जेपा 22:16 - ॱलोवा

¹⁶ होझ्‍येरी धा ख्‍यो़ घीला घुक्‍ती धेता? लोङ धेनी ठी़सो़ लेन धेनी ख्‍यो़री धीक्‍पाक्‍या चाङमा शोयेला, चोवो येशुगी छेन भो़।’

जेपा 22:16 Iomraidhean Croise

योहान्‍ना 13:8

पेटोगी येशुला श्‍यी़वालाक, “खेराङगी ङी काङबा नामा ठी़ये मेतालाक।” येशुगी खोला लेन ॱनावालाक, “ङी ख्‍यो़ला ॱमाठी़ना, ख्‍यो़ ङीमुला ढेवा मेतालाक।”

जेपा 2:21

हीना होदे घाङला चोवोगी मीङ भो़गीनक्‍या घीरीला, थारपा थोप्‍कीलाक।’

जेपा 2:38

धेनी पेटोगी ॱनेवालाक, “खेराङक्‍या घीरीगी राङगी धीक्‍पा पारी सेम ग्‍युरवा तोङ धेनी येशु मास्‍यीकागी छेनने ठी़सो़ श्‍यी़। धेनी खेराङक्‍याई धीक्‍पाने घोयाङ थोप्‍कीलाक धेनी को़न्‍क्षोकगी धाम्‍पे थुक्‍ङीगी ॱङेन्‍बा राक्‍कीलाक।

जेपा 7:59

खुङक्‍याई सेतेफेनला धोगोङ श्‍युरी घाङला, खी़ ॱमो़लाम ग्‍याप्‍पालाक, “चोवो येशु, ङी सेम्‍ङी ॱनुमा जेक।”

जेपा 9:14

धेनी खो क्षो़पो़न क्षेक्‍याई आङजाने, खेराङगी छेन भो़गीन घीरीला शीम्‍दु दुरु होदुक।”

जेपा 9:18

धेनी लाम्‍साङ साउलगी ॱमीकने, ङ्यासाक च्‍योक्‍रे च्‍यीक ल्‍हीम्‍बालाक। धा खी़ थोवालाक। धेनी खो लारी ठी़सो़ लेन्‍बालाक।

१ कोरीन्‍थुपा 1:2

कोरीन्‍थुरु हो़गीन, को़न्‍क्षोकगी क्षो़छोक धाङ मास्‍यीका येशुगी थोक्‍ने, को़न्‍क्षोकगी धाम्‍पा जेजा धाङ धाम्‍पे मी झ्‍युङयेला भो़पाक्‍यामुला साजा हो़लेने, खुङक्‍या धाङ होरी चोवो हीन्‍गीन होरी चोवो येशु मास्‍यीकागी छेन भो़गीन घीरीला,

१ कोरीन्‍थुपा 12:13

घीझ्‍येरी ॱनाना होराङ याहुदापा हीन्‍ना गीरीक हीन्‍ना याङना ढेन्‍योक हीन्‍ना राङवाङगी मी हीन्‍ना, होराङ घीरी ली़ च्‍यीकला ग्‍युरयेला, धाम्‍पे थुक्‍ङी च्‍यीगारागी थोक्‍ने ठी़सो़ थोप्‍पालाक धेनी होराङ घीरीगी नाङ धाम्‍पे थुक्‍ङी च्‍यीक्‍पाराङ ॱनाङ हो़तालाक।

१ कोरीन्‍थुपा 6:11

धेनी खेक्‍या नाङने रीङगा एम्‍मा देरे हो़तालाक। हीना चोवो येशु मास्‍यीकागी छेन धाङ होरी को़न्‍क्षोकगी थुक्‍ङीगी थोक्‍ने, खेक्‍या चाङमा धाङ धाम्‍पा धाङ ढाङपो जेपालाक।

गालातीयापा 3:27

मास्‍यीकागी थोक्‍ने ठी़सो़ लेन्‍गीन घीरीगी, मास्‍यीकागी स्‍यीकाला खेलेन्‍बालाक।

एफीसुपा 5:26

दीगी दो़नगो, क्षो़छोकला धाम्‍पा जेयेगी क्षीला कागी थोक्‍ने, क्षुगी ठी़री चाङमा जेपालाक।

तीतोस 3:5

होरी ले शाङपो झ्‍येरी मेन्‍दा, खोङबागी ॱङीङजेगी झ्‍येरी होराङला क्‍योप जेपालाक। धाम्‍पे थुक्‍ङीगी थोक्‍ने खोङबागी होरी धीक्‍पा ठी़सो़ जेदी, होराङला धाब्‍ले केरु च्‍युक्‍ती मीछे साबा ॱनावालाक।

ईब्‍रीपा 10:22

होरी सेम नाङगी साम्‍लो ङेन्‍पाक्‍या, मास्‍यीकागी कुठाक तोरती दाक्‍ता धाङ होरी ली़ क्षु चाङमागी ठी़री, होराङ सेम ढाङपो धाङ यीच्‍चे तेन्‍पोगी खारी, होराङ को़न्‍क्षोकगी डुङदु डो।

१ पेटो 3:21

क्षु दे नी खेक्‍याला धान्‍दा क्‍योप्‍कीन, ठी़सो़गी ताक लाक। दे नी ली़गी ढीमाक ठुगीन च्‍योक्‍रे मालाक हीना साम्‍लो ॱनाम्‍पा दाक्‍पागी क्षीला, को़न्‍क्षोकगी डुङदु धाम्‍चा च्‍यीक लाक। येशु मास्‍यीका छीवाने कुसो़न्‍पो ग्‍युरकीनगी थोक्‍ने, ठी़सो़गी खेक्‍याला क्‍योप्‍कीलाक।