जेपा 2:27 - ॱलोवा

²⁷ घीझ्‍येरी ॱनाना खेराङगी ङी सेम धी़ठोदु बोरकीमालाक, खेराङगी धाम्‍पे मीगी फुङबु रु-रु च्‍युक्‍कीमालाक।

जेपा 2:27 Iomraidhean Croise

मेथा 11:23

“धेनी खे काफारनाहुमगी मीक्‍या राङ-राङला नाम्‍खे श्‍यीङखामदु ताक्‍टु ॱनेरी, सामी हो़ती? खेक्‍या ॱङ्यावागी तीङला पाप्‍कीलाक। घीझ्‍येरी ॱनाना खेक्‍याई खोक्‍दु झ्‍येजा ॱहाङसागीन क्षाक्‍लेक्‍या सादोमदु झ्‍युङहो़ना, धीरीङ थुक्‍पे होदे ग्‍याजागो ॱनेहो़टु।

मारकु 1:24

“नाजारेतगी येशु, खेराङमुला हीकी घी ढेवा हो़तालाक से? खेराङ हेक्‍या मेताला जेदु फेप्‍पा हीने? खेराङ को़न्‍क्षोकगी धाम्‍पागो लाक ॱनेरी, ङी ङो स्‍येलीहो़क।”

लुका 1:35

नाम्‍खे भाङछेनगी लेन ॱलोक्‍पालाक, “धाम्‍पे थुक्‍ङी ख्‍यी़ खाला भाप्‍कीलाक धेनी ॱलानामेपे को़न्‍क्षोकगी वाङगी, ख्‍यो़ला ढीम्‍जाकगी काप्‍कीन च्‍योक्‍रे काप्‍कीलाक। होझ्‍येरी से ठुङयेगो धाम्‍पा धाङ को़न्‍क्षोकगी से ॱनेरी भो़गीलाक।

लुका 16:23

धेनी ॱङ्यावादु ॱलेप्‍ती ॱमीच्‍यीकी दुक्‍पु राक्‍ई घाङला, खी़ तो़ला तेवालाक धेनी थाक्‍रीङादु आब्‍राहाममुला लाजारला थोवालाक।

लुका 24:44

धेनी खोङबागी खुङक्‍याला सुवालाक, “खेक्‍यामुला हो़ती घाङला, ङी ॱनेना लाबक्‍या देराङ लाक। मोशेगी ढीक्‍टा क्षो़ठीम धाङ ॱङो़नस्‍येखेनक्‍याई धेप धाङ सुङगुरला, ङी कोरला ढीक्‍टा लाब घीरी डुप घो़गीलाक।”

लुका 4:34

“के नाजारेतगी येशु, हीकीमुला खेराङगी घी ढेवा? हेला मेताला ताङयेला खेराङ फेप्‍पाले? खेराङ को़न्‍क्षोकगी धाम्‍पे मीगो लाक ॱनेरी, ङाला स्‍येयेहो़क।”

योहान्‍ना 11:39

येशुगी सुवालाक, “धोगोङ दी ॱहाला झ्‍यी।” स्‍यीम्‍पोगी ईजी मारथागी खोङबाला श्‍यी़वालाक, “चोवो, खो ढोरी श्‍याक्‍मो श्‍यी डी़। धा दे धी़ थुक्‍पेला ढीमा खीसा हो़टु।”

जेपा 2:26

होझ्‍येरी ङा सेम नाङनेराङ ङ्यामो घा हो़क, धेनी ङी खाने थो़न्‍दा, छीकक्‍याई खोङबाला तो़टा पुलीहो़क। धेनी ङी ली़गी खोङबाला रेवा झ्‍येरी धेदीहो़क।

जेपा 2:28

खेराङगी ङाला मीछे पी़येला लाम्‍तो़न ॱनाङसोङ। खेराङगी डुङदु ङा घाटोगी खाङगीलाक।’

जेपा 2:31

झ्‍युङये हीन्‍गीन लाबगो एन्‍दुरु थोथा झ्‍येरी, दावीदगी येशु मास्‍यीका छीवाने ॱलार सो़न्‍गीनगी कोरला स्‍येपालाक। धेनी मास्‍यीका नी छीवागी खोकला माभोरपालाक धेनी खोङगी फुङबु रु-रु ॱमाच्‍युक्‍पालाक, सुरी दावीदगी सुवालाक।

जेपा 3:14

खेक्‍याई धाम्‍पा धाङ ढाङपोगोला ग्‍याप ॱलोक्‍ती, खोङबागी छापला मी सेगीन च्‍यीकला ॱलो़ तोङ ॱनेरी श्‍युजुङ।

जेपा 4:27

“ॱङो़न दे ॱङोन्‍नेगी डुप्‍सुङ घीझ्‍येरी ॱनाना ग्‍यावु हेरोदे धाङ पोन्‍तीहु पीलातु धाङ याहुदापा मेन्‍गीन मीरीकक्‍या धाङ याहुदापा मीक्‍या घीरी, येरुसालेमदु खेराङगी दाम्‍दा धाम्‍पे श्‍याप्‍ची येशुला ङोग्‍येल झ्‍यीयेला जोम्‍जुङ।

१ कोरीन्‍थुपा 15:55

“ये छीवा, ख्‍यी़ ग्‍याखा घाना? ये छीवा, ख्‍यी़ दुङगो घाना?”

१ योहान्‍ना 2:20

हीना धाम्‍पा हीन्‍गीनगी थोक्‍ने, खेक्‍याला धाम्‍पे थुक्‍ङीगी वाङ थोप हो़तालाक धेनी खेक्‍या घीरीगी धेन्‍पागो ॱहाघोरालाक।

ॱङो़न्‍पा 1:18

ङा नी सो़न्‍पोगो हीन। एम्‍मा ङा स्‍यीवालाक धेनी धान्‍दा तो़दाङ, ङा धी़ तेनगी क्षीदु सो़न्‍पो हो़क। धेनी ङाला छीवा धाङ स्‍यीम्‍पोक्‍या, धेसागी धीमीकक्‍या हो़क।

ॱङो़न्‍पा 20:13

ग्‍याछोगी राङगी नाङला हो़गीन, स्‍यीम्‍पोक्‍या धाङ छीवा धाङ स्‍यीम्‍पोक्‍या धेसागी, राङगी नाङला हो़गीन स्‍यीम्‍पोक्‍या तेरपालाक धेनी होदे रे-रेला राङ-राङगी झ्‍येजा लेगाला तेन्‍ती ठीम्‍चो़ झ्‍युवालाक।

ॱङो़न्‍पा 3:7

“फीलादेल्‍फीयागी क्षो़छोकगी भाङछेनला देरे ढीक, “धाम्‍पा धाङ धेन्‍पा धेनी दावीदगी दीमीक हो़गीन, खोङबागी दे काक्‍या सुङी। खोङबागी पेगीन घोगो सी़या ग्‍याप ॱमीथुक्‍कीलाक धेनी खोङबागी ग्‍याप्‍कीन घोगो, सी़या पे ॱमीथुक्‍कीलाक।