जेपा 22:25 - ॱलोवा

²⁵ ॱमाक्‍मीक्‍याई खोला श्‍युरयेला धाम्‍ये झ्‍यीदी घाङला, पाउलुगी खोरी बोलोक्‍तु हो़गीन ग्‍यापो़नला ॱनेवालाक, “रोमापा ठीमला रोमापा च्‍यीकगी नोन्‍डु झ्‍ये-माझ्‍ये ॱहामाघोराः, खोला ताजाक श्‍युर छोक्‍वाले?”

जेपा 22:25 Iomraidhean Croise

मेथा 10:17

मीक्‍याने शाप-शाप झ्‍यी घीझ्‍येरी ॱनाना खुङक्‍याई खेक्‍याला ठीम्‍खाङला ची ग्‍याप्‍कीलाक, धेनी खुङक्‍याई छोक्‍खाङक्‍यारु खेक्‍याला ताजाक श्‍युरकीलाक।

मेथा 27:54

धा ॱमाक्‍मीगी ग्‍यापो़न धाङ खी़मुला येशुला ॱरुङगीनक्‍याई, सायोम ग्‍याप्‍कीन धाङ घी झ्‍युङगीन घीरी थोवालाक। धेनी खुङक्‍या जीक्‍टागी खारी ॱनेवालाक, “दे नी ॱङोन्‍नेगी को़न्‍क्षोकगी से हीन्‍दाराक!”

मेथा 8:8

हीना ग्‍यापो़नगी श्‍यी़वालाक, “चोवो ला, ङा खेराङला ङी खीम नाङदु फेप्‍सु श्‍युरीन खाये मेक। हीना खेराङगी का च्‍यीगा सुङना, ङी ॱयोक्‍पो ढाक्‍कीलाक।

जेपा 10:1

केसारयारु कोरनेलीहु ॱनागीन मी च्‍यीक हो़तालाक। खो ईटालीपा ॱमाक्‍छोकगी ग्‍यापो़न च्‍यीक लाक।

जेपा 16:37

हीना पाउलुगी ॱमाक्‍मीक्‍याला ॱनेवालाक, “हेक्‍या रोम ग्‍याखापगी मी झ्‍येरीयाः खुङक्‍याई हीकी ठीम ॱमाचेपालाः हेक्‍याला मीमाङक्‍याई दोङदु ॱमीच्‍यीकी आ श्‍युरजुङ धेनी धोराङा हेक्‍याला चो़न्‍खाङला दाक्‍जुङ। धा हेला खाबा तो़न्‍ये झ्‍यीदाले? दे हुङ छोक्‍ये मेतालाक। खुङक्‍याराङ होरी हेक्‍याला देने, फीला तो़न घोगीलाक।”

जेपा 22:26

धेनी ग्‍यापो़नगी दे घोरती खो ॱमाक्‍पो़नचारु सोरी ॱनेवालाक, “खेराङगी घी झ्‍यीये झ्‍यीदा? होदे मी नी रोमापा दुक।”

जेपा 23:17

धेनी पाउलुगी ग्‍यापो़न च्‍यीकला केक तारी ॱनेवालाक, “दे ख्‍योक्‍तोङला ॱमाक्‍पो़नचारु ठीक्‍ती सोङ। खो ॱमाक्‍पो़नला लाब च्‍यीक स्‍येये हो़तालाक।”

जेपा 23:27

पाउलु ॱनागीन मी देला, याहुदापाक्‍याई सेयेला शीम्‍दुक हीना दे रोमगी मी लाक ॱनेरी, ङी ॱहाघोरती ङी ॱमाक्‍मीक्‍या ठीक्‍ती खोला होदेक्‍याने ङी क्‍योप्‍पी।

जेपा 25:16

‘क्‍यो़न फोक्‍पा मीगो क्‍यो़न चुक्‍कीनक्‍याई दोङदु मालाङ थुक्‍पे धेनी खोरी क्‍यो़नक्‍याई क्षीदु ॱरुङक्‍योप झ्‍यीयेगी घुकाप माजोर थुक्‍पे, रोमापा ठीमला होदे मीगोला ठीम्‍चो़गी क्षीदु ची ग्‍याप्‍ये मेरालाक’ ॱनेरी ङी खुङक्‍याला ॱनेवी।

जेपा 27:1

हेक्‍या ईटाली ग्‍याखापला डोये ढो़ झ्‍युरी, खुङक्‍याई पाउलुला श्‍येम्‍मा चो़न्‍पाक्‍यामुला युलीयु ॱनागीन, रोमापा ग्‍यावुगी ॱमाक्‍मीक्‍याई ग्‍यापो़नगी लागाला ची ग्‍याप्‍पालाक।

जेपा 27:3

ॱङेटोगो हेक्‍या सीदोन ग्‍याजाला ॱलेप्‍सुङ। होदे ग्‍याजारु ग्‍यापो़न युलीयुगी पाउलुला ॱङीङजे झ्‍येरी, खोला खोरी रोवाक्‍याला थुक्‍तु डोये धाङ घो़गीन चालाकक्‍या लेन्‍दु डोये घुकाप ॱनावालाक।

जेपा 27:43

हीना ग्‍यापो़नगी पाउलुला क्‍योप्‍येगी दो़पा झ्‍येरी, ॱमाक्‍मीक्‍याई ढो़गो खी़ डुप्‍तु ॱमाच्‍युक्‍पालाक। धेनी खी़ क्‍या ग्‍याप थुप्‍कीनक्‍याला क्षुला क्षोरी, एन्‍ला सा काम्‍बोला सोङ ॱनेरी का ॱनावालाक।