जेपा 22:3 - ॱलोवा

³ “ङा कीलीकीयागी टारसो ग्‍याजारु केक्‍या याहुदापा च्‍यीक हीन, हीना ङा दुरु येरुसालेम ग्‍याजारु गामालीएलगी ॱलोप्‍टुक झ्‍येरी छारपालाक। होरी धाङबी फामाक्‍याने राङ चीरी होवा क्षो़ठीमगी ॱलापच्‍याक्‍या, ङी घामोमा झाङ हो़क। धीरीङ खेराङक्‍याई को़न्‍क्षोकला ॱमीच्‍यीकी चीगीन च्‍योक्‍रे, ङीयाः होझ्‍येरीराङ चीहो़क।

जेपा 22:3 Iomraidhean Croise

लुका 10:39

मोला मीरीयाम ॱनागीन नुमो च्‍यीक हो़तालाक। मीरीयाम चोवोगी श्‍याप डामदु धेदी, खोङबागी कालोप ङेन्‍दी धे हो़तालाक।

लुका 2:46

श्‍याक्‍मो सुम स्‍याम्‍ने, खुङक्‍याई येशुला क्षो़खाङ नाङदु याहुदापा क्षो़पो़नक्‍यामुला श्‍युक्‍ती, खुङक्‍याई लाब ङेन्‍दी खुङक्‍याला ढीवा ढीरी श्‍युक्‍कीनगो थुक्‍पालाक।

लुका 8:35

धेनी मीक्‍या होदुरु घी झ्‍युङगीनगो तायेला, येशुचारु होवालाक। धेनी डे थो़न्‍दा मीगो, येशुगी श्‍यापगी दोङला घोलाक घो़न्‍दी, रीक्‍पा तेन्‍पो झ्‍युरी धेगीनगो थोरी, होदे मीक्‍या जीक्‍पालाक।

जेपा 11:25

धेनी बारनाबा साउलला चारु टारसोरु सोवालाक।

जेपा 15:23

खुङ श्‍यीगी लागाला देरे यीगी च्‍यीक तेरती झावालाक, “आन्‍तीयोक धाङ सीरीया धाङ कीलीकीयारु धेगीन याहुदापा मेन्‍गीन, धेपा-झ्‍यीगीन पी़नक्‍याला खेराङगी पी़न, हे कुछापक्‍या धाङ क्षो़छोकगी गोठीक्‍याने टास्‍यी धेलेक।

जेपा 15:41

सीरीया धाङ कीलीकीया साजाने झ्‍युरी डी़ घाङला, खुङक्‍याई होदे साजाक्‍याई धेपा-झ्‍यीगीन क्षो़छोकक्‍याला धेपाला स्‍युक्‍क्षे शो़री सोवालाक।

जेपा 21:20

पाउलुगी लाबला ङेन्‍दी खुङक्‍याई को़न्‍क्षोकला तो़टा पुवालाक। धेनी खुङक्‍याई खोला ॱनेवालाक, “पी़नक्‍याओ, दुरुवा याहुदापाक्‍याने मी तोङठाकगी चोवोला धेपा झ्‍येरी, मोशेगी ॱनाङना क्षो़ठीमला ॱमीच्‍यीकी हुरा झ्‍येरी चीरी धेदुक।

जेपा 21:39

पाउलुगी लेन ग्‍याप्‍पालाक, “ङा होदे मेन। ङा नी कीलीकीया युगी टारसो ॱनागीन ग्‍याजा केटाक्‍क्षेदु क्‍येक्‍या याहुदापा च्‍यीक हीन। दे मीक्‍याला लाब ताङदु च्‍युक्‍रोनाङ ॱनेरी, ङा खेराङला श्‍योवा पुलाहीन।”

जेपा 23:34

होदे यीक ढोक सारती पो़न्‍पोगी पाउलुला ढीवालाक, “ख्‍यो़ लुङबा घाने ले?” धेनी पाउलुगी ॱनेवालाक, “ङा कीलीकीयाने हीन।”

