जेपा 21:34 - ॱलोवा

³⁴ हीना मीमाङक्‍याने रीङगागी लाब च्‍यीक रीङगागी श्‍येम्‍मा तारी केक ग्‍याप्‍पालाक। देरे झ्‍येरी ॱमाक्‍पो़नगी होदे ठुक्‍कीनगी दो़नगो क्षा माझ्‍युवालाक। होझ्‍येरी खी़ पाउलुला ॱमाक्‍मीक्‍याई धेजारु ठीक्‍येला का तेरपालाक।

जेपा 21:34 Iomraidhean Croise

जेपा 19:32

होदुरु मीमाङक्‍याने रीङगा लाब च्‍यीक, रीङगा लाब श्‍येम्‍मा तारी फेरा ग्‍याप्‍ती, मी घीरी गो थोम्‍दी धे हो़तालाक। होदुरु हो़गीन मी माङक्षेला घीझ्‍येरी जोमाले ॱनेरीयाः क्षा मेतालाक।

जेपा 21:37

धा ॱमाक्‍मी धेजा नाङदु जुये झ्‍यीदी घाङला, पाउलुगी ॱमाक्‍पो़नला ॱनेवालाक, “खेराङला श्‍योवा च्‍यीक पुना ढीक्‍कुले?” धेनी ॱमाक्‍पो़नगी ॱनेवालाक, “ख्‍यो़ गीरीक केक ग्‍याप थुक्‍वाले?

जेपा 22:24

धेनी घीझ्‍येरी याहुदापाक्‍या खी़ डाला फेरा ग्‍याप्‍पा ले ॱनेरी, ॱहाघोरयेला रोमापा ॱमाक्‍पो़नगी खोला नाङदु ठीक्‍ती ताजाक श्‍युरये का तेरपालाक।

जेपा 22:30

याहुदापाक्‍याई पाउलुला घीझ्‍येरी क्‍यो़न चुक्‍पाले ॱनेरी, ॱमाक्‍पो़नगी घोरङी दो़पालाक। होझ्‍येरी ॱङेटोगो खी़ क्षो़पो़न क्षेक्‍या धाङ छोक्‍दी़ क्षेगी मी घीरीला केक तारी जोम्‍येला का ॱनावालाक धेनी पाउलुला ठीक्‍ती, खुङक्‍या दोङदु ॱलावालाक।

जेपा 23:10

खुङक्‍याई धुगा ॱमीच्‍यीकी क्षेरु सोवालाक। धेनी होदुरु पाउलुला दुबु-दुबुला तारी सेगीलाक ॱनेरी, जीक्‍ती ॱमाक्‍पो़नगी खोला होदेने ठीक्‍ती, ॱमाक्‍खाङदु ठीक्‍ती डोयेला ॱमाक्‍मीक्‍याला का ॱनावालाक।

जेपा 23:16

हीना होदे याहुदापाक्‍याई पाउलुला सेये ढो़गो पाउलुगी ईजीगी भीजागी़ ॱहाघोरपालाक धेनी खो ॱमाक्‍खाङदु सोरी पाउलुला होदे लाब स्‍येपालाक।

जेपा 23:32

ॱङेटोगो ॱमाक्‍मीक्‍यागो पाउलुला, ताला श्‍यो़न्‍गीन ॱमाक्‍मीक्‍याई लागाला ची ग्‍याप्‍ती, खोराङक्‍या येरुसालेमला लोक्‍पालाक।

जेपा 25:26

हीना खी़ कोरला ढीक्‍ती ग्‍यावुला कुरये, ङाला घीया मेक। होझ्‍येरी ङी खोला खेराङक्‍या दोङदु धाङ ॱङोन्‍ने झ्‍यीना ग्‍यावु आगारीपा खेराङगी दोङदु ठीक्‍ती हुङये थेवी। धेनी खेराङगी खोला ढीवा कु झ्‍यीना, ङाला ढीक्‍येगी छीक रे राई हेटु ॱनेरी ङाला रेवा हो़क।