जेपा 22:14 - ॱलोवा

¹⁴ धेनी खी़ ङाला ॱनेजुङ, ‘होरी धाङबी फामाक्‍याई चीगीन को़न्‍क्षोकगी खोङबा राङगी दो़पा, ख्‍यी़ ॱहाघोरयेला धाङ होदे मी ढाङपोला थोङये धाङ खोङबागी सुङकेक ङेन्‍येला खेराङला को़ जेपालाक।

जेपा 22:14 Iomraidhean Croise

योहान्‍ना 15:16

खेक्‍याई ङाला दाम्‍बामेन हीना ङी खेक्‍याला दाम्‍बाहीन। धेनी खेक्‍या सोरी ढेबु क्षाक्‍ये धाङ ढेबु दे ताक्‍दु ॱनेयेला, ङी खेक्‍याला को़वाहीन। होझ्‍येरी खेक्‍याई ङी मीङगी थोक्‍ने यापला घी श्‍यी़ना, खोङबागी खेक्‍याला ॱनाङगीलाक।

जेपा 13:17

ईस्‍राएल्‍पा ग्‍युपागी को़न्‍क्षोकगी होरी धाङबी फामाक्‍याला दामा जेसुङ धेनी खुङक्‍या एजेप ग्‍याखापदु धेदी घाङला, खुङक्‍याई मीरीक माङा फेरु च्‍युक्‍वा जेसुङ। खोङबागी नी़थु तो़न्‍दी, को़न्‍क्षोकगी खुङक्‍याला एजेप ग्‍याखापने तो़न्‍दा जेसुङ।

जेपा 22:15

घीझ्‍येरी ॱनाना खोङबागी छीला खेराङगी थोङगीन धाङ ङेन्‍गीनगी पाङपो झ्‍युरी, मी घीरीला स्‍येगीन ख्‍यो़ झ्‍युङगीलाक।

जेपा 22:18

थोङनाङला चोवो येशु ज्‍याजुङ धेनी ङाला सुजुङ, ‘ग्‍योक्‍जे येरुसालेम भोरती सोङ घीझ्‍येरी ॱनाना ङी कोरला स्‍येगीन, ख्‍यी़ पाङपोक्‍याला दे मीक्‍याई खेलेन्‍गीमालाक।’

जेपा 24:14

हीना देक्‍याई क्षो़लुक ॱनेरी ताक्‍कीन लाम दे, ङी धाङबी फामागी को़न्‍क्षोकला ङा क्षाक्‍क्षो़पा पुलाहीन ॱनेरी, ङी खेलेन्‍दी हो़क। धेनी मोशेगी क्षो़ठीमला ढीक्‍टा धाङ ॱङो़नस्‍येखेनक्‍याई धेपक्‍याला ढीक्‍टाक्‍याला ङा चीलीहो़क।

जेपा 26:16

धा लोङ, ङा ख्‍यो़ला ङी श्‍यापच्‍यीपा धाङ ङी पाङपो तेरकीन, मी शोयेला दुरु होवाहीन। ख्‍यो़ ङी कोरला धान्‍दा थोथा धाङ माउपारला थोङगीन लाबक्‍या घीरीला स्‍येघोगीलाक।

जेपा 5:30

खेराङक्‍याई ग्‍याङस्‍यीङ खाला शेर ग्‍याप्‍ती सेसा येशुला, हीकी धाङबी फामाक्‍याई चीगीन को़न्‍क्षोकगी याङ सो़न्‍पो श्‍याङ जेपालाक।

जेपा 7:52

खेराङक्‍याई धाङबी फामाक्‍याई दुक्‍पु ॱमाताङगीन, ॱङो़नस्‍येखेन च्‍यीया हो़ताले? को़न्‍क्षोकगी मी ढाङपोगो फेप्‍यी हो़तालाक ॱनेरी, लो़न तेरकीन ॱङो़नस्‍येखेनक्‍याला खुङक्‍याई सेजुङ। धेनी खेराङक्‍याई खोङला गो कोरती सेजुङ।

जेपा 9:15

धेनी चोवोगी खोला सुवालाक, “सोङ, घीझ्‍येरी ॱनाना याहुदापा मेन्‍गीन मीरीकक्‍या धाङ ग्‍यावुक्‍या धाङ ईस्‍राएल्‍पाक्‍याचारु, ङी कोरला स्‍येयेला खो नी ङी दाम्‍दा लाक्‍चा हीन।