जेपा 23:6

धा पाउलुगी होदुरु हो़गीन रीङगा, सादुकीपा धाङ रीङगा फारुसीपा हीन्‍गीनगो ॱहाघोरती केक क्षेला ॱनेवालाक, “पी़नक्‍याओ, ङा फारुसीपा हीन, फारुसीपागी भीजा हीन। ङी रेवागो छीवाने सो़न्‍पो लाङगीन लाबला झ्‍येरी, ङा दुरु ठीम पुयेला लाङाहीन।”

जेपा 26:5

ङा हीकी क्षो़गी ॱमीच्‍यीकी स्‍युक्‍क्षे धाङ ॱरा हो़गीन छोक्‍पा फारुसीपाक्‍याने च्‍यीक हीन ॱनेरी, खुङक्‍याला एम्‍मानेराङ क्षा हो़तालाक। धेनी खुङक्‍या थेना देगी पाङपो तेर थुक्‍कीलाक।

जेपा 26:9

“ङीया थेङमा च्‍यीक नाजारेतगी येशुगी छेनला, झ्‍यी थुक्‍तु ग्‍याप्‍केल झ्‍यीयेहीन ॱनेरी साम्‍लो तावी।

जेपा 5:34

हीना गामालीएल ॱनागीन फारुसीपा मी च्‍यीक छोक्‍पा घुङदु लारी, कुछापक्‍याला तीते च्‍यीक फीला झावालाक। खो मी घीरीगी चीगीन क्षो़ठीमगी ॱलोपो़न लाक।

जेपा 6:9

हीना कुरेने धाङ आलेक्‍जेन्‍डीया ग्‍याजा धाङ कीलीकीया धाङ एशीयाने होवा, याहुदापा मी रीङगा रुप्‍ती सेतेफेनमुला ॱङ्योक्‍टा स्‍येवालाक। होदे याहुदापाक्‍या “राङवे मी” ॱनागीन छोक्‍खाङगी मीक्‍या लाक।

जेपा 9:1

साउल धोराङा चोवोगी ङेनेक्‍याला, सेयेला जीक्‍टा कुली हो़तालाक। धेनी खो चो क्षो़पो़नचारु सोरी, चोवोगी लामला डोगीन ङेने फो-मो घीरीला शीम्‍दी, येरुसालेमला ठीक्‍ती हुङयेला दामासेकोगी छोक्‍खाङक्‍याई पो़न्‍पोक्‍याला छोक्‍चेनगी यीक्‍चा श्‍यी़वालाक।

जेपा 9:11

चोवोगी खोला सुवालाक, “लोङ धेनी खाप्‍ते ॱनागीन ॱराङगाकने सोरी, युदागी खाङबारु टारसो ग्‍याखापगी साउलला चो। खो सोवा ग्‍याप्‍ती धे हो़तालाक।

जेपा 9:30

धेनी धेपा-झ्‍यीगीनक्‍याई दे ॱहाघोरती, खोला केसारयाला ठीक्‍ती खोरी यु टारसोरु झावालाक।

रोमापा 11:1

धा ॱहाना ङा ढीलाहीन, “को़न्‍क्षोकगी राङगी मीक्‍याला पाङा जेपालाक से?” चावाने माजेदुक। घीझ्‍येरी ॱनाना ङाः आब्‍राहामगी भुग्‍यु धाङ बेन्‍यामीनगी री़वागी ईस्‍राएल्‍पा च्‍यीक हीन।

२ कोरीन्‍थुपा 11:22

धा खुङक्‍या ईब्‍रीपा ले? ङाः हीन। खुङक्‍या आब्‍राहामगी भी़टुक ले? ङाः हीन।

गालातीयापा 1:14

हीकी मीक्‍या खोक्‍दु ङी लो डाडागी मीक्‍याने ल्‍हाक, याहुदापा क्षो़लुकला ङा एन्‍ला थारजुङ धेनी ङी फामे लुक्‍सो़क्‍याला ङा ॱमीच्‍यीकी स्‍युक्‍क्षे चीलीहो़क।

गालातीयापा 1:21

होदे स्‍याम्‍ने, ङा सीरीया धाङ कीलीकीया युछोकला सोवी।