जेपा 22:1 - ॱलोवा

¹ “पी़नक्‍या धाङ गेम्‍पाक्‍याओ, ङारी स्‍योकने ङी कोरला ॱनाघोगीन लाब खेराङक्‍या ङेन्‍रोनाङ।”

जेपा 22:1 Iomraidhean Croise

लुका 12:11

“खेक्‍याला छोक्‍खाङक्‍या धाङ पो़न्‍पोक्‍या धाङ वाङग्‍युर झ्‍यीगीनक्‍या दोङदु ठीक्‍ती हुङी घाङला, राङला घाङगी झ्‍येरी क्‍योप्‍ये याङना घी ॱनाघोगुले ॱनेरी दुङा माझ्‍यी।

लुका 21:14

होझ्‍येरी होदे घाङला, लेन घी तेरये ॱनेरी एन्‍दुरु दुङा मीझ्‍यीयेला, राङगी सेम डाढीक झ्‍यी।

जेपा 13:26

“पी़नक्‍याओ, आब्‍राहामगी ग्‍युपागी टुवाक्‍या धाङ को़न्‍क्षोकला जीक्‍नाङ झ्‍यीगीन याहुदापा मेन्‍गीनक्‍याओ, दे थारपागी का दे को़न्‍क्षोकगी होराङ घीरीगी क्षीला ॱनावालाक।

जेपा 19:33

याहुदापाक्‍याई आलेक्‍जेन्‍डार ॱनागीन मीला दोङदु झावालाक। धेनी मीक्‍याई होदुरु झ्‍युजा लाब ॱनो़ ॱनेरी फेरा ग्‍याप्‍पालाक। धेनी खी़ लाक्‍पागी जुक्‍ते झ्‍येरी घीरीला तीङचोई शो़री, खुङक्‍याई छोकने लाब ताङये झ्‍येवालाक।

जेपा 23:1

पाउलुगी छोक्‍दी़गी स्‍योकला स्‍यारी तेरी ॱनेवालाक, “पी़नक्‍याओ, धान्‍दा थुक्‍पे को़न्‍क्षोकगी दोङदु, ङी स्‍येशाङ चाङमागी गोने मीजी पीहो़क।”

जेपा 23:6

धा पाउलुगी होदुरु हो़गीन रीङगा, सादुकीपा धाङ रीङगा फारुसीपा हीन्‍गीनगो ॱहाघोरती केक क्षेला ॱनेवालाक, “पी़नक्‍याओ, ङा फारुसीपा हीन, फारुसीपागी भीजा हीन। ङी रेवागो छीवाने सो़न्‍पो लाङगीन लाबला झ्‍येरी, ङा दुरु ठीम पुयेला लाङाहीन।”

जेपा 24:10

धेनी पो़न्‍पो फेलीकगी पाउलुला लाब ताङयेला लाक्‍ता झ्‍येवालाक धेनी पाउलुगी देरे ॱनेवालाक, “लो माङाने, खेराङ दे ग्‍याखापगी ठीम्‍पो़न झ्‍युङगीनगो ङाला क्षाहो़क। होझ्‍येरी खेराङगी दोङदु ङा ङारी स्‍योकगी लाब श्‍याक्‍येला, ॱमीच्‍यीकी ङ्यामो घा हो़क।

जेपा 25:16

‘क्‍यो़न फोक्‍पा मीगो क्‍यो़न चुक्‍कीनक्‍याई दोङदु मालाङ थुक्‍पे धेनी खोरी क्‍यो़नक्‍याई क्षीदु ॱरुङक्‍योप झ्‍यीयेगी घुकाप माजोर थुक्‍पे, रोमापा ठीमला होदे मीगोला ठीम्‍चो़गी क्षीदु ची ग्‍याप्‍ये मेरालाक’ ॱनेरी ङी खुङक्‍याला ॱनेवी।

जेपा 25:8

धेनी पाउलुगी खोरी छोकला देरे लेन तेरपालाक, “ङी याहुदापागी क्षो़ठीम धाङ क्षो़खाङ याङमेना रोमापा ग्‍यावुगी ग्‍यापला, लेगा ङेन्‍पा घीन्‍दा माझ्‍येहो़क।”

जेपा 26:24

दे लाबक्‍या घोरती फेस्‍तुगी फेरा ग्‍याप्‍ती ॱनेवालाक, “पाउलु, ख्‍यो़ ॱङ्योदुक! क्षो़ माङा ॱलाप्‍ती, ख्‍यो़ ॱङ्योम्‍बा झ्‍युदुक।”

जेपा 28:17

श्‍याक्‍मो सुमगी स्‍याम्‍ला पाउलुगी याहुदापा गोठीक्‍याला भो़री, जोम्‍दु च्‍युक्‍पालाक। धेनी खी़ खुङक्‍याला ॱनेवालाक, “पी़नक्‍याओ, ङी होरी मीक्‍या धाङ होरी धाङबी फामे लुक्‍सो़ला ग्‍याप ॱलोक्‍ये लेगा घीन्‍दा माझ्‍येवालाः, ङाला येरुसालेमगी चो़न्‍खाङदु धाक्‍ती धेनी रोमापाक्‍याई लाक्‍पाला ची ग्‍याप्‍सुङ।

जेपा 7:2

सेतेफेनगी लेन ग्‍याप्‍पालाक, “पी़नक्‍याओ, ङाला ङेन्‍रोनाङ। शीजेगी को़न्‍क्षोकगी होरी, मेमे आब्‍राहामला हारानदु धेगीन एन्‍लाराङ, मेसोपोटामीया ॱनागीन लुङबादु थोङनाङ ॱनावालाक।

रोमापा 2:15

धेनी खुङक्‍याई क्षो़ठीमगी काक्‍या राङगी सेमला ढीक हो़गीनगो तो़न्‍दालाक। धेनी खुङक्‍याई स्‍येशाङगीयाः पाङपो झ्‍यीदालाक धेनी खुङक्‍याई साम्‍लोगी दुगा क्‍यो़न चुक्‍वालाक धेनी दुगा ॱरुङक्‍योप झ्‍यीदालाक।

१ कोरीन्‍थुपा 9:3

ङाला खा ताङगीनक्‍याई क्षीदु ङी लेन नी दे लाक,

२ कोरीन्‍थुपा 12:19

धान्‍दा थुक्‍पे हेक्‍या खीकी दोङदु राङगी क्‍यो़न मेगीनगी कोरला, सेस्‍ये झ्‍यीगीनगो खेक्‍या सामाले? हेक्‍या नी मास्‍यीकागी नाङ को़न्‍क्षोकगी डुङदु ॱनीहो़क। चेवेक्‍याओ, दे घीरी खेक्‍याला यारके ताङयेगी क्षीदु लाक।

२ कोरीन्‍थुपा 7:11

तो़दाङ, को़न्‍क्षोकगी थुकोङला हो़गीन च्‍योक्‍रे, खेक्‍याई सेम क्‍योगीनगी खीकी नाङ घारे ग्‍युरवा झ्‍युदो। खेक्‍या राङला क्‍यो़न मेगीन तो़न्‍येला दो़पा क्षे धाङ श्‍येताङ धाङ जीक्‍नाङ धाङ सेमस्‍युक धाङ दो़नाङ धाङ लेङेनक्‍याला छेपा कायेला डाढीक दुक। खेक्‍याई राङला दो़न हो़लेला क्‍यो़न मेगीन तो़न्‍दुक।

फीलीप्‍पीपा 1:17

हीना ङाला चो़न्‍खाङदु दुक्‍पु ताङयेगी साम्‍लो तारी, ढेन्‍दुर झ्‍यीगीनक्‍याई सेम ढाङपोगी थोक्‍ने मेन्‍दा, राङगी दो़पा काङयेगी क्षीदु क्षो़ स्‍येदालाक।

फीलीप्‍पीपा 1:7

खेक्‍या ङी सेम नाङदु झ्‍येरी खेक्‍या घीरीगी कोरला, देरे छोरनाङ केये दे ङी क्षीदु धेन्‍पा दुक। ङा चो़न्‍खाङदु हो़ती घाङला याङना ताम्‍शाङला ॱरुङक्‍योप धाङ धेन्‍पाङ झ्‍यीदी घाङला, खेक्‍या घीरी ङीमुला को़न्‍क्षोकगी थुक्‍जे थोप हो़तालाक।

२ तीमोथेउ 4:16

ठीम्‍पो़नगी दोङदु ङा थेङ धाङपो ठीम श्‍यी़ घाङला, घीरीगी ङाला पारी, ङा स्‍योकला सुवा लाङगी मीदुक। दी लेनगो, खुङक्‍या खाला ॱमाफोक्‍वास्‍योक।

१ पेटो 3:15

हीना राङगी सेम नाङने मास्‍यीकाला, खेरी चोवो चीरी ॱङीङकुर झ्‍यी। धेनी खेक्‍याला हो़गीन रेवागी कोरला ढीवा झ्‍यीगीनक्‍याला लेन तेरयेला, च्‍योई डाढीक धो़क। हीना लेन तेरी घाङला ज्‍याबोमा धेनी घुस्‍याप धाङ