जेपा 2:43 - ॱलोवा

⁴³ कुछापक्‍याई ॱहाङसागीन लेगाक्‍या झ्‍येरी, ॱमीच्‍यीकी माङा ताकक्‍या तो़न्‍दालाक। देरे झ्‍युङी घाङला मी घीरीगी खाला को़न्‍क्षोकगी जीक्‍नाङ केवालाक।

जेपा 2:43 Iomraidhean Croise

मारकु 16:17

धेपा झ्‍यीगीनक्‍याला दे ताकक्‍या झ्‍युङगीलाक। ङी मीङने, खुङक्‍याई डेक्‍या तो़न्‍गीलाक धेनी केरीक श्‍येम्‍माक्‍या ताङगीलाक।

लुका 7:16

धेनी मी घीरी ॱमीच्‍यीकी जीक्‍ती, को़न्‍क्षोकला तो़टा पुरी ॱनेवालाक, “होरी घुङदु ॱङो़नस्‍येखेन खाक्‍क्षे च्‍यीक थो़न्‍दुक।” धेनी “को़न्‍क्षोकगी खोरी मीरीकला थुक्‍जे शीक्‍दुक।”

लुका 8:37

धेनी गेरासेनेगी ॱये-ॱयो़नगी यु घीरीगी मीक्‍याई, येशुला खोराङक्‍याई युने लोक्‍ती फेवा जे ॱनेरी श्‍योवा पुवालाक घीझ्‍येरी ॱनाना खुङक्‍या ॱमीच्‍यीकी जीक्‍पालाक। होझ्‍येरी येशु डुला श्‍यो़न्‍दी लोक्‍ती फेप्‍पालाक।

योहान्‍ना 14:12

“ङा खेक्‍याला धेन्‍पा धेनक्‍याङ ॱनाहीन, ङाला धेपा झ्‍यीगीनगी़ ङी घी झ्‍यीगीन लेगाक्‍याः झ्‍यीगीलाक धेनी देले क्षे लेगाक्‍या खी़ झ्‍यीगीलाक। घीझ्‍येरी ॱनाना ङा यापगी डुङदु डी़हो़क।

जेपा 2:22

“ईस्‍राएल्‍पा मीक्‍याओ, ङी लाब ङेन्‍रोनाङ, नाजारेतगी येशुने को़न्‍क्षोकगी खेराङक्‍याई घुङदु स्‍युक क्षेन्‍बो धाङ ॱहाङसागीन लेगाक्‍या झ्‍येरी, धेनी ताकक्‍या तो़न्‍गीनगो खेराङक्‍याला क्षा हो़तालाक। होदेक्‍याने को़न्‍क्षोकगी येशुला खेराङक्‍याई घुङदु झावाहीन ॱनागीन, पाङपोगो तो़न्‍दा जेपालाक।

जेपा 4:33

कुछापक्‍याई चोवो येशु छीवाने सो़न्‍पो श्‍याङगीनगी कोरला, वाङक्षेगी थोक्‍ने मीक्‍याला पाङपो झ्‍येवालाक। धेनी को़न्‍क्षोकगी थुक्‍जे क्षेन्‍बो, खुङक्‍या खाला मेछो़ली झ्‍युवालाक।

जेपा 5:5

होदे लाब ङेन्‍लुङ मेताला, आनानीया साला गेरी धेनी खी़ उप छेपालाक। दे लाब ङेन्‍गीन घीरी ॱमीच्‍यीकी जीक्‍पालाक।

जेपा 9:34

पेटोगी खोला ॱनेवालाक, “एनीया, येशु मास्‍यीकागी ख्‍यो़ला चो़गा ॱनाङगीलाक। लोङ धेनी ख्‍यो़री तेन तोब।” धेनी लाम्‍साङ खो लाङबालाक।

जेपा 9:40

पेटोगी खुङ घीरीला फीला तो़न्‍दी, पीमु चुक्‍ती सोवा ग्‍याप्‍पालाक। धेनी फुङबु स्‍योकला तेरी ॱनेवालाक, “ताबीथा लोङ।” धेनी मी़ ॱमीक तेवालाक धेनी पेटोला थोरी मो लावालाक।