जेपा 9:17

धेनी आनानीया सोरी साउल धेता खाङबा नाङदु जुवालाक। खी़ साउलगी खाला लाक्‍पा श्‍याक्‍ती ॱनेवालाक, “साउल, ख्‍यो़ दुरु हुङी घाङला लाम्‍गाला जाजा चोवो येशुगी ङाला, ख्‍यी़ ॱमीक धाब्‍ले थोङयेला धाङ धाम्‍पे थुक्‍ङीगी खाङयेला ख्‍यी़चारु झाजुङ।”

रोमापा 1:1

येशु मास्‍यीकागी ढेन्‍योक, ङा पाउलु कुछाप झ्‍युङयेला भो़पा धाङ को़न्‍क्षोकगी ताम्‍शाङ दे स्‍येयेगी क्षीदु को़वाहीन।

१ कोरीन्‍थुपा 11:23

घीझ्‍येरी ॱनाना चोवोने ङाला घी थोप्‍कीनगो, ङी खेक्‍याला तेरहो़क। होदेगो, चोवो येशु डागी लाक्‍तु छी़गीन छेनगोला, खोङगी ग्‍याङगागो क्षाकला ॱनुम्‍बालाक

१ कोरीन्‍थुपा 15:3

घीझ्‍येरी ॱनाना ङाला थोप्‍था धाङपो गेक्षेस्‍योकगो, होदेरेराङला ङी खेक्‍याला स्‍येवी, दे नी सुङरापला ढीक्‍टा च्‍योक्‍रे मास्‍यीका होरी धीक्‍पागी क्षीदु ढोङा जेपालाक,

१ कोरीन्‍थुपा 15:8

धेनी घीरीने स्‍याम्‍योकगोला, धी़ मारीङबाला केक्‍या मीचारु च्‍योक्‍रे, खोङबा ङी चारुवाः ॱङो़न जेपालाक।

१ कोरीन्‍थुपा 9:1

ङाला राङवाङ मेताले? ङा कुछाप च्‍यीक माले? ङी होरी चोवो येशुला ज्‍या माङ्युवाले? चोवोगी नाङ ङी लेगागी ढेबुगो, खेक्‍या माले?

२ कोरीन्‍थुपा 5:21

घीझ्‍येरी ॱनाना मास्‍यीकागी गोने, होराङ को़न्‍क्षोकगी डुङदु ढाङपो चीयेगी क्षीदु, धीक्‍पा मेगीन मास्‍यीकाला होरी क्षीदु धीक्‍चेन जेपालाक।

गालातीयापा 1:12

घीझ्‍येरी ॱनाना ङाला दे मी सुनेः जोरपा मालाक धेनी सी़या ॱलाप्‍पा मालाक हीना येशु मास्‍यीकाला ॱङो़न्‍सुम ज्‍यारी, खोङबाने ङाला दे थोप्‍सुङ।

गालातीयापा 1:15

हीना ङा ॱमाकेगीन एन्‍लाराङ ङाला राजा पेरी दामा जेगीन, धाङ राङगी थुक्‍जे थोक्‍ने भो़ जेगीन को़न्‍क्षोकगी थुक्‍ङेउ जेदी,

२ तीमोथेउ 1:1

मास्‍यीका येशुगी नाङ हो़गीन छेगी धाम्‍चा च्‍योक्‍रे, को़न्‍क्षोकगी थुकोङ थोक्‍ने, मास्‍यीका येशुगी कुछाप ङा पाउलुने,

तीतोस 1:1

को़न्‍क्षोकगी ॱयोक्‍पो धाङ येशु मास्‍यीकागी कुछाप, ङा पाउलु, को़न्‍क्षोकगी दाम्‍दाक्‍याई धेपागी क्षीला धाङ को़न्‍क्षोकला थुक्‍ङेउ मीजी पी़येला धेनी लाब धेन्‍पा ॱहाघोतु च्‍युक्‍येला, ङाला को़वालाक।

१ पेटो 2:22

“खोङबागी धीक्‍पा च्‍यीया माझ्‍ये, धेनी खोङबागी ॱली़टेगी छीक ॱमासुङ।”

१ योहान्‍ना 2:1

ङी चेवे टुवाक्‍याओ, खेक्‍याई धीक्‍पा मीझ्‍यीदास्‍योक ॱनेरी, ङा खेक्‍याला दे लाबक्‍या ढीयाहीन। हीना खेक्‍याने च्‍यीकगी धीक्‍पा झ्‍यीना यापगी डुङदु, होरी क्षीला श्‍योवा पुगीन च्‍यीक हो़तालाक। खोङ नी ढाङतेन्‍पा येशु मास्‍यीका लाक।