जेपा 21:27 - ॱलोवा

²⁷ धेनी ङीमा धी़न्‍बागो जोक्‍कु झ्‍यीदी घाङला, एशीया स्‍योकने होवा याहुदापाक्‍याई पाउलुला क्षो़खाङदु थोवालाक। खुङक्‍याई मी ॱमीच्‍यीकी माङाला पाउलुगी डाला ॱलारी खोला शीम्‍दी,

जेपा 21:27 Iomraidhean Croise

लुका 21:12

हीना दे घीरी झ्‍युङये एन्‍ला, ङी मीङगी केनगी खुङक्‍याई खेक्‍याला शीम्‍दी दुक्‍पु ताङगीलाक धेनी खेक्‍याला छोक्‍खाङक्‍या धाङ चो़न्‍खाङक्‍याला ची ग्‍याप्‍कीलाक। धेनी ग्‍यावुक्‍या धाङ चीख्‍यापक्‍याई दोङदु ठीक्‍कीलाक।

जेपा 13:50

हीना याहुदापाक्‍याई, याहुदापागी क्षो़लुक झ्‍यीगीन भोमो खाक्‍क्षेक्‍या धाङ ग्‍याजागी पो़न्‍पोक्‍याला खोक ग्‍यावालाक धेनी खुङक्‍याई होदे ग्‍याजागी मीक्‍याला, पाउलु धाङ बारनाबाला दुक्‍पु ताङयेला ॱलाप्‍पालाक। धेनी खुङ ॱङीउला होदे ग्‍यारापने फीला तो़न्‍बालाक।

जेपा 14:19

होदे स्‍याम्‍ने आन्‍तीयोक धाङ ईकोनीयोन ग्‍याजाने, याहुदापा रीङगा होदुरु होवालाक धेनी खुङक्‍याई मीछोकगी घुङदु लाब शो़वालाक। खुङक्‍याई पाउलुला धोगोङगी श्‍युरपालाक धेनी खो स्‍यीवालाक साम्‍दी ढी़दी सोरी ग्‍याजा फीला तो़न्‍बालाक।

जेपा 14:2

हीना धेपा मीझ्‍यीगीन याहुदापाक्‍याई याहुदापा मेन्‍गीन मीक्‍याला खोक्‍पा ग्‍यारी, धेपा झ्‍यीगीनक्‍याई डाला ॱलावालाक।

जेपा 14:5

याहुदापा मेन्‍गीनगी मीक्‍या धाङ याहुदापाक्‍या धाङ खुङक्‍याई पो़न्‍पोक्‍या रुप्‍ती, पाउलु धाङ बारनाबाला ॱङ्याप्‍चो़ स्‍येदी धोगोङ श्‍युरती सेये ढो़ झ्‍येवालाक।

जेपा 16:6

धाम्‍पे थुक्‍ङीगी पाउलु धाङ सीलवानु धाङ तीमोथेउला एशीया स्‍योकला, ताम्‍शाङ स्‍येरु डोयेला काक जेदी, खुङक्‍या फारुगीया धाङ गालातीया स्‍योकने झ्‍युरी सोवालाक।

जेपा 17:13

हीना पाउलुगी बेरोयादुवा को़न्‍क्षोकगी का स्‍येगीनगो, थेसालोनीके याहुदापाक्‍याई ॱहाघोरती, खुङक्‍या होदुरुवा होरी मीक्‍याला टुक्‍पालाक।

जेपा 18:12

हीना गाल्‍यो़न ॱनागीन मी आकाईया साजागी पो़न्‍पो झ्‍युङी घाङला, याहुदापा रीङगा क्षाम्‍दी पाउलुला शीम्‍बालाक धेनी खोला पो़न्‍पोचारु ठीक्‍ती

जेपा 2:9

होराङक्‍या पारथाक्‍या धाङ मेदेक्‍या धाङ एलाम्‍पाक्‍या धाङ मेसोपोटामीयागी मीक्‍या धाङ युदेयाक्‍या धाङ कापादोकीया धाङ पोन्‍तु धाङ एशीया धाङ

जेपा 20:19

याहुदापाक्‍याई ङाला खोक्‍पा झ्‍यीयेला ढो़ ॱना माङा झ्‍येहो़ना, ङी ॱमीच्‍यीकी ॱङ्यामच्‍युङा झ्‍युरी छीमाक तारी, चोवोगी श्‍याप्‍तोक श्‍युवी।

जेपा 24:11

ङा येरुसालेमदु को़न्‍क्षोकला क्षाक्‍क्षो़पा झ्‍यीरु होरी, ङीमा च्‍युङङीने माङा माझ्‍यु हो़तालाक ॱनेरी, खेराङगी लेल्‍हामोमा ॱहाघोर थुक्‍कीलाक।

जेपा 24:18

दे लेगा झ्‍यीदी घाङला, खुङक्‍याई ङाला क्षो़खाङ नाङदु थुक्‍जुङ। होदे घाङला ङी चाङमा झ्‍युङगीन ॱरोगो झ्‍येसा हो़तालाक। होदुरु मीगी छाङगाक्‍या, ङी स्‍याबाला मेतालाक धेनी ठुक घीन्‍दा ॱमास्‍योर हो़तालाक।

जेपा 26:21

होझ्‍येरी याहुदापाक्‍याई, ङाला क्षो़खाङने शीम्‍दी सेये झ्‍येजुङ।

जेपा 4:3

धेनी खुङक्‍याई पेटो धाङ योहान्‍नाला शीम्‍दी, ङीमा स्‍याम्‍मागो थुक्‍पे चो़न्‍खाङदु धाक्‍पालाक घीझ्‍येरी ॱनाना होदे घाङला ॱरो रुक्‍सा हो़तालाक।

जेपा 5:18

धेनी खुङक्‍याला शीम्‍दी आटाला धाक्‍पालाक।

जेपा 6:12

देरे झ्‍येरी खुङक्‍याई मीमाङक्‍या धाङ गोठीक्‍या धाङ क्षो़ठीमगी ॱलोपो़नक्‍याला लाब टुक्‍पालाक। धेनी खुङक्‍या सोरी, सेतेफेनला शीम्‍दी, छोक्‍पा क्षेरु ठीक्‍ती होवालाक।

जेपा 6:9

हीना कुरेने धाङ आलेक्‍जेन्‍डीया ग्‍याजा धाङ कीलीकीया धाङ एशीयाने होवा, याहुदापा मी रीङगा रुप्‍ती सेतेफेनमुला ॱङ्योक्‍टा स्‍येवालाक। होदे याहुदापाक्‍या “राङवे मी” ॱनागीन छोक्‍खाङगी मीक्‍या लाक।

२ कोरीन्‍थुपा 11:26

थेङ माङा डु ग्‍याई घाङला, ङाला चाङबुक्‍याई ङेन्‍का धाङ ज्‍याक्‍पाक्‍याई ङेन्‍का धाङ ङारी याहुदापा मीक्‍या धाङ याहुदापा मेन्‍गीन मीक्‍याई ङेन्‍का धाङ ढोङखेरक्‍याई ङेन्‍का धाङ रीतोङक्‍याई ङेन्‍का धाङ ग्‍याछोगी ङेन्‍का धाङ पी़न शोक्‍पोक्‍याई ङेन्‍काक्‍या ठेजुङ।

१ थेसालोनीकेपा 2:16

धेनी मीरीक श्‍येम्‍माक्‍याला थारपे लामगी कोरला स्‍येयेला, देक्‍याई होराङला काक्‍ये थापस्‍यी झ्‍येरी, राङगी धीक्‍पे छेगो साक्‍यी। हीना थाला को़न्‍क्षोकगी थुक्‍ठो़ खुङक्‍या खाला भाप्‍पालाक।