जेपा 20:27 - ॱलोवा

²⁷ घीझ्‍येरी ॱनाना ङी खेराङक्‍याला को़न्‍क्षोकगी थुकोङला हो़गीन, स्‍येघोगीन लाब घीरी स्‍येयेला ग्‍याप ॱमालोक हो़क।

जेपा 20:27 Iomraidhean Croise

मेथा 28:20

धेनी ङी खेक्‍याला ॱलाप्‍कीन का घीरी ॱरुङयेला, खुङक्‍याला ॱलोप। धेनी थागी धी़ थुक्‍पे नाम्‍हीना, ङा खेक्‍यामुला हो़क ॱनेरी ॱहाघोरा झ्‍यी।”

लुका 7:30

हीना फारुसीपाक्‍या धाङ क्षो़ठीमगी ॱलोपो़नक्‍याई खोने ठी़सो़ मालेन्‍बा, को़न्‍क्षोकगी थुकोङ राङगी क्षीला खेमालेन्‍बालाक।

योहान्‍ना 15:15

धा देने ॱहाला ङा खेक्‍याला ॱयोक्‍पो ॱनामेन घीझ्‍येरी ॱनाना पो़न्‍पोगी घी झ्‍यीगीनगो ॱयोक्‍पोगी ॱमेस्‍येलालाक। हीना ङा खेक्‍याला छो़ढोक ॱनाहीन घीझ्‍येरी ॱनाना यापने ङी घी जाज्‍या घीरी ङी खेक्‍याला स्‍येहो़क।

जेपा 13:36

“दे लाबगो दावीदगी खोरी कोरला ॱनेवामालाक। घीझ्‍येरी ॱनाना खोरी धी़चो़ला, को़न्‍क्षोकगी दो़पाने लेगा झ्‍येसारती, खो नी स्‍यीवालाक धेनी खोरी धाङबी फामामुला कुङदी रुवालाक।

जेपा 2:23

को़न्‍क्षोकगी राङगी ढो़ धाङ ॱङो़नस्‍ये च्‍योक्‍रे, येशुला खेराङक्‍याई लागाला ॱनावालाक धेनी खेराङक्‍याई खोङबाला ग्‍याङस्‍यीङदु सेयेला, मी ङेन्‍पाक्‍याई लागाला ची ग्‍याप्‍पालाक।

जेपा 20:20

धेनी खेराङक्‍या खोक्‍दु धाङ नाङ-नाङला जुरी, ङी ॱलापच्‍या तेरी घाङला, खेराङक्‍याला फेन थोक्‍कीन लाब घीन्‍दा ङी सेम नाङदु माश्‍याक्‍पी।

जेपा 20:35

देरे झ्‍येरी ‘लेन्‍गीनक्‍यानेः तेरकीनक्‍याला माङा झ्‍यीलाप हो़तालाक’ ॱनेरी, चोवो येशु खोङबा राङगी सुङसा लाब देला ढेन्‍सो़ झ्‍येरी, मी क्‍योवाक्‍याला काल्‍ले झ्‍येरी रोवा झ्‍यी थुप्‍कीनगो झ्‍यीघोये लाब, दे ङी लेगा घीरीला तो़न्‍हो़क।”

१ कोरीन्‍थुपा 11:23

घीझ्‍येरी ॱनाना चोवोने ङाला घी थोप्‍कीनगो, ङी खेक्‍याला तेरहो़क। होदेगो, चोवो येशु डागी लाक्‍तु छी़गीन छेनगोला, खोङगी ग्‍याङगागो क्षाकला ॱनुम्‍बालाक

२ कोरीन्‍थुपा 4:2

हीना हेक्‍याई साङवा धाङ ङोछागीन लेगा घीरी पा हो़क। धेनी हेक्‍या ॱली़टे धाङ को़न्‍क्षोकगी काला ॱयो़येगी लेगाक्‍या मीझ्‍यीहो़क। हीना को़न्‍क्षोकगी ॱमीक्‍वादु मी घीरीगी स्‍येशाङला, हेक्‍या मी घा हीन्‍गीनगो तो़न्‍येला, हेक्‍या धेन्‍पे कागो सावो झ्‍येरी सेटाक झ्‍यीदीहो़क।

गालातीयापा 4:16

ङी खेक्‍याला धेन्‍पा स्‍येदी, धा धान्‍दा ङा खीकी डाला ग्‍युरजे?

एफीसुपा 1:11

राङगी थुकोङला तेन्‍ती क्षाक्‍ले घीरी डुप्‍कीन को़न्‍क्षोकगी, मास्‍यीकागी गोने होराङला खोङबा राङगी मी दामा जेपालाक घीझ्‍येरी ॱनाना देराङ थोक्‍माने, खोङबागी थाक चो़चा राङगी क्षास्‍यी लाक।

१ थेसालोनीकेपा 2:4

हीना ताम्‍शाङ दे हीकी खाला ॱलो कायेला, को़न्‍क्षोकगी हेक्‍याला थाक्‍चो़ जेदी, हेक्‍या मीगी घाटोगी क्षीला मेन्‍दा, होरी ॱङीङगी छो़ शीक्‍कीन को़न्‍क्षोकला थुक्‍ङेउ हुङयेला स्‍येदाहीन।