जेपा 21:23 - ॱलोवा

²³ होझ्‍येरी हीकी ॱनागीनगो ङेन्‍रोझ्‍यी। धान्‍दा दुरु हेक्‍यामुला को़न्‍क्षोकगी डुङदु ॱना क्‍याक्‍या मी श्‍यी हो़क।

जेपा 21:23 Iomraidhean Croise

जेपा 18:18

पाउलु श्‍याक्‍मो आरुङ माङा, कोरीन्‍थुरु धेपा-झ्‍यीगीनक्‍यामुला धेपालाक। धेनी खुङक्‍याने घोङपा श्‍युरी, खो पीरीस्‍कीला धाङ आकुलामुला ग्‍याछोगी लाम्‍गाने झ्‍युरी सीरीयारु सोवालाक। धेनी खी़ धाम्‍चा च्‍यीक श्‍याक्‍सा झ्‍येरी, खो केन्‍कीरीयाने डोये एन्‍ला खोरी ॱरा घीरी चेदी घोदोक शो़वालाक।

जेपा 21:22

धा हेक्‍या घी झ्‍यीये? धा खुङक्‍याई खेराङ दुरु ॱलेप्‍दुक ॱनेरी ॱङोन्‍ने ॱहाघोरकीलाक।

१ कोरीन्‍थुपा 9:20

याहुदापाक्‍याई सेम क्‍योप्‍येगी क्षीदु, ङा याहुदापाक्‍यामुला याहुदापा च्‍योक्‍रेराङ झ्‍युवी। क्षो़ठीमगी होकदु हो़गीनक्‍याई सेम क्‍योप्‍येगी क्षीदु (ङा ङाराङ क्षो़ठीमगी होकदु मेनाः), ङा क्षो़ठीमगी होकदु हो़गीनक्‍यामुला क्षो़ठीमगी होकदु धेगीनक्‍या च्‍योक्‍रे झ्‍युवी।