जेपा 2:46 - ॱलोवा

⁴⁶ धेनी ङीमा च्‍योई खुङक्‍या क्षो़खाङदु जोमालाक। धेनी नाङ-नाङदु जोम्‍दी, ङ्यामो घेरी क्षाबोमा झ्‍येरी शामा शालाक।

जेपा 2:46 Iomraidhean Croise

मेथा 6:22

“ॱमीक नी ली़गी मारमे लाक। होझ्‍येरी ख्‍यी़ ॱमीक थाङा हो़ना, ख्‍यी़ ली़ घीरी हो़गी खाङगीलाक।

लुका 11:41

हीना नाङला हो़गीनगो उटेक्‍याला ज्‍यीम्‍बा तोङ धेनी ख्‍यी़ क्षीला घीरी चाङमा झ्‍युङगीलाक।”

लुका 24:30

धेनी खोङबा खुङ ङीउमुला श्‍येलाकला श्‍युई घाङला, खोङबागी ग्‍याङगा च्‍यीक क्षाकला ॱनुम्‍दी झ्‍यीलाप जेपालाक धेनी च्‍याक्‍ती खुङ ॱङीउला ॱनाङवालाक।

लुका 24:53

धेनी खुङक्‍या च्‍योई क्षो़खाङदु, को़न्‍क्षोकला तो़टा पुरी धेदालाक।

जेपा 16:34

धेनी घोरेगी़ खुङ ॱङीउला खोरी नाङदु ठीक्‍ती शामा तेरपालाक। धेनी खो धाङ खी़ नाङमी घीरीगी को़न्‍क्षोकला धेपा झ्‍येरी, खुङ घीरी ङ्यामो घेवालाक।

जेपा 2:42

धेनी खुङक्‍या कुछापक्‍याई क्षो़ला ङेन्‍ये धाङ मुला जोम्‍ये धाङ ग्‍याङगा च्‍याक्‍ये धाङ सोवा ग्‍याप्‍ये च्‍योक्‍रे, लेगाक्‍या मुला झ्‍यीदालाक।

जेपा 20:7

धी़न्‍डागी श्‍याक्‍मो धाङपोगी घोमुगो, हेक्‍या होदुरु हो़गीन धेपा-झ्‍यीगीनक्‍यामुला शामा शायेला जोम्‍बालाक। पाउलुगी खुङक्‍याला ॱलापच्‍या तेरती धेपालाक धेनी ॱङेटोगो होदेने लोक्‍ये झ्‍येरी, खो छेन फेचाम थुक्‍पे लाब तारी धेपालाक।

जेपा 3:1

ङीमा च्‍यीक पेटो धाङ योहान्‍ना घोमो छुची सुबा चो़ला, क्षो़खाङदु सोवा ग्‍याप्‍तु डी़ हो़तालाक। दे सोवा ग्‍याप्‍कीनगी धी़चो़ लाक।

जेपा 5:21

कुछापक्‍याई होदे लाब ङेन्‍दी, ॱङारोक ॱङात्‍ती क्षो़खाङ नाङदु सोरी क्षो़ स्‍येपालाक। धेनी चो क्षो़पो़न धाङ खी़ रोवा ईस्‍राएल्‍पाक्‍याई, गोठी घीरीला छोक्‍पा क्षेरु भो़वालाक। धेनी खुङक्‍याई कुछापक्‍याला आटाने ठीक्‍ती हुङयेला मीक्‍या झावालाक।

जेपा 5:42

होदे स्‍याम्‍ने खुङक्‍या श्‍याक्‍मो डाङी, क्षो़खाङक्‍या धाङ नाङ-नाङला सोरी येशुराङ मास्‍यीका हीन ॱनागीन ताम्‍शाङगो, ॱलाप्‍ये धाङ स्‍येयेला नामा छाम माश्‍याक्‍पालाक।

रोमापा 12:8

धेनी सेमस्‍युक तेरये हीन्‍ना सेमस्‍युक तेर धेनी ज्‍यीम्‍बा ताङये हीन्‍ना, ॱमेफाङा ज्‍यीम्‍बा तोङ धेनी गोदो़न झ्‍यीये हीन्‍ना, ॱङीङ थाक्‍पाने गोदो़न झ्‍यी धेनी ॱङीङजे तो़न्‍ये हीन्‍ना ङ्यामो घेरी तो़न।

१ कोरीन्‍थुपा 10:16

धाम्‍पे सुरेगी फोरागी क्षीदु होराङ को़न्‍क्षोकला काटीन्‍क्षे श्‍यी़ली घाङला, होराङ मास्‍यीकागी कुठाकमुला थेला माले? धेनी होदे ग्‍याङगागो च्‍याई घाङला, होराङ मास्‍यीकागी कुली़ला थेला माले?

२ कोरीन्‍थुपा 1:12

हीकी ङोम्‍सो झ्‍यीयेगी दो़न नी, दे जीक्‍तेनगी मीक्‍यामुला हीकी चो़पा धाङ ॱमीक्‍सेदु खेक्‍यामुला हीकी ढेवा नी, को़न्‍क्षोकने झ्‍युङगीन सेम ढाङपो धाङ चाङमा थोक्‍ने हीन्‍गीनगो, हीकी स्‍येयो़नगीराङ पाङपो झ्‍यीदालाक। दे नी जीक्‍तेनगी स्‍येरापगी थोक्‍ने मेन्‍दा, को़न्‍क्षोकगी थुक्‍जे थोक्‍ने झ्‍युवालाक।

२ कोरीन्‍थुपा 11:3

हीना डुगी राङगी च्‍याङग्‍यु थोक्‍ने हाव्‍वाला ॱली़गीन च्‍योक्‍रे, मास्‍यीकागी क्षीदु खेक्‍याई सेम ढाङपो धाङ चाङमे थोक्‍ने दाम्‍छीक हो़गीनगोने, खेक्‍याई साम्‍लोक्‍या ॱली़टोङ ॱनेरी, ङा जीई।

एफीसुपा 6:5

ढेन्‍योकक्‍याओ, खेक्‍या मास्‍यीकागी काला ङेन्‍गीन च्‍योक्‍रे, सेम ढाङपोगी गोने जीक्‍नाङ धाङ घुस्‍याप झ्‍येरी, जीक्‍तेनगी राङगी दाक्‍पोक्‍याई काला ङेन।

कोलोसेपा 3:22

खे ढेन्‍योकक्‍याओ, दे जीक्‍तेनदु राङगी दाक्‍पोगी ॱमीकगी दोङदु च्‍यीगा घारु च्‍युक्‍ये मेन्‍दा, हीना ॱङोन्‍ने डाङने सेम्‍ङीने चोवोला चीकुर झ्‍येरी, घीरीगी थोक्‍ने राङगी दाक्‍पोगी खाला ङेन।