जेपा 2:42 - ॱलोवा

⁴² धेनी खुङक्‍या कुछापक्‍याई क्षो़ला ङेन्‍ये धाङ मुला जोम्‍ये धाङ ग्‍याङगा च्‍याक्‍ये धाङ सोवा ग्‍याप्‍ये च्‍योक्‍रे, लेगाक्‍या मुला झ्‍यीदालाक।

जेपा 2:42 Iomraidhean Croise

लुका 24:30

धेनी खोङबा खुङ ङीउमुला श्‍येलाकला श्‍युई घाङला, खोङबागी ग्‍याङगा च्‍यीक क्षाकला ॱनुम्‍दी झ्‍यीलाप जेपालाक धेनी च्‍याक्‍ती खुङ ॱङीउला ॱनाङवालाक।

लुका 24:35

धेनी लाम्‍गाला झ्‍युजा लाबक्‍या धाङ ग्‍याङगा च्‍याक्‍ती ॱनाङी घाङला, खुङ ॱङीउगी येशुला ङोस्‍येगीन लाब घीरी श्‍येम्‍माक्‍याला स्‍येपालाक।

जेपा 1:14

खुङक्‍या घीरी ईजी नुमुक्‍या धाङ येशुगी युम मीरीयाम धाङ खोङबागी नोक्‍यामुला जोम्‍दी, सोवा ग्‍याप्‍ती धे हो़तालाक।

जेपा 11:23

होदुरु ॱलेप्‍ती को़न्‍क्षोकगी थुक्‍जेगी ढेबु थोरी, खो ॱमीच्‍यीकी ङ्यामो घेवालाक धेनी धेपा-झ्‍यीगीनक्‍याला धोराङा चोवोगी नाङ तेन्‍पो झ्‍युरी धेयेला सेमस्‍युक पारपालाक।

जेपा 14:22

खुङक्‍याई होदे साजाक्‍याला हो़गीन चोवोगी ङेनेक्‍याला स्‍युक्‍क्षे शो़री, धेपाला धेयेला सेमस्‍युक तेरपालाक। “को़न्‍क्षोकगी ग्‍याखापला ॱलेप्‍ये एन्‍ला, होराङगी ॱमीच्‍यीकी माङा दुक्‍पु शो़पा झ्‍येरी धे घोगीलाक” ॱनागीन लाब ॱलाप्‍पालाक।

जेपा 2:46

धेनी ङीमा च्‍योई खुङक्‍या क्षो़खाङदु जोमालाक। धेनी नाङ-नाङदु जोम्‍दी, ङ्यामो घेरी क्षाबोमा झ्‍येरी शामा शालाक।

जेपा 20:11

धेनी खुङक्‍या घीरी तो़ला सोरी, खोङ घीरीमुला चोवोगी श्‍युक्‍टागो शेबालाक। धेनी पाउलु खुङक्‍यामुला ॱङारोक माझ्‍युङगीन थुक्‍पे, लाब तारी धेपालाक धेनी खो होदेने सोवालाक।

जेपा 20:7

धी़न्‍डागी श्‍याक्‍मो धाङपोगी घोमुगो, हेक्‍या होदुरु हो़गीन धेपा-झ्‍यीगीनक्‍यामुला शामा शायेला जोम्‍बालाक। पाउलुगी खुङक्‍याला ॱलापच्‍या तेरती धेपालाक धेनी ॱङेटोगो होदेने लोक्‍ये झ्‍येरी, खो छेन फेचाम थुक्‍पे लाब तारी धेपालाक।

जेपा 4:23

पेटो धाङ योहान्‍ना होदेने थारते, खोरी रोवाक्‍या चारु होरी, क्षो़पो़न क्षेक्‍या धाङ गोठीक्‍याई सुसा लाब घीरी खुङक्‍याला स्‍येपालाक।

जेपा 4:31

खुङक्‍याई ॱमो़लाम ग्‍याप सारती, स्‍याम्‍ला खुङक्‍या धेजा सागो लीङ-लीङ झ्‍येवालाक। धेनी खुङ घीरी धाम्‍पे थुक्‍ङीगी खावालाक धेनी को़न्‍क्षोकगी का ॱलोगोक क्षे झ्‍येरी स्‍येपालाक।

जेपा 6:4

धेनी हेक्‍या हेरी धी़चो़ घीरी ॱमो़लाम ग्‍याप्‍ये धाङ को़न्‍क्षोकगी का स्‍येयेला तेरयेहीन।”

रोमापा 12:12

धेनी रेवाला तेन्‍दी घाटो झ्‍यी धेनी दुक्‍पु ङ्याङी घाङला, शो़पा झ्‍यी धेनी च्‍योई ॱमो़लाम श्‍यी़।

१ कोरीन्‍थुपा 10:21

खेक्‍या चोवोगी फोरा धाङ डेक्‍याई फोरा ॱङीगाराने थुङ ॱमीथुक्‍वालाक। धेनी खेक्‍या चोवोगी सोच्‍योक धाङ डेक्‍याई चोक्‍चे ॱङीगाराने शा ॱमीथुक्‍वालाक।

१ कोरीन्‍थुपा 11:2

दो़न घीरीला खेक्‍याई ङाला ढेन्‍दी धेनी ङी खेक्‍याला तेरता ॱलापच्‍याक्‍या खेक्‍याई ॱरुङगीनला, ङा खेक्‍याई तो़टा ताङाहीन।

१ कोरीन्‍थुपा 14:6

धा पी़नक्‍याओ, खीकीचारु ङा केरीक श्‍येम्‍माला लाब ताङी होरी, धेनी खेक्‍याई खोक्‍दु को़न्‍क्षोकगी कागी साङवागो ॱङो़न्‍ये याङना स्‍येयो़न याङना ॱङो़नस्‍ये याङना ॱलापच्‍या घीया खेरती मेयोङना, ङाने खेक्‍याला घी फेन्‍थोक्‍कीलाक से?

गालातीयापा 1:6

मास्‍यीकागी थुक्‍जेने भो़पा खेक्‍या देरे ग्‍योवा खोङला ङो ॱलोक्‍ती, ताम्‍शाङ श्‍येम्‍मागी स्‍याम्‍ला डागीनला ङा ॱहालेजुङ।

एफीसुपा 2:20

दे नाङमीगी ॱमाङस्‍यीगो कुछापक्‍या धाङ ॱङो़नस्‍येखेनक्‍याई, खाला चीक हो़तालाक धेनी मास्‍यीका येशु खोङबाराङगो चो शुरधोगो लाक।

एफीसुपा 6:18

धेनी धाम्‍पे थुक्‍ङीला तेन्‍ती धी़ ताक्‍दु ॱमो़लाम धाङ रेभो़ श्‍यी़। दो़न दे सेमला शीम्‍दी थाङ ॱमेक्षेदा शाप-शाप झ्‍येरी, धाम्‍पे मी घीरीगी क्षीदु ॱमो़लाम श्‍यी़।

फीलीप्‍पीपा 1:5

घीझ्‍येरी ॱनाना मास्‍यीकागी कोरला ताम्‍शाङ दे, खेक्‍यागी गोमा घोरका ङीमाने, धान्‍दा थुक्‍पे दे स्‍येयेला खेक्‍या ङी रोवा झ्‍युहो़क।

कोलोसेपा 1:23

होझ्‍येरी खेक्‍याई घोरकीन ताम्‍शाङने थोप्‍था रेवागो ॱमेपाङा, मी़थुने धेपाला तेन्‍पो ॱनेघो़। ताम्‍शाङ दे नाम्‍खे श्‍यीङखामगी होकदु जीक्‍तेनदु हो़गीन, घीरीला स्‍ये हो़तालाक धेनी ङा पाउलु दी श्‍याप्‍तोक्‍पा च्‍यीक हीन।

कोलोसेपा 4:2

काटीन्‍क्षे श्‍युरी धेनी च्‍याङजे झ्‍युरी, ॱमो़लाम ॱमेक्षेदा ग्‍योप।

२ तीमोथेउ 3:14

हीना होदे ॱलापच्‍याक्‍या सुने ज्‍याजागो ख्‍यी़राङ स्‍येलालाक। घीझ्‍येरी ॱनाना ख्‍यो़ राङगी ॱलाप्‍ला ॱलापच्‍याक्‍या धाङ तेन्‍पो झ्‍येरी झ्‍येजा धेपाला ॱनेती धो़क।

ईब्‍रीपा 10:25

मी रीङगा छोक्‍दुला डोङी मेदो़गीन हुङालाक हीना होराङक्‍यामुला जोम्‍येला छाम माश्‍याक। हीना चोवोगी ङीमा ङे ॱलेप्‍कीनगो, खेक्‍याई थोथा झ्‍येरी ॱयो़ल्‍ले ल्‍हाक च्‍यीकगी च्‍यीकला सेमस्‍युक पोर।

ईब्‍रीपा 10:39

हीना होराङ नी, ग्‍याप लोक्‍ती डोगीन धाङ मेताला डोगीनक्‍या मालाक। होराङक्‍या नी, धेपा झ्‍येरी थारपा थोप्‍थाक्‍या लाक।

१ योहान्‍ना 1:3

खेक्‍याः हीकीमुला थी़न्‍डीलला हुङास्‍योक ॱनेरी, हेक्‍याई थोथा धाङ घोरकागो हेक्‍या खेक्‍याला सेटाक झ्‍यीदाहीन। धेनी हीकी थी़न्‍डीलगो याप धाङ से, येशु मास्‍यीकामुला लाक।

१ योहान्‍ना 1:7

हीना खोङबा हो़क नाङला हो़गीन च्‍योक्‍रे होराङक्‍या हो़क नाङला ग्‍युक्‍ना, होराङक्‍या च्‍यीकगी च्‍यीक नाङदु थी़न्‍डील झ्‍युङालाक धेनी खोङबागी से येशुगी कुठाकगी होराङक्‍याला, धीक्‍पा घीरीने चाङमा जेदालाक।

१ योहान्‍ना 2:19

खुङक्‍या होरी घुङनेराङ थो़न्‍दी सोवालाक हीना खुङक्‍या ॱङोन्‍नेगो, होराङ स्‍योकने मालाक। घीझ्‍येरी ॱनाना खुङक्‍या होराङ स्‍योकने हीन्‍ना, खुङक्‍या होराङमुला राङ धे हो़टु हीना खुङक्‍या घीरी होराङने डारी डुगीनगी़ राङ, होराङ स्‍योकगी मालाक ॱनेरी सावो झ्‍युङालाक।

युदा 1:20

हीना चेवे पी़नक्‍याओ, खेक्‍यागो राङगी ॱमीच्‍यीकी धाम्‍पे धेपाला यारके तारी सोङ धेनी धाम्‍पे थुक्‍ङीगी गोने ॱमो़लाम ग्‍योप।