जेपा 2:9 - ॱलोवा

⁹ होराङक्‍या पारथाक्‍या धाङ मेदेक्‍या धाङ एलाम्‍पाक्‍या धाङ मेसोपोटामीयागी मीक्‍या धाङ युदेयाक्‍या धाङ कापादोकीया धाङ पोन्‍तु धाङ एशीया धाङ

जेपा 2:9 Iomraidhean Croise

जेपा 16:6

धाम्‍पे थुक्‍ङीगी पाउलु धाङ सीलवानु धाङ तीमोथेउला एशीया स्‍योकला, ताम्‍शाङ स्‍येरु डोयेला काक जेदी, खुङक्‍या फारुगीया धाङ गालातीया स्‍योकने झ्‍युरी सोवालाक।

जेपा 18:2

होदुरु खी़ आकुला ॱनागीन, याहुदापा च्‍यीकला थुक्‍पालाक। आकुलागो पोनतुर साजाला केवालाक धेनी खोरी केमी पीरीस्‍कीलामुला, ईटालीने होरी माङा मेडोवालाक घीझ्‍येरी ॱनाना रोमापा ग्‍यावु कालोदेहुगी, याहुदापा घीरीला रोम ग्‍याखापने थो़न्‍दी डोयेला का ॱनावालाक। धेनी पाउलु खुङक्‍याला थुक्‍तु सोवालाक।

जेपा 19:10

देरे झ्‍येरी लो ॱङी जोक्‍पालाक धेनी एशीयादु हो़गीन, याहुदापा धाङ याहुदापा मेन्‍गीन मीरीकगी मीक्‍यागीयाः चोवोगी का ङेन्‍बालाक।

जेपा 19:27

देरे झ्‍येरी होरी लेगा च्‍यीगा मालाक हीना घीरीगी चीगीन ल्‍हामो आरतीमीगी ल्‍हाखाङगीयाः, ॱमेटा झ्‍युङयेगी ङेन्‍का हो़तालाक। धेनी एशीया धाङ जाम्‍बुलीङ घीरीदु चीरी होवा, आरतीमी ॱनागीन ल्‍हामोगी क्षाक्‍क्षो़ सी़या झ्‍यीगीमालाक।”

जेपा 19:31

एशीया श्‍युङगी मी खाक्‍क्षे रीङगा, पाउलुगी रोवा लाक धेनी खुङक्‍याई खोला होदे तेमोखाङ नाङदु माडो ॱनेरी श्‍योवा पुवालाक।

जेपा 2:8

देरे हीन्‍ना खुङक्‍याई होरी केक ग्‍याप्‍कीनगो, होराङ घाङगी झ्‍येरी घोराले?

जेपा 20:16

ङीमा ॱङापच्‍युपागी धी़छेनला, येरुसालेमदु ॱलेप्‍येला छाटा झ्‍युरी पाउलु एशीयारु मागोरा, एफेसुने झ्‍युरी डोयेला थाक चेवालाक।

जेपा 20:18

खुङक्‍या ॱलेप्‍ती खी़ ॱनेवालाक, “एशीयारु हुङगीन ङीमानेराङ खेराङक्‍यामुला धेदी घाङला, ङी होदे ङीमाक्‍या घाङ झ्‍येरी चेबालाक ॱनेरी, खेराङक्‍याला क्षा हो़तालाक।

जेपा 20:4

होदे ढु ग्‍याप्‍येला खोमुला श्‍येम्‍मा मीक्‍याः हो़तालाक। होदेक्‍या बेरोया ग्‍याजागी पुररुसगी भीजा, सोपातेर धाङ थेसलोनीके ग्‍याजागी आरीस्‍तारकु धाङ सेकुनदु धाङ धेरबे ग्‍याजागी गायु धेनी तीमोथेउ धाङ एशीया स्‍योकने होवा, तुखीकोस धाङ तोरोफीमोस लाक।

जेपा 21:27

धेनी ङीमा धी़न्‍बागो जोक्‍कु झ्‍यीदी घाङला, एशीया स्‍योकने होवा याहुदापाक्‍याई पाउलुला क्षो़खाङदु थोवालाक। खुङक्‍याई मी ॱमीच्‍यीकी माङाला पाउलुगी डाला ॱलारी खोला शीम्‍दी,

जेपा 24:18

दे लेगा झ्‍यीदी घाङला, खुङक्‍याई ङाला क्षो़खाङ नाङदु थुक्‍जुङ। होदे घाङला ङी चाङमा झ्‍युङगीन ॱरोगो झ्‍येसा हो़तालाक। होदुरु मीगी छाङगाक्‍या, ङी स्‍याबाला मेतालाक धेनी ठुक घीन्‍दा ॱमास्‍योर हो़तालाक।

जेपा 27:2

हेक्‍या एडामीतीम ग्‍याजाने डुला श्‍यो़न्‍दी, एशीयागी डामगी डु भापछुकदु सोवी। माकेडोनीयागी थेसालोनीके ग्‍याजाने होवा, आरीस्‍तारकु हीकीमुला हो़तालाक।

जेपा 6:9

हीना कुरेने धाङ आलेक्‍जेन्‍डीया ग्‍याजा धाङ कीलीकीया धाङ एशीयाने होवा, याहुदापा मी रीङगा रुप्‍ती सेतेफेनमुला ॱङ्योक्‍टा स्‍येवालाक। होदे याहुदापाक्‍या “राङवे मी” ॱनागीन छोक्‍खाङगी मीक्‍या लाक।

जेपा 7:2

सेतेफेनगी लेन ग्‍याप्‍पालाक, “पी़नक्‍याओ, ङाला ङेन्‍रोनाङ। शीजेगी को़न्‍क्षोकगी होरी, मेमे आब्‍राहामला हारानदु धेगीन एन्‍लाराङ, मेसोपोटामीया ॱनागीन लुङबादु थोङनाङ ॱनावालाक।

रोमापा 16:5

धेनी खुङक्‍याई नाङदु छुक्‍कीन क्षो़छोकला छाम्‍डी श्‍यी़। एशीया नाङने मास्‍यीकाला धेपा झ्‍यीगीन मी धाङस्‍योक हीन्‍गीन, ङी चेवे रोवा एपेनेतोला छाम्‍डी श्‍यी़।

१ कोरीन्‍थुपा 16:19

एशीयागी क्षो़छोकक्‍याई खेक्‍याला छाम्‍डी श्‍यी़क। आकुला धाङ पीरीस्‍का धाङ खुङगी नाङदु छुक्‍कीन क्षो़छोकगी, खेक्‍याला चोवोगी छेनने छाम्‍डी श्‍यी़क।

२ कोरीन्‍थुपा 1:8

पी़नक्‍याओ, हीकी एशीयारु ङ्याङगीन दुक्‍पुगो खेक्‍याई स्‍येलाझ्‍यी ॱनेरी, हेक्‍या दो़दीहो़क। हेक्‍या शो़पा घोम ॱमीथुक्‍कीन ॱमीच्‍यीकी दुक्‍पुक्षेला छी़दी, हेक्‍या सो़न्‍पो धेटो ॱनेरी रेवाः माझ्‍युङ।

२ तीमोथेउ 1:15

एशीयारु हो़गीन घीरी धाङ होदे खोक्‍ने फुगेलोस धाङ हेरमोगेने ॱङीउगी, ङाला पाङगीनगो ख्‍यो़ला स्‍येये हो़तालाक।

१ पेटो 1:1

येशु मास्‍यीकागी कुछाप, ङा पेटो, खे पोन्‍तु धाङ गालातीया धाङ कापादोकीया धाङ एशीया धाङ बीथानीयादु थोरती धेताक्‍याला, दे यीक दे ढीयाहीन।

ॱङो़न्‍पा 1:11

होदेगी “ख्‍यी़ घी थोङगीनगो धेपला ढीक धेनी दे क्षो़छोक धी़नक्‍या, एफीसु धाङ सीमीरना धाङ पेरगामोन धाङ थीयातीरा धाङ सारती धाङ फीलादेल्‍फीया धाङ लाउदीकेयाला कुर।” सुरी सुङजुङ।

ॱङो़न्‍पा 1:4

ङा योहान्‍नाने, एशीयादु हो़गीन क्षो़छोक धी़नला, यीक दे पुलाहीन। धान्‍दा श्‍युक हो़गीन धाङ एम्‍मा श्‍युक ङ्युङ हो़गीन धाङ स्‍याम्‍ला फेप्‍ये हीन्‍गीन को़न्‍क्षोकने, धेनी खोङगी श्‍युक्‍ठी दोङदु हो़गीन थुक्‍ङी धी़न धाङ धेन्‍पागी पाङपो जेगीन स्‍यीम्‍पोक्‍याने, धाङपो सो़न्‍पो श्‍याङा जेजा धाङ जाम्‍बुलीङगी ग्‍यावुक्‍याई खाला वाङ जेगीन, खोङ येशु मास्‍यीकागी थोक्‍ने, थुक्‍जे धाङ श्‍यीदे खेक्‍याला थोप्‍पास्‍योक। होराङक्‍याला झाम्‍पा जेगीन धाङ राङगी कुठाकगी थोक्‍ने, होरी धीक्‍पाक्‍याने होराङला थारपा जेगीन