जेपा 21:8 - ॱलोवा

⁸ ॱङेटोगो होदेने घोङपा श्‍युरी, हेक्‍या केसारयारु ॱलेप्‍पालाक। धेनी होदुरु हेक्‍या क्षो़ स्‍येगीन फीलीपगी नाङदु धेबी। फीलीपगो येरुसालेमदु श्‍याप्‍तोक पुयेला दाम्‍दा, मी धी़नने च्‍यीक लाक।

जेपा 21:8 Iomraidhean Croise

जेपा 10:1

केसारयारु कोरनेलीहु ॱनागीन मी च्‍यीक हो़तालाक। खो ईटालीपा ॱमाक्‍छोकगी ग्‍यापो़न च्‍यीक लाक।

जेपा 16:10

पाउलुगी होदेरे थोङनाङ थोरी, हेक्‍या उक्‍कुरा माकेडोनीया स्‍योकला डोये डाढीक झ्‍युवी। घीझ्‍येरी ॱनाना होदे साजागी मीक्‍याला चोवोगी ताम्‍शाङ स्‍येयेला, को़न्‍क्षोकगीराङ भो़ जेपालाक ॱनागीन लाब, हेक्‍याला क्षा झ्‍युजुङ।

जेपा 16:13

ग्‍याजागी फीला चाङबुगी थामाला याहुदापाक्‍याई सोवा ग्‍याप्‍जा साजा हो़टु ॱनेरी, साम्‍दी हेक्‍या ङासुगीन ङीमाला होदुरु सोवी। धेनी होदुरु जोम्‍दी धेता भोमोक्‍यामुला धेदी लाब तावी।

जेपा 16:16

ङीमा च्‍यीक हेक्‍या सोवा ग्‍याप्‍सा साजाला डी़ घाङला, ॱयोक्‍मो च्‍यीकला थुक्‍सुङ। मोला ॱनो़पा च्‍यीक ज्‍यु हो़तालाक धेनी होदे ॱनो़पागी स्‍युकने, मो मी श्‍येम्‍माक्‍याई माउपारला झ्‍युङये हो़गीन लाबक्‍या स्‍येदी, मोरी दाक्‍पोक्‍या क्षीला ॱमीच्‍यीकी आले घा शो़वालाक।

जेपा 18:22

केसारया ग्‍याजारु ॱलेप्‍सारती पाउलु येरुसालेमला सोवालाक धेनी होदेगी क्षो़छोकगी मीक्‍या थुक्‍पालाक। धेनी खो आन्‍तीयोक ग्‍याजाला सोरी धेपालाक।

जेपा 20:13

तोरोआसने पाउलु माना, हेक्‍या घीरी डुशीङ श्‍यो़न्‍दी आसो ग्‍याजारु एन्‍ला सोवी। होदेने हीकी पाउलुला डुशीङ खाला क्‍यो़न्‍ये झ्‍येवालाक घीझ्‍येरी ॱनाना खो आसो थुक्‍पे, घोबा चुक्‍ती डोयेला दो़पा झ्‍येवालाक।

जेपा 20:6

हेक्‍यागो क्‍युरची मेगीन ग्‍याङगा शागीन धी़छेनगो तारी, फीलीप्‍पी ग्‍याजाने ग्‍याछोगी लाम्‍गा झ्‍युरी, ङीमा ॱङा स्‍याम्‍ने, खुङक्‍याला तोरोआसरु थुक्‍पालाक। होदुरु हेक्‍या ङीमा धी़न धेपालाक।

जेपा 21:16

केसारयागी धेपा-झ्‍यीगीन रीङगा हीकीमुला होवालाक। धेनी खुङक्‍याई हेक्‍याला मानासोन ॱनागीन, धेपा-झ्‍यीगीन ॱङीङबा च्‍यीकगी नाङदु धेयेला क्‍यावालाक। मानासोनगो साईपुरुस ग्‍याजाने लाक।

जेपा 23:23

होदे स्‍याम्‍ने ॱमाक्‍पो़नगी ॱमाक्‍मी ॱङीला केक तारी का ॱनावालाक, “केसारयारु धीरीङ घोमु छुची घुवाला डोयेला ॱमाक्‍मी ङीग्‍या धाङ ताला श्‍यो़न्‍गीन ॱमाक्‍मी धी़न्‍चु धाङ दुङ खेरकीन ॱमाक्‍मी ङीग्‍या डाढीक झ्‍यी।

जेपा 27:1

हेक्‍या ईटाली ग्‍याखापला डोये ढो़ झ्‍युरी, खुङक्‍याई पाउलुला श्‍येम्‍मा चो़न्‍पाक्‍यामुला युलीयु ॱनागीन, रोमापा ग्‍यावुगी ॱमाक्‍मीक्‍याई ग्‍यापो़नगी लागाला ची ग्‍याप्‍पालाक।

जेपा 28:11

दावा सुम स्‍याम्‍ने, हेक्‍या छीब्‍रु ल्‍हा ॱनागीन आलेक्‍जेन्‍डीयागी डुशीङ श्‍यो़न्‍दी माल्‍ताने सोवी। होदे डुशीङगो घुङगा दावा सुमगो माल्‍तारु राङ धेपालाक।

जेपा 28:16

हेक्‍या रोमदु ॱलेप्‍ती पाउलुला ॱमाक्‍मी ॱरुङगीन च्‍यीक श्‍याक्‍ती, खोराङ च्‍यीगा धेदु च्‍युक्‍पालाक।

जेपा 6:5

कुछापक्‍याई ढो़ दे घीरीला घा स्‍येवालाक। धेनी खुङक्‍याई धाम्‍पे थुक्‍ङी धाङ धेपागी खाङखा, सेतेफेन धाङ फीलीप धाङ पोरोखोरु धाङ नीकानोर धाङ तीमोन धाङ पारमेना धाङ आन्‍तीयोक ग्‍याजागी नीकोला दाम्‍बालाक। नीकोला नी, याहुदापा क्षो़ला ग्‍युरग्‍युवा मी च्‍यीक लाक।

जेपा 9:30

धेनी धेपा-झ्‍यीगीनक्‍याई दे ॱहाघोरती, खोला केसारयाला ठीक्‍ती खोरी यु टारसोरु झावालाक।

एफीसुपा 4:11

धेनी मास्‍यीका राङगी ॱनाङना ॱनाङज्‍यीनक्‍या, रीङगा कुछापक्‍या, रीङगा ॱङो़नस्‍येखेनक्‍या, रीङगा ताम्‍शाङ स्‍येगीनक्‍या, रीङगा क्षो़पो़न धाङ ॱलोपो़नक्‍या झ्‍युरी

२ तीमोथेउ 4:5

ख्‍यो़राङ च्‍योई तेन्‍पो धो़क, दुक्‍पुक्‍या शो़पा झ्‍यी धेनी ताम्‍शाङ स्‍यो़क धेनी ख्‍यो़री श्‍याप्‍तोक डुप्‍तु च्‍युक।