी़गी स्‍योकला स्‍यारी तेरी ॱनेवालाक, “पी़नक्‍याओ, धान्‍दा थुक्‍पे को़न्‍क्षोकगी दोङदु, ङी स्‍येशाङ चाङमागी गोने मीजी पीहो़क।”

जेपा 23:15

होझ्‍येरी खेराङक्‍या धाङ छोक्‍दी़ थी़न्‍दी, पाउलुगी कोरला धोराङा घामोमा श्‍यीप्‍ता झ्‍यी दोक-दोक झ्‍यीयेला, खोला होदेने ठीक्‍ती हुङयेला ॱमाक्‍पो़नला श्‍युरोनाङ। धेनी छोक्‍दी़ला हुङी घाङला, हेक्‍या खोला लाम्‍गाला राङ सेये डाढीक झ्‍येरी धेदुक।”

जेपा 23:20

ख्‍योक्‍तोङगी़ ॱनेवालाक, “ॱङेटो याहुदापाक्‍याई पाउलुगी कोरला धोराङा चाजो़ झ्‍यी दोक-दोक झ्‍यीयेला छोक्‍दी़दु खेराङगी खोला ठीक्‍ती हुङरोझ्‍यी ॱनेरी, श्‍योवा पुरु हुङये ढो़ झ्‍येदुक।

जेपा 23:28

खी़ नोन्‍डु घी ले ॱनेरी घोरयेला, ङी खोला याहुदापाक्‍याई छोक्‍दी़दु ठीक्‍ती सोवी।

जेपा 23:6

धा पाउलुगी होदुरु हो़गीन रीङगा, सादुकीपा धाङ रीङगा फारुसीपा हीन्‍गीनगो ॱहाघोरती केक क्षेला ॱनेवालाक, “पी़नक्‍याओ, ङा फारुसीपा हीन, फारुसीपागी भीजा हीन। ङी रेवागो छीवाने सो़न्‍पो लाङगीन लाबला झ्‍येरी, ङा दुरु ठीम पुयेला लाङाहीन।”

जेपा 26:29

पाउलुगी ॱनेवालाक, “ग्‍योवा हीन्‍ना धाला हीन्‍ना, दे च्‍याकक्‍या च्‍यीगा माना, श्‍येम्‍मा खेराङ धाङ धीरीङ दुरु ङाला ङेन्‍गीन घीरी ङा च्‍योक्‍रे हुङवास्‍योक ॱनेरी, ङा को़न्‍क्षोकला ॱमो़लाम ग्‍यावाहीन।”

जेपा 5:21

कुछापक्‍याई होदे लाब ङेन्‍दी, ॱङारोक ॱङात्‍ती क्षो़खाङ नाङदु सोरी क्षो़ स्‍येपालाक। धेनी चो क्षो़पो़न धाङ खी़ रोवा ईस्‍राएल्‍पाक्‍याई, गोठी घीरीला छोक्‍पा क्षेरु भो़वालाक। धेनी खुङक्‍याई कुछापक्‍याला आटाने ठीक्‍ती हुङयेला मीक्‍या झावालाक।