जेपा 21:13 - ॱलोवा

¹³ हीना पाउलुगी ॱनेवालाक, “घीझ्‍येरी खेक्‍या ङी़री ङी सेम ॱमीकीदा शोवाले? ङा येरुसालेमदु चो़न्‍खाङदु धाक्‍येला च्‍यीगा मेन्‍दा, ङारी चोवो येशुगी छीला स्‍यीयेला डाढीक हो़क।”

जेपा 21:13 Iomraidhean Croise

जेपा 20:24

हीना को़न्‍क्षोकगी थुक्‍जेगी कोरला ताम्‍शाङगो स्‍येगीन, चोवो येशुने ङाला थोप्‍था लेगा दे माडुप्‍कीन थुक्‍पे, ङा ङारी मीछे देगी दो़न घीन्‍दा ॱमीची हो़क।

जेपा 20:37

खुङक्‍या घीरी ङी़री पाउलुला थाम्‍दी, खोला ओ झ्‍येरी झावालाक।

जेपा 5:41

येशुगी छेनगी क्षीला दुक्‍पु ङ्याङरीन खाये हो़गीन, को़न्‍क्षोकगी खुङक्‍याला ॱनाङजुङ ॱनेरी ङ्यामो घी-घी, खुङक्‍या होदे छोक्‍पा क्षेने लोक्‍ती सोवालाक।

जेपा 9:16

धेनी ङी दो़नला खो घाजो़ ङ्याङ घो़गुले ॱनेरी, ङा खोला तो़न्‍येहीन।”

१ कोरीन्‍थुपा 15:31

पी़नक्‍याओ, होरी चोवो मास्‍यीका येशुगी नाङ, ङा खेक्‍याई क्षीदु ङोम्‍सो झ्‍यीदीहो़क ॱनागीन लाब दे, ॱङोन्‍ने धेन्‍पा हीन्‍गीन च्‍योक्‍रे, श्‍याक्‍मो डाई ङा छीवे खाला ॱलेप्‍येगी ङेन्‍का हो़गीन देयाः धेन्‍पा लाक।

फीलीप्‍पीपा 2:17

हीना खेक्‍याई धेपागी क्षो़पा धाङ ॱङीङकुर डुप्‍येगी क्षीला, ङी ठाक नी सेरकेम च्‍योक्‍रे फी़ घोये हीन्‍ना, ङा ङ्यामो घी धेनी खेक्‍या घीरीमुला घाटो झ्‍यीयेहीन।

फीलीप्‍पीपा 2:26

घीझ्‍येरी ॱनाना खो खेक्‍या घीरीला ॱमीच्‍यीकी ढेन्‍दालाक धेनी खोराङ नागीनगी कोरला खेक्‍याई घोरती, खो सेम्‍डा झ्‍यीदालाक।

कोलोसेपा 1:24

धा ङी खेक्‍याई दो़नला ङ्याङगीन काङेला, ङा घाटो झ्‍यीदीहो़क। मास्‍यीकागी कुसोक हीन्‍गीन क्षो़छोकगी क्षीदु खोङगी दुक्‍ङेल ल्‍हाक्‍मा दे, ङी ली़ला जोक्‍वा झ्‍यीदाहीन।

२ तीमोथेउ 1:4

ख्‍यी़ छीमाक ढेन्‍दी घाङला, ङा घाटोगी खाङयेगी क्षीला, ङा ख्‍यो़ला थुक्‍येला ॱमीच्‍यीकी दो़दीहो़क।

२ तीमोथेउ 4:6

ङा नी सेरकेम पुयेला, पु रेन्‍दी ङा दायेगी धी़ बाप्‍सादुक।

२ पेटो 1:14

घीझ्‍येरी ॱनाना होरी चोवो येशु मास्‍यीकागी ङाला सावो तो़न जेगीन च्‍योक्‍रे, ङा स्‍यी रीन्‍जुङ ॱनेरी ङाला स्‍येयेहो़क।

ॱङो़न्‍पा 12:11

होरी पी़नक्‍याई लुक्‍टुगी ठाक धाङ, राङगी धेन्‍पाङगी छीकगी झ्‍येरी, होदे क्‍यो़न चुक्‍कीनगी खाला ग्‍यावालाक। धेनी छीवागी खा थुक्‍पे ॱलेप्‍घोना, खुङक्‍याई राङगी ॱरोकला ॱमातेवालाक।

ॱङो़न्‍पा 3:10

खेक्‍याई शो़पा झ्‍यीघो़गीन ङी कागो ॱरुङरोवा झ्‍येरी, ङा ख्‍यो़ला साश्‍यीदु हो़गीन मी घीरीला छो़ता झ्‍यीयेला, जाम्‍बुलीङदु हुङये हीन्‍गीन होदे छो़तागी धी़चो़ने क्‍योप्‍येहीन।