जेपा 2:22 - ॱलोवा

²² “ईस्‍राएल्‍पा मीक्‍याओ, ङी लाब ङेन्‍रोनाङ, नाजारेतगी येशुने को़न्‍क्षोकगी खेराङक्‍याई घुङदु स्‍युक क्षेन्‍बो धाङ ॱहाङसागीन लेगाक्‍या झ्‍येरी, धेनी ताकक्‍या तो़न्‍गीनगो खेराङक्‍याला क्षा हो़तालाक। होदेक्‍याने को़न्‍क्षोकगी येशुला खेराङक्‍याई घुङदु झावाहीन ॱनागीन, पाङपोगो तो़न्‍दा जेपालाक।

जेपा 2:22 Iomraidhean Croise

मेथा 12:28

हीना ङी डेक्‍या तो़न्‍गीनगो को़न्‍क्षोकगी थुक्‍ङीने हीन्‍ना धेनी नाम्‍खे ग्‍यासी खीकी खोक्‍दु ॱलेप हो़तालाक।

मेथा 2:23

धेनी खो सोरी नाजारेत ॱनागीन युदु धेपालाक। धा एम्‍मा ॱङो़नस्‍येखेनक्‍याई थोक्‍ने, “खोङबाला नाजारेपा सुरी श्‍युगीलाक।” सुङगीन दे डुप्‍पालाक।

मेथा 9:8

धा मीछोकक्‍या दे थोरी जीक्‍पालाक धेनी मीला देरे आङजा ॱनाङगीन को़न्‍क्षोकला तो़पा पुवालाक।

लुका 11:20

हीना ङा को़न्‍क्षोकगी थोक्‍ने डे तो़न्‍दी हो़ना, को़न्‍क्षोकगी ग्‍यासी खेक्‍याचारु ॱलेप्‍सालाक।

लुका 18:37

मीक्‍याई खोला ॱनेवालाक, “नाजारेतगी येशु देने ॱहाला फेई।”

लुका 24:18

होदे ॱङीउने कीलेउपास ॱनागीनगी़ खोङबाला ॱनेवालाक, “येरुसालेमदु फेप्‍ती, होदुरु धीक्‍जाङ घी झ्‍युङगीनगी कोरला स्‍येये मेन्‍गीन, खेराङ च्‍यीगा ले?”

योहान्‍ना 1:45

फीलीपगी नाथानेलला थुक्‍ती ॱनेवालाक, “मोशेगी क्षो़ठीमगी नाङदु ढीक्‍टा धाङ ॱङो़नस्‍येखेनक्‍यागीया ढीक्‍टा के-भु, योसेफगी भु नाजारेतगी येशुला हीकी ज्‍याजुङ।”

योहान्‍ना 10:37

यापगी क्षाक्‍ले ङी माझ्‍ये हो़ना, ङाला यीच्‍चे माझ्‍यी।

योहान्‍ना 11:47

होझ्‍येरी क्षो़पो़न क्षेक्‍या धाङ फारुसीपाक्‍याई छोक्‍तेन भो़री ॱनेवालाक, “दी मी दे ताक माङा तो़न्‍दी। धा होराङ घी झ्‍यीये?

योहान्‍ना 12:17

येशुगी लाजारला धी़ठोने भो़री छीवाने सो़न्‍पो जेदी घाङला, खोङबामुला हो़गीन मीछोकगी खोङबागी कोरला पाङपो तेरजीङ झ्‍येवालाक।

योहान्‍ना 15:24

सी़या माझ्‍येगीन झ्‍यावागो ङी खुङक्‍याई घुङदु माझ्‍ये हो़ना, खुङक्‍याला धीक्‍पागी क्‍यो़न मेक। हीना धान्‍दा खुङक्‍याई ङी झ्‍येजा झ्‍यावा देक्‍या थोरीया, खुङक्‍याई ङा धाङ ङी यापला दाङा झ्‍येवालाक।

योहान्‍ना 19:19

पीलातुगी “नाजारेपा येशु, याहुदापे ग्‍यावु” ॱनेरी, ङेक्‍यो़नगी यीक ढीक्‍ती ग्‍याङस्‍यीङगी गोला ताक्‍पालाक।

योहान्‍ना 3:2

खो छेन च्‍यीक येशुचारु होरी खोङबाला श्‍यी़वालाक, “राब्‍बी, खेराङ को़न्‍क्षोकने फेप्‍पा ॱलोपो़न च्‍यीक लाक ॱनेरी, हेक्‍याला स्‍येयेहो़क घीझ्‍येरी ॱनाना को़न्‍क्षोक खेराङमुला मेना, खेराङगी जेजा दे ताकक्‍या श्‍येम्‍मा सी़या झ्‍यी ॱमीथुक्‍कीलाक।”

योहान्‍ना 4:48

येशुगी खोला सुवालाक, “खेक्‍या ताक धाङ याम्‍क्षेनगी क्षाक्‍लेक्‍या ॱमाथोङगीन थुक्‍पे धेपा मीझ्‍यीदालाक।”

योहान्‍ना 5:36

“हीना ङाला हो़गीन धेन्‍पाङगो योहान्‍नाला क्षे हो़क। घीझ्‍येरी ॱनाना यापगी डुप्‍तु च्‍युक्‍ये क्षाक्‍ले, ङाला ॱनाङगीनक्‍या ङा झ्‍यीदीहो़क धेनी देक्‍यागीराङ यापगी ङाला ॱङाक्‍पालाक ॱनेरी पाङपो झ्‍यीदालाक।

योहान्‍ना 6:14

मीक्‍याई खोङबागी जेजा ताकगो थोरी ॱनेवालाक, “जीक्‍तेनदु फेप्‍कुलाक ॱनागीन ॱङो़नस्‍येखेनगो, खोङबाराङ हीन्‍दाराक।”

योहान्‍ना 6:27

मेताला डोगीन शामागी क्षीला मेन्‍दा, हीना मी-भुगी ॱनाङगीन थामेपे छेसोक छोगीन शामागी क्षीला काल्‍ले ग्‍योप। घीझ्‍येरी ॱनाना खोङबागी खाला याप को़न्‍क्षोक राङगी ताक जे हो़तालाक।”

योहान्‍ना 7:31

घीहीन्‍ना मी माङक्षेगी खोङबाला धेपा झ्‍येरी ॱनेवालाक, “मास्‍यीका फेई घाङला, खोङगी दे मी देले ल्‍हाक ताकक्‍या मेजे हो़टु।”

योहान्‍ना 9:33

धा मी दे को़न्‍क्षोकने मेन्‍ना, खी़ घीया झ्‍यी थुक्‍येमेक।”

जेपा 13:16

दे ॱहाघोरती पाउलु लावालाक धेनी लाक्‍पागी जुक्‍ते झ्‍येरी लाब दे तावालाक, “ईस्‍राएल्‍पा पी़नक्‍या धाङ को़न्‍क्षोकला धेपा झ्‍यीगीन मी श्‍येम्‍माक्‍याओ, ङी लाबला ङेन्‍रोनाङ।

जेपा 14:27

आन्‍तीयोकदु लोक्‍ती होसारती, पाउलु धाङ बारनाबा धेपा-झ्‍यीगीन क्षो़छोकगी मी घीरीला केक तावालाक। को़न्‍क्षोकगी खुङक्‍या थोक्‍ने, लेगा घारे-घारे जेसुङ धेनी घारे झ्‍येरी याहुदापा मेन्‍गीन मीरीकगी मीक्‍याला, धेपा झ्‍यीयेगी लाम तो़न जेसुङ ॱनेरी खुङक्‍याई होदेक्‍याला ॱनेवालाक।

जेपा 2:19

ॱनामदु ङा ॱहाङसागीन लेगाक्‍या तो़न्‍येहीन, धेनी होकगी जाम्‍बुलीङदु ताकक्‍या तो़न्‍येहीन, होदुरु ठाक धाङ मे धाङ धीबागी ॱरीङबा थोङगीलाक।

जेपा 2:43

कुछापक्‍याई ॱहाङसागीन लेगाक्‍या झ्‍येरी, ॱमीच्‍यीकी माङा ताकक्‍या तो़न्‍दालाक। देरे झ्‍युङी घाङला मी घीरीगी खाला को़न्‍क्षोकगी जीक्‍नाङ केवालाक।

जेपा 21:28

फेरा ग्‍याप्‍पालाक, “ईस्‍राएल्‍पाक्‍याओ, हेक्‍याला रोवा झ्‍यीरोझ्‍यी! घारु-घारु सोरी होराङ ईस्‍राएल्‍पाक्‍या धाङ मोशेगी क्षो़ठीम धाङ क्षो़खाङ देगी कोरला ॱमेटा पाप्‍कीन मीगो देराङ लाक। धेनी देचो़ च्‍यीगा मेन्‍दा, याहुदापा मेन्‍गीन मीरीकगी मीक्‍याला दे क्षो़खाङ नाङदु ठीक्‍ती होरी दे धाम्‍पे साजाला खी़ ॱमेचाङा शो़जुङ।”

जेपा 22:8

धेनी ङी ढीवी, ‘चोवो, खेराङ सु हीनो?’ धेनी खोङबागी ङाला सुजुङ, ‘ख्‍यी़ दुक्‍पु ताङगीन नाजारेतगी येशु ङा हीन।’

जेपा 24:5

मी दे ॱमीच्‍यीकी ॱङ्योक्‍टा ॱलाङगीन धाङ जाम्‍बुलीङ घीरीदु हो़गीन, याहुदापाक्‍याई खोक्‍दु टुक्‍कीन लेगा झ्‍येरी, ग्‍युक्‍कीन हीकी ॱङेजुङ। धेनी खो नाजारी ॱनागीन क्षो़लुकगी गोठीगोवा दुक।

जेपा 26:26

धेनी ग्‍यावु आगारीपाला दे लाबक्‍या घीरी क्षा हो़तालाक धेनी ङा खोङबाला दे लाबक्‍या मीजीया ॱना थुक्‍यी हो़क। खोङबाला दे लाबक्‍या साबा मालाक घीझ्‍येरी ॱनाना दे घीरी शुरला माझ्‍युवालाक।

जेपा 26:9

“ङीया थेङमा च्‍यीक नाजारेतगी येशुगी छेनला, झ्‍यी थुक्‍तु ग्‍याप्‍केल झ्‍यीयेहीन ॱनेरी साम्‍लो तावी।

जेपा 3:12

होदे मीक्‍याला थोरी पेटोगी ॱनेवालाक, “खे ईस्‍राएल्‍पाक्‍याओ, खेराङक्‍या घीझ्‍येरी दे लाबला ॱहाङसारी हेला तेरी धेदाले? हेक्‍याई दे मी देला हेरी नी़थु धाङ क्षो़सेमगी घोबा चुक्‍कीन शो़वालाक ॱनेरी, खेक्‍या साम्‍यी हेती?

जेपा 3:6

पेटोगी खोला ॱनेवालाक, “ङाला सेर धाङ ॱङु नी मेक हीना ङाला घी हो़गीनगो, होदे ङा ख्‍यो़ला तेरयेहीन। नाजारेतगी येशु मास्‍यीकागी छेनने लारी घोबा चुक।”

जेपा 4:10

खेक्‍या धाङ ईस्‍राएलगी मीक्‍या घीरीगी ॱहाघोरास्‍योक, दे मी श्‍याक्‍योवा दे नाजारेतगी येशु मास्‍यीकागी छेनने चो़गा झ्‍युवालाक। खेराङक्‍याई खोङबाला ग्‍याङस्‍यीङ खाला क्‍याङबालाक हीना को़न्‍क्षोकगी खोङबाला छीवाने सो़न्‍पो श्‍याङा जेपालाक।

जेपा 5:35

धेनी खी़ होदुरु हो़गीनक्‍याला ॱनेवालाक, “ईस्‍राएल्‍पाक्‍याओ, खेराङक्‍याई खुङक्‍याला घी झ्‍यीना होदेला च्‍याङजे झ्‍यी।

जेपा 6:14

घीझ्‍येरी ॱनाना खी़ हो ॱनागीन हीकी घोरजुङ, ‘नाजारेतगी येशुगी दे क्षो़खाङ मेताला ताङगीलाक धेनी मोशेगी ॱनाङना लुक्‍सो़क्‍यालाः ज्‍येगीलाक।’”

२ कोरीन्‍थुपा 12:12

खेक्‍याई घुङदु कुछाप ॱङोन्‍नेगी ताकक्‍या, ङी शो़पा क्षे झ्‍येरी ताकक्‍या धाङ ॱहाङसागीनक्‍या धाङ नी़थुक्‍याई लेगाक्‍याई थोक्‍ने, तो़न्‍बालाक।

ईब्‍रीपा 2:4

धेनी को़न्‍क्षोकगीयाः ताकक्‍या धाङ ॱहाङसागीन क्षाक्‍लेक्‍या धाङ नी़थु ॱनाछोकगी क्षाक्‍लेक्‍या धाङ राङगी थुकोङला तेन्‍ती टामा जेजा, धाम्‍पे थुक्‍ङीगी ॱनाङज्‍यीनक्‍याई थोक्‍ने होदेगी धेन्‍पाङ जेपालाक।