जेपा 2:38 - ॱलोवा

³⁸ धेनी पेटोगी ॱनेवालाक, “खेराङक्‍या घीरीगी राङगी धीक्‍पा पारी सेम ग्‍युरवा तोङ धेनी येशु मास्‍यीकागी छेनने ठी़सो़ श्‍यी़। धेनी खेराङक्‍याई धीक्‍पाने घोयाङ थोप्‍कीलाक धेनी को़न्‍क्षोकगी धाम्‍पे थुक्‍ङीगी ॱङेन्‍बा राक्‍कीलाक।

जेपा 2:38 Iomraidhean Croise

मेथा 28:19

होझ्‍येरी सोङ धेनी मीरीक घीरीला ङेने शो़, धेनी याप धाङ से धाङ धाम्‍पे थुक्‍ङीगी छेनने खुङक्‍याला ठी़सो़ तेर।

मेथा 3:2

“धीक्‍पा पारी सेम ग्‍युरवा तोङ घीझ्‍येरी ॱनाना नाम्‍खे ग्‍यासी ङ्ये ॱलेप्‍सादुक।”

मेथा 3:6

धेनी खुङक्‍या राङगी धीक्‍पाक्‍या खेलेन्‍दी, खोने योरदान चाङबुरु ठी़सो़ लेन्‍बालाक।

मेथा 4:17

“देने ॱहाला येशुगी, ‘नाम्‍खे ग्‍यासी ङ्ये ॱलेप्‍दुक होझ्‍येरी खेक्‍याई धीक्‍पा पारी सेम ग्‍युरवा तोङ।’ सुरी क्षो़ तो़न्‍ये गो चुक्‍पालाक।”

मारकु 1:15

खोङबागी सुवालाक, “धा धी़चो़ ॱलेप्‍सालाक धेनी को़न्‍क्षोकगी ग्‍यासी ङ्ये ॱलेप्‍दुक। सेम ग्‍युरवा तोङ धेनी ताम्‍शाङला धेपा झ्‍यी।”

मारकु 16:16

धेपा झ्‍येरी, ठी़सो़ लेन्‍गीन घीरीला थारपा थोप्‍कीलाक हीना धेपा मीझ्‍यीगीनक्‍याला छेपा फोक्‍कीलाक।

लुका 24:47

धेनी येरुसालेमने गो चुक्‍ती, मीरीक घीरीला खोङबागी छेनने धीक्‍पागी ग्‍यो़पा धाङ घोयाङगी कोरला क्षो़ स्‍येघो़गीलाक।

लुका 3:10

धेनी मीमाङगी योहान्‍नाला ढीवालाक, “देरे हीन्‍ना, हेक्‍याई घी झ्‍यीघो़गुले?”

जेपा 10:43

खोङबाला धेपा-झ्‍यीगीनक्‍याला खोङगी छेनने धीक्‍पाक्‍या धाक्‍कीलाक ॱनेरी, ॱङो़नस्‍येखेन घीरीगी खोङगी कोरला पाङपो तो़न हो़तालाक।”

जेपा 10:48

धेनी पेटोगी खुङक्‍याला, येशु मास्‍यीकागी छेनने ठी़सो़ लेन्‍येला का तेरपालाक। धेनी खुङक्‍याई पेटोला श्‍याक्‍मो तीते, खुङक्‍यामुला श्‍युक्‍रोजे ॱनेरी श्‍यी़वालाक।

जेपा 13:38

होझ्‍येरी पी़नक्‍याओ, येशुने धीक्‍पा दाक्‍कीलाक ॱनेरी खेक्‍याई स्‍येलास्‍योक।

जेपा 16:15

धेनी धेपा झ्‍येरी लीडीया धाङ मी़ नाङमीगी ठी़सो़ लेन्‍बालाक। होदे स्‍याम्‍ने मी़ हेक्‍याला मोरी नाङला, धेयेला श्‍योवा पुरी ॱनेवालाक, “खेराङक्‍याई ङाला ॱङोन्‍नेराङ चोवोला धेपा झ्‍येजा नुमु चीली हो़ना, हीकी नाङला होरी हेक्‍यामुला श्‍युक्‍रोनाङ।” देरे झ्‍येरी मी़ हेक्‍याला मोरी नाङला डोये शो़जुङ।

जेपा 17:30

एम्‍मा-एम्‍मा मीक्‍याई को़न्‍क्षोकला ङो ॱमेस्‍येगीन धी़चो़गो, को़न्‍क्षोकगी या माझ्‍येवालाक हीना धान्‍दा खोङबागी मी घीरीला राङ-राङगी धीक्‍पाला ग्‍यो़पा झ्‍येरी, खोङबा स्‍योकला लोक ॱनेरी का ॱनावालाक।

जेपा 20:21

धेनी याहुदापाक्‍या धाङ गीरीकक्‍याला को़न्‍क्षोक स्‍योकला राङ-राङगी धीक्‍पा पारी, सेम ग्‍युरती हुङये धाङ होरी चोवो येशु मास्‍यीकाला धेपा झ्‍यी ॱनेरी स्‍येवी।

जेपा 22:16

होझ्‍येरी धा ख्‍यो़ घीला घुक्‍ती धेता? लोङ धेनी ठी़सो़ लेन धेनी ख्‍यो़री धीक्‍पाक्‍या चाङमा शोयेला, चोवो येशुगी छेन भो़।’

जेपा 26:18

ङा ख्‍यो़ला खुङक्‍याई ॱमीक पेरी, खुङक्‍याला मी़नाक्‍पाने हो़क स्‍योकला ठीक्‍ती हुङये धाङ धी़कगी आङजाने को़न्‍क्षोक चारु ठीक्‍ती हुङयेला झाङाहीन। धेनी ङाला धेपा झ्‍येरी, खुङक्‍याला खोरी धीक्‍पागी घोङपा राक्‍कीलाक धेनी खुङक्‍यालाः को़न्‍क्षोकगी मीक्‍यामुला धेये राक्‍कीलाक।’

जेपा 26:20

होझ्‍येरी ङा गोमाला दामासेकोरु धेनी येरुसालेमदु धेनी याहुदा ग्‍याखाप घीरीदु धाङ याहुदापा मेन्‍गीन मीरीकक्‍याई ग्‍याखापक्‍याला सोरी, मीक्‍याला मीरी-मीरी धीक्‍पा पारी सेम ग्‍युरती, को़न्‍क्षोक स्‍योकला लोक्‍ये धाङ होदे च्‍योक्‍रे लेगा झ्‍यीयेगी का स्‍येवी।

जेपा 3:19

होझ्‍येरी धा खेराङक्‍या राङगी धीक्‍पा पारी सेम ग्‍युरवा तोङ धेनी को़न्‍क्षोक चारु लोक्‍ती स्‍योक। धेनी खोङबागी खेराङक्‍याई धीक्‍पा घीरी चाङमा जेगीलाक। देरे झ्‍येरी खेराङक्‍याला को़न्‍क्षोकने सेम नाङदु कीदा धाङ स्‍युक जोरकीलाक।

जेपा 5:31

ईस्‍राएलगी मीरीकक्‍याई राङगी धीक्‍पा पारी सेम ग्‍युरवा ताङये धाङ खुङक्‍याई धीक्‍पाक्‍याला घोयाङ ॱनाङयेगी क्षीला, को़न्‍क्षोकगी खोङला गोठी धाङ क्‍योप्‍खेन को़वा जेदी राङगी क्षाक ये स्‍योकला श्‍याक जेपालाक।

जेपा 8:12

हीना फीलीपगी को़न्‍क्षोकगी ग्‍याखाप धाङ येशु मास्‍यीकागी छेनगी कोरला स्‍येगीन, ताम्‍शाङगोला मीक्‍याई धेपा झ्‍येवालाक धेनी केवे-फो धाङ मो घीरीगी ठी़सो़ लेन्‍बालाक।

जेपा 8:20

हीना पेटोगी खोला ॱनेवालाक, “ख्‍यी़ को़न्‍क्षोकगी ॱनाङज्‍यीनगो आलेगी ङ्यो़री थोप्‍टु ॱनेरी साम्‍दी, ख्‍यो़ धाङ ख्‍यी़ आले मेताला डोवास्‍योक।

रोमापा 6:3

याङना होराङ मास्‍यीका येशुगी थोक्‍ने, ठी़सो़ लेन्‍गीन घीरीयाः, खोङगी छीवागी नाङ मुला थी़न्‍बालाक ॱनेरी खेक्‍याई ॱमेस्‍येलाले?

एफीसुपा 1:7

को़न्‍क्षोकगी ढाङमेगी थुक्‍जेला तेन्‍ती, मास्‍यीकागी कुठाकगी थोक्‍ने होराङला थारपा हो़तालाक धेनी होरी धीक्‍पाक्‍याई घोयाङ हो़तालाक।

तीतोस 3:5

होरी ले शाङपो झ्‍येरी मेन्‍दा, खोङबागी ॱङीङजेगी झ्‍येरी होराङला क्‍योप जेपालाक। धाम्‍पे थुक्‍ङीगी थोक्‍ने खोङबागी होरी धीक्‍पा ठी़सो़ जेदी, होराङला धाब्‍ले केरु च्‍युक्‍ती मीछे साबा ॱनावालाक।

१ पेटो 3:21

क्षु दे नी खेक्‍याला धान्‍दा क्‍योप्‍कीन, ठी़सो़गी ताक लाक। दे नी ली़गी ढीमाक ठुगीन च्‍योक्‍रे मालाक हीना साम्‍लो ॱनाम्‍पा दाक्‍पागी क्षीला, को़न्‍क्षोकगी डुङदु धाम्‍चा च्‍यीक लाक। येशु मास्‍यीका छीवाने कुसो़न्‍पो ग्‍युरकीनगी थोक्‍ने, ठी़सो़गी खेक्‍याला क्‍योप्‍कीलाक।