जेपा 2:17 - ॱलोवा

¹⁷ को़न्‍क्षोकगी सुङालाक, ‘थामागी ङीमाक्‍याला, ङा मी घीरीगी खाला ङी थुक्‍ङी तेरयेहीन, धेनी खेक्‍याई भीजा-भोमोक्‍याई ॱङो़न स्‍येगीलाक, ख्‍योक्‍तोङक्‍याई थोङनाङ थोङगीलाक, धेनी घेबो-घेमोक्‍याई ॱमीक्‍लाम ॱमीