जेपा 2:4 - ॱलोवा

⁴ धेनी खुङक्‍या घीरी धाम्‍पे थुक्‍ङीगी खावालाक धेनी धाम्‍पे थुक्‍ङीगी केरीक श्‍येम्‍मा श्‍येम्‍माला लाब ताङयेला, खुङक्‍याला रोवा जेपालाक।

जेपा 2:4 Iomraidhean Croise

मेथा 10:19

खुङक्‍याई खेक्‍याला होझ्‍येरी ची ग्‍याई घाङला, घाङ झ्‍येरी घी ॱनाये ॱनेरी, खेक्‍या सेम्‍डा माझ्‍यी घीझ्‍येरी ॱनाना खेक्‍याई घी ॱना घो़गीनगो, होदे धी़लाराङ खेक्‍याला ॱनाङगीलाक।

मारकु 16:17

धेपा झ्‍यीगीनक्‍याला दे ताकक्‍या झ्‍युङगीलाक। ङी मीङने, खुङक्‍याई डेक्‍या तो़न्‍गीलाक धेनी केरीक श्‍येम्‍माक्‍या ताङगीलाक।

लुका 1:15

घीझ्‍येरी ॱनाना खो चोवो को़न्‍क्षोकगी कुम्‍दीनदु खाक्‍क्षे हुङगीलाक। धेनी खी़ घुन्‍क्षाङ याङना श्‍येम्‍मा क्षाङक्‍या थुङये मेतालाक धेनी खोरी आमागी फोवारु हो़ताराङ, खो धाम्‍पे थुक्‍ङीगी खाङगीलाक।

लुका 1:41

धेनी मीरीयामगी केक घोरती, एलीसाबेतगी फोवा नाङगी टुगो घु-घु झ्‍येवालाक धेनी एलीसाबेत धाम्‍पे थुक्‍ङीगी खारी

लुका 1:67

टु आकी जेकारीयास धाम्‍पे थुक्‍ङीगी खारी ॱङो़नस्‍ये स्‍येपालाक,

लुका 12:12

घीझ्‍येरी ॱनाना होदे धी़चो़लाराङ खेक्‍याई ॱना घो़गीनगो, धाम्‍पे थुक्‍ङीगी खेक्‍याला ॱलावा जेगीलाक।”

लुका 21:15

घीझ्‍येरी ॱनाना ङा खेक्‍याला देरे छीकक्‍या धाङ स्‍येराप तेरयेहीन, धेनी खेरी डाक्‍याने सी़या ख्‍यो़ला लेन ॱलोक थुक्‍कीमालाक धेनी गाक्‍पा ग्‍याप ॱमीथुक्‍कीलाक।

लुका 4:1

येशु धाम्‍पे थुक्‍ङीगी खारी, योरदान चाङबुने लोक्‍ती फेप्‍पालाक धेनी थुक्‍ङीगी खोङबाला रीतोङ स्‍योकला ठीया जेपालाक।

योहान्‍ना 14:26

हीना ङी मीङ थोक्‍ने यापगी ॱनाङगीन रोवा जेगीन धाम्‍पे थुक्‍ङीगी़, खेक्‍याला लाब घीरी ॱलाबा जेगीलाक। धेनी ङी खेक्‍याला स्‍येगीन घीरी ढो़न्‍सो ॱनाङगीलाक।

योहान्‍ना 20:22

दे सुङसारती खोङबागी खुङक्‍याला फु ग्‍याप्‍ती सुवालाक, “धाम्‍पे थुक्‍ङी लेन च्‍यीक।

जेपा 1:5

योहान्‍नागी क्षुगी ठी़सो़ तेरपालाक हीना श्‍याक्‍मो तीते स्‍याम्‍ने खेक्‍याला धाम्‍पे थुक्‍ङीगी ठी़सो़ थोप्‍कीलाक।”

जेपा 1:8

हीना धाम्‍पे थुक्‍ङी खेराङक्‍याई खाला फेप्‍ती, खेक्‍याला स्‍युक जोरकीलाक। होदे स्‍याम्‍ने, खेक्‍या येरुसालेम धाङ युदेया धाङ सामारीयागी साजा घीरीला धेनी जाम्‍बुलीङगी था थुक्‍पे, ङी पाङपो झ्‍युङगीलाक।”

जेपा 10:46

घीझ्‍येरी ॱना ना होदे मीक्‍याई केक श्‍येम्‍मा-श्‍येम्‍मा ग्‍याप्‍कीन धाङ को़न्‍क्षोकला तो़टा ताङगीनगो खुङक्‍याई घोरपालाक। धेनी पेटोगी ॱनेवालाक,

जेपा 10:47

“होराङ च्‍योक्‍रे दे मीक्‍याला धाम्‍पे थुक्‍ङी थोप्‍जुङ। धा दे मीक्‍याला क्षुगी ठी़सो़ लेन्‍येला, सी़ काक थुक्‍कीले?”

जेपा 11:15

धेनी ङा लाब ताङी घाङला, होराङक्‍याई खाला गोमा धाम्‍पे थुक्‍ङी भाप्‍कीन च्‍योक्‍रे, खुङक्‍या खाला भाप्‍सुङ।

जेपा 11:24

बारनाबा नी, मी शाङपो धाङ धाम्‍पे थुक्‍ङी धाङ धेपागी खाङखा, मी च्‍यीक लाक। खी़ झ्‍येरी मी ॱमीच्‍यीकी माङागी, चोवोला धेपा झ्‍येवालाक।

जेपा 13:52

धेनी धेपा झ्‍यीगीनक्‍या घाटो धाङ धाम्‍पे थुक्‍ङीगी खावालाक।

जेपा 13:9

साउल (खोला पाउलु ॱनालाक) धाम्‍पे थुक्‍ङीगी खारी, एलुमासला तेरी धेदी ॱनेवालाक,

जेपा 15:8

धेनी होराङ घीरीगी सेम नाङगी घीरी खेन जेगीन को़न्‍क्षोकगीराङ, याहुदापा मेन्‍गीन मीरीकक्‍याला होराङला च्‍योक्‍रे धाम्‍पे थुक्‍ङी ॱनाङदी, खुङक्‍यालाः दाम्‍बालाक ॱनेरी पाङपो तो़न जेपालाक।

जेपा 19:6

धेनी पाउलुगी खोरी लाक्‍पा खुङक्‍या खाला श्‍याक्‍पालाक धेनी धाम्‍पे थुक्‍ङी खुङक्‍या खाला फेप्‍पालाक। धेनी खुङक्‍याई ॱमेस्‍येगीन केक्‍या ग्‍याप धेनी ॱङो़नस्‍ये स्‍ये झ्‍येवालाक।

जेपा 2:11

याहुदापा धाङ याहुदापा क्षो़ला ग्‍युरग्‍युवा मीक्‍या ॱङीगारा धाङ केरेट धाङ आराब ग्‍याखापने, होवा मीक्‍या लाक। को़न्‍क्षोकगी जेजा ॱहाङसागीन क्षालेक्‍याई कोरला, खुङक्‍याई होरी केकला स्‍येगीनगो होराङक्‍याई घोरी।”

जेपा 2:3

धेनी मेगी च्‍येमोक्‍या च्‍योक्‍रे, थोङगीन खुङक्‍याचारु थोवालाक। होदे मेगी च्‍येमोक्‍या दुबु-दुबु झ्‍युरी, होदुरु हो़गीन मी घीरीगी खाला भाप्‍पालाक।

जेपा 4:31

खुङक्‍याई ॱमो़लाम ग्‍याप सारती, स्‍याम्‍ला खुङक्‍या धेजा सागो लीङ-लीङ झ्‍येवालाक। धेनी खुङ घीरी धाम्‍पे थुक्‍ङीगी खावालाक धेनी को़न्‍क्षोकगी का ॱलोगोक क्षे झ्‍येरी स्‍येपालाक।

जेपा 4:8

धेनी पेटो धाम्‍पे थुक्‍ङीगी खारी, खुङक्‍याला ॱनेवालाक, “मीक्‍याई पो़न्‍पोक्‍या धाङ गोठीक्‍या!

जेपा 6:3

होझ्‍येरी पी़न्‍दाक्‍याओ, खेराङक्‍या नाङने धाम्‍पे थुक्‍ङीगी खाङखा ॱनेरी स्‍येगीन धाङ स्‍येरापगी खाङखा मी धी़न दोम। धेनी हेक्‍या दे शामागी ची खुङक्‍याला ग्‍याप्‍येहीन।

जेपा 6:5

कुछापक्‍याई ढो़ दे घीरीला घा स्‍येवालाक। धेनी खुङक्‍याई धाम्‍पे थुक्‍ङी धाङ धेपागी खाङखा, सेतेफेन धाङ फीलीप धाङ पोरोखोरु धाङ नीकानोर धाङ तीमोन धाङ पारमेना धाङ आन्‍तीयोक ग्‍याजागी नीकोला दाम्‍बालाक। नीकोला नी, याहुदापा क्षो़ला ग्‍युरग्‍युवा मी च्‍यीक लाक।

जेपा 6:8

को़न्‍क्षोकगी सेतेफेनला मीक्‍याई घुङदु यामसागीन लेगा झ्‍यीये धाङ ताकक्‍या तो़न्‍येला, थुक्‍जे धाङ नी़थु ॱनाङवालाक।

जेपा 7:55

हीना खो धाम्‍पे थुक्‍ङीगी खारी, नाम्‍खे श्‍यीङखाम स्‍योकला तेरी धेपालाक। खी़ को़न्‍क्षोकगी शीजे धाङ चोवो येशुला, को़न्‍क्षोकगी ॱये स्‍योकला श्‍यारी श्‍युक्‍कीन थोवालाक।

जेपा 8:17

धेनी पेटो धाङ योहान्‍नागी खुङक्‍या खाला लाक्‍पा श्‍याक्‍पालाक धेनी खुङक्‍याला धाम्‍पे थुक्‍ङी थोप्‍पालाक।

जेपा 9:17

धेनी आनानीया सोरी साउल धेता खाङबा नाङदु जुवालाक। खी़ साउलगी खाला लाक्‍पा श्‍याक्‍ती ॱनेवालाक, “साउल, ख्‍यो़ दुरु हुङी घाङला लाम्‍गाला जाजा चोवो येशुगी ङाला, ख्‍यी़ ॱमीक धाब्‍ले थोङयेला धाङ धाम्‍पे थुक्‍ङीगी खाङयेला ख्‍यी़चारु झाजुङ।”

रोमापा 15:13

धा धाम्‍पे थुक्‍ङीगी नी़थुने खेक्‍याई रेवा मेछो़ली फेयेगी क्षीदु, रेवागी को़न्‍क्षोकगी खेक्‍याला धेपागी थोक्‍ने, घाटो धाङ श्‍यीदे हो़लेगी खाङवास्‍योक।

१ कोरीन्‍थुपा 12:10

धेनी श्‍येम्‍माक्‍याला ॱहाङसागीन लेगाक्‍या झ्‍यीये धेनी रीङगाला ॱङो़न स्‍येये धेनी रीङगाला सेम्‍ङीक्‍या ॱयेवा चेये धाङ रीङगाला ढामेढा केकक्‍या ग्‍याप्‍ये धाङ रीङगाला, होदे केकक्‍याई दो़न टोयेगी नी़पाक्‍या ॱनाङ हो़तालाक।

१ कोरीन्‍थुपा 13:1

ङी मीक्‍या धाङ नाम्‍खे भाङछेनक्‍याई केरीकला लाब ताङनाः, हीना ङी नाङ झाम्‍पा मेना, ङा ढाकेक ग्‍याप्‍कीन ॱङा याङना तीङढा तो़न्‍गीन रोल्‍मो च्‍यीक च्‍योक्‍रे लाक।

१ कोरीन्‍थुपा 13:8

झाम्‍पाला जोक्‍येगी था मेयोङालाक। हीना ॱङो़नस्‍येक्‍या मेताला डुगीलाक धेनी केरीकगी ॱनाङज्‍यीनक्‍या गाक्‍कीलाक धेनी स्‍येयो़नक्‍या मेताला डुगीलाक।

१ कोरीन्‍थुपा 14:18

खेक्‍या घीरीने ल्‍हाक ङा केरीक श्‍येम्‍माला लाब ताङगीन झ्‍येरी, ङा को़न्‍क्षोकला काटीन्‍क्षे श्‍यी़हो़क।

१ कोरीन्‍थुपा 14:5

खेक्‍या घीरी केरीक श्‍येम्‍मागी थोक्‍ने, लाब ताङगीनगो ङा दो़दीहो़क हीना देले ल्‍हाक ॱङो़न स्‍येगीनगो दो़दीहो़क। क्षो़छोक यारके ताङयेगी क्षीदु केरीक श्‍येम्‍मा स्‍येगीनगी दो़न सी़या ॱमेटोना, केरीक श्‍येम्‍माला स्‍येगीन ने, ॱङो़न स्‍येगीनगो खाक्‍क्षे लाक।

एफीसुपा 3:19

धेनी को़न्‍क्षोकगी छेसोक धाङ नी़थुगी, खेक्‍या घाङजाङ खाङयेगी क्षीला, खेक्‍याई ॱलोला जु ॱमीथुप्‍कीन मास्‍यीकागी झाम्‍पा ॱहाघोरयेगी ॱमो़लाम, ङा श्‍यी़लाहीन।

एफीसुपा 5:18

धेनी मीछे ठोप्‍ला ताङगीन, घुन्‍क्षाङगी शीरी माग्‍युक हीना धाम्‍पे थुक्‍ङीगी खारी,

एफीसुपा 6:18

धेनी धाम्‍पे थुक्‍ङीला तेन्‍ती धी़ ताक्‍दु ॱमो़लाम धाङ रेभो़ श्‍यी़। दो़न दे सेमला शीम्‍दी थाङ ॱमेक्षेदा शाप-शाप झ्‍येरी, धाम्‍पे मी घीरीगी क्षीदु ॱमो़लाम श्‍यी़।

१ पेटो 1:12

धेनी राङला मेन्‍दा खेक्‍याई श्‍याप्‍ची श्‍युगीनगो, ॱङो़नस्‍येखेनक्‍याला ॱङो़न्‍पालाक। धेनी धान्‍दा नाम्‍खे श्‍यीङखामने ॱङाक्‍ङा धाम्‍पे थुक्‍ङीगी वाङगी गोने क्षो़ सुङगीनक्‍याई, खेक्‍याला ताम्‍शाङ दे स्‍ये हो़तालाक। धेनी नाम्‍खे भाङछेनक्‍यागीयाः दो़न देक्‍या स्‍येङी दो़दालाक।

२ पेटो 1:21

घीझ्‍येरी ॱनाना मीगी दो़पाला तेन्‍ती, ॱङो़नस्‍ये च्‍यीया मायोवालाक हीना धाम्‍पे थुक्‍ङी थोक्‍ने, को़न्‍क्षोकगी थोक्‍ने मीगी सुङ दे स्‍येपालाक।