जेपा 20:7 - ॱलोवा

⁷ धी़न्‍डागी श्‍याक्‍मो धाङपोगी घोमुगो, हेक्‍या होदुरु हो़गीन धेपा-झ्‍यीगीनक्‍यामुला शामा शायेला जोम्‍बालाक। पाउलुगी खुङक्‍याला ॱलापच्‍या तेरती धेपालाक धेनी ॱङेटोगो होदेने लोक्‍ये झ्‍येरी, खो छेन फेचाम थुक्‍पे लाब तारी धेपालाक।

जेपा 20:7 Iomraidhean Croise

मारकु 16:9

[येशु शा ङीमागी ॱङारोकगो छीवाने कुसो़न्‍पो श्‍येङसारती, खोङबा धाङस्‍योकगो मीरीयाम माक्‍दालीनीला ज्‍यावालाक। एम्‍मा मोने येशुगी डे धी़न तो़न जेपालाक।

लुका 22:19

देने खोङबागी ग्‍याङगा च्‍यीक क्षाकला ॱनुम्‍दी, को़न्‍क्षोकला थुक्‍जेक्षे पुरी च्‍याक्‍पालाक धेनी खुङक्‍याला देरे सुरी ॱनावालाक, “दे खेक्‍याई दो़न्‍दु झ्‍यीम्‍बा ताता ङी ली़ लाक। ङाला ढेन्‍सो़ झ्‍यीयेला खेक्‍या देरे झ्‍यी।”

लुका 24:35

धेनी लाम्‍गाला झ्‍युजा लाबक्‍या धाङ ग्‍याङगा च्‍याक्‍ती ॱनाङी घाङला, खुङ ॱङीउगी येशुला ङोस्‍येगीन लाब घीरी श्‍येम्‍माक्‍याला स्‍येपालाक।

योहान्‍ना 20:1

धा धी़न्‍डागी ङीमा धाङपोगोला ॱनाम माला एन्‍ला, मीरीयाम माक्‍दालीनी धी़ठोदु होवालाक धेनी धी़ठोने धोगोङगो ॱहाला री-री श्‍याक्‍सा थोवालाक।

योहान्‍ना 20:19

धी़न्‍डागी ङीमा धाङपोगी घोमोगो ङेनेक्‍या याहुदापा गोठीक्‍याला जीक्‍ती, घो ग्‍याप्‍ती धे हो़तालाक। धेनी येशु खुङक्‍या घुङदु फेप्‍ती खुङक्‍याला सुवालाक, “खेक्‍याला श्‍यीदे हुङास्‍योक।”

योहान्‍ना 20:26

श्‍याक्‍मो ग्‍ये स्‍याम्‍ने खोङबागी ङेनेक्‍या याङ होदे खाङबा नाङदु हो़तालाक धेनी थोमागोवा खुङक्‍यामुला हो़तालाक। घोगो ग्‍याप्‍हो़नाः, येशु खुङक्‍याई घुङदु फेप्‍ती सुवालाक, “खेक्‍याला श्‍यीदे हुङास्‍योक!”

जेपा 16:10

पाउलुगी होदेरे थोङनाङ थोरी, हेक्‍या उक्‍कुरा माकेडोनीया स्‍योकला डोये डाढीक झ्‍युवी। घीझ्‍येरी ॱनाना होदे साजागी मीक्‍याला चोवोगी ताम्‍शाङ स्‍येयेला, को़न्‍क्षोकगीराङ भो़ जेपालाक ॱनागीन लाब, हेक्‍याला क्षा झ्‍युजुङ।

जेपा 2:42

धेनी खुङक्‍या कुछापक्‍याई क्षो़ला ङेन्‍ये धाङ मुला जोम्‍ये धाङ ग्‍याङगा च्‍याक्‍ये धाङ सोवा ग्‍याप्‍ये च्‍योक्‍रे, लेगाक्‍या मुला झ्‍यीदालाक।

जेपा 2:46

धेनी ङीमा च्‍योई खुङक्‍या क्षो़खाङदु जोमालाक। धेनी नाङ-नाङदु जोम्‍दी, ङ्यामो घेरी क्षाबोमा झ्‍येरी शामा शालाक।

जेपा 20:11

धेनी खुङक्‍या घीरी तो़ला सोरी, खोङ घीरीमुला चोवोगी श्‍युक्‍टागो शेबालाक। धेनी पाउलु खुङक्‍यामुला ॱङारोक माझ्‍युङगीन थुक्‍पे, लाब तारी धेपालाक धेनी खो होदेने सोवालाक।

जेपा 20:31

होझ्‍येरी चाङजे झ्‍येरी धो़क धेनी ङी लो सुम थुक्‍पे ङीन-छेन ॱमीक्‍क्षु तारी, चोवोगी ङेने रे-रेला ॱलाप्‍ला ॱलापच्‍याक्‍या माज्‍येदा धो़क।

जेपा 20:5

खुङक्‍या तोरोआसरु एन्‍ला सोरी, होदुरु हेक्‍याला घुक्‍ती धेपालाक।

जेपा 20:9

धेनी पाउलु लाब रीङा तारी धेदी घाङला, ईहुतीकुस ॱनागीन भीजा ख्‍योक्‍तोङ च्‍यीक खुङगी खाला घुङी लोक्‍ती धे हो़तालाक। धेनी खो ॱङीला स्‍योरती थोक्‍चा सुमगी होकला ल्‍हीम्‍दी स्‍यीबालाक।

जेपा 28:23

होझ्‍येरी धी़चो़ च्‍यीक ढीक्‍पालाक धेनी होदे ङीमागोला, मी ॱमीच्‍यीकी माङा पाउलु धेजारु होवालाक। ॱङारोकने घोमो थुक्‍पे खी़ को़न्‍क्षोकगी ग्‍याखापगी कोरला पाङपो तेरपालाक धेनी मोशेगी क्षो़ठीम धाङ ॱङो़नस्‍येखेनक्‍याई धेपक्‍याने पे तो़न्‍दी, येशुगी कोरला मीक्‍याला यीच्‍चे तेरपालाक।

१ कोरीन्‍थुपा 10:16

धाम्‍पे सुरेगी फोरागी क्षीदु होराङ को़न्‍क्षोकला काटीन्‍क्षे श्‍यी़ली घाङला, होराङ मास्‍यीकागी कुठाकमुला थेला माले? धेनी होदे ग्‍याङगागो च्‍याई घाङला, होराङ मास्‍यीकागी कुली़ला थेला माले?

१ कोरीन्‍थुपा 15:10

हीना ङा घारे हो़गीनगो, को़न्‍क्षोकगी थुक्‍जे गोने हीन। धेनी ङाला थोप्‍था खोङबागी थुक्‍जे दे, दो़न्‍मेदु माझ्‍युजुङ। हीना खुङक्‍या घीरीने ल्‍हाक, ङी काल्‍ले माङा ग्‍याप्‍पी। घीहीन्‍ना ङी ङाराङगी झ्‍येरी मालाक हीना ङीमुला श्‍युक्‍कीन को़न्‍क्षोकगी थुक्‍जेगी थोक्‍ने लाक।

१ कोरीन्‍थुपा 16:2

ङा हुङाराङ श्‍यान्‍देप धु मेघोयेगी क्षीला धी़न्‍डा रे-रेगी ङीमा धाङपोगोला, खेक्‍याने रे-रेगी राङगी हुङघुङने तीते च्‍यीक पेरी साक्‍ती श्‍योक।

२ तीमोथेउ 4:2

को़न्‍क्षोकगी का स्‍यो़क, धी़ हीन्‍गीन धाङ मेन्‍गीन ॱङीगाराला डाढीक धो़क। धेनी शो़पा क्षे थोक्‍ने ॱलोप्‍चुङगी थोक्‍ने मीक्‍याला ॱलापच्‍या ग्‍योप, क्‍यो़न तो़न धेनी सेमस्‍युक पोर।

ॱङो़न्‍पा 1:10

धेनी चोवोगी ङीमागोला, ङा धाम्‍पे थुक्‍ङीगी वाङ होकला हो़तालाक। धेनी ङी ग्‍यापने दुङक्षेन क्षेगी के च्‍यीक च्‍योक्‍रे, केक क्षे च्‍यीक ङी घोरजुङ।