जेपा 20:2 - ॱलोवा

² होदुरु ॱलेप्‍ती साजा-साजाला सोरी, धेपा-झ्‍यीगीनक्‍याला सेमस्‍युक पारपालाक। धेनी खो गीरीसला सोवालाक।

जेपा 20:2 Iomraidhean Croise

लुका 3:18

धेनी योहान्‍नागी लाब श्‍येम्‍मा माङाक्‍याई थोक्‍ने, मीक्‍याला का धाङ ताम्‍शाङ स्‍येवालाक।

जेपा 14:22

खुङक्‍याई होदे साजाक्‍याला हो़गीन चोवोगी ङेनेक्‍याला स्‍युक्‍क्षे शो़री, धेपाला धेयेला सेमस्‍युक तेरपालाक। “को़न्‍क्षोकगी ग्‍याखापला ॱलेप्‍ये एन्‍ला, होराङगी ॱमीच्‍यीकी माङा दुक्‍पु शो़पा झ्‍येरी धे घोगीलाक” ॱनागीन लाब ॱलाप्‍पालाक।

जेपा 15:41

सीरीया धाङ कीलीकीया साजाने झ्‍युरी डी़ घाङला, खुङक्‍याई होदे साजाक्‍याई धेपा-झ्‍यीगीन क्षो़छोकक्‍याला धेपाला स्‍युक्‍क्षे शो़री सोवालाक।

जेपा 16:12

होदेने माकेडोनीया स्‍योकगी चो ग्‍याजा फीलीप्‍पी स्‍योकला, हेक्‍या घोबा चुक्‍ती सोवी। होदे ग्‍याजागो रोमापाक्‍याई आङजाला हो़तालाक। होदुरु हेक्‍या ङीमा घाजीङ धेवी।

जेपा 17:1

पाउलु धाङ सीलवानु आम्‍फीपोली धाङ आपोल्‍लोनीया ग्‍याजाने झ्‍युरी, थेसालोनीकेरु होवालाक। होदुरु याहुदापा छोक्‍खाङ च्‍यीक हो़तालाक।

जेपा 17:10

छेन्‍मु झ्‍युङलुङ मेताला धेपा-झ्‍यीगीन पी़नक्‍याई, पाउलु धाङ सीलवानुला बेरोया ग्‍याजारु झावालाक। धेनी खुङक्‍या होदुरु ॱलेप्‍ती, याहुदापाक्‍याई छोक्‍खाङ नाङदु सोवालाक।

जेपा 2:40

पेटोगी खुङक्‍याला ॱमीच्‍यीकी माङा लाबक्‍या ॱनेरी पाङपो तेरपालाक। धेनी होदेक्‍याला च्‍याक ग्‍याप्‍ती ॱनेवालाक, “धीक्‍जाङगी मीरीक धुकच्‍यागी खाला हुङगीन क्षेपाने ख्‍यो़ ख्‍यो़राङला क्‍योप।”

जेपा 20:1

होदे फेरा घीरी तीङचोई झ्‍युसारती, पाउलुगी धेपा-झ्‍यीगीनक्‍याला मुला रुप्‍ती, खुङक्‍याला सेमस्‍युक पारकीन लाब स्‍येपालाक। धेनी घोङपा श्‍यी़री माकेडोनीया स्‍योकला सोवालाक।

जेपा 20:11

धेनी खुङक्‍या घीरी तो़ला सोरी, खोङ घीरीमुला चोवोगी श्‍युक्‍टागो शेबालाक। धेनी पाउलु खुङक्‍यामुला ॱङारोक माझ्‍युङगीन थुक्‍पे, लाब तारी धेपालाक धेनी खो होदेने सोवालाक।

जेपा 20:3

होदुरु दावा सुम थुक्‍पे धेपालाक। होदे स्‍याम्‍ने पाउलुगी सीरीयाला ग्‍याछोने डोये साम्‍लो तावालाक। देरे डोये झ्‍यीदी घाङला, याहुदापाक्‍याई खी़ छीला ढो़ ङेन्‍पा झ्‍यीगीनगो खी़ ॱहाघोरती, खो धाब्‍ले माकेडोनीयाने घोबा चुक्‍ती डोये ढो़ झ्‍येवालाक।

१ कोरीन्‍थुपा 4:19

हीना चोवोगी थुकोङ हो़ना, ङा खीकीचारु ग्‍योक्‍जे हुङाहीन। धेनी ङा होदे राङडा क्षे मीक्‍याई लाबक्‍या च्‍यीगा मेन्‍दा, हीना खुङक्‍याई नी़थुगो घी ले ॱनेरी, ङा चाजो़ झ्‍यीयेहीन।

कोलोसेपा 1:28

होझ्‍येरी खोङबाला हेक्‍या सेटाक झ्‍यीदाहीन। धेनी मी घीरीला मास्‍यीकागी नाङ तेन्‍पो शोयेला, हेक्‍या घीरीला ङेन्‍ता तारी, स्‍येराप घीरीने ॱलापच्‍या ॱलावीहो़क।

१ थेसालोनीकेपा 2:11

खेक्‍याला स्‍येये हो़तालाक, आकी च्‍यीकगी राङगी टुवाक्‍याला च्‍याक ग्‍याप्‍कीन च्‍योक्‍रे, हीकी खेक्‍याला को़न्‍क्षोकला थुक्‍ङेउ हुङयेगी मीछे क्‍यायेला ॱलापच्‍या तेरती, सेमस्‍युक पारती खेक्‍याला च्‍याक ग्‍याप्‍पी। खोङबा को़न्‍क्षोकगीराङ खेक्‍याला राङगी ग्‍यासी धाङ शीजेला भो़ ॱनाङालाक।

१ थेसालोनीकेपा 2:3

हीकी स्‍येगीन ताम्‍शाङ दे नोन्‍डु याङमेना, साम्‍लो ॱमेचाङा धाङ मीला गो कोरयेला मालाक।

१ थेसालोनीकेपा 4:1

पी़न्‍दाक्‍याओ, को़न्‍क्षोकला थुक्‍ङेउ मीछे पी़येला, हीकी खेक्‍याला ॱलापच्‍या ग्‍याप्‍पी धेनी खेक्‍या होदे च्‍योक्‍रे मीछे क्‍याली। धा देला ल्‍हाक झ्‍यीरोझ्‍यी ॱनेरी, चोवो येशुगी स्‍योकने हेक्‍या खेक्‍याला श्‍योवा पुलीहो़क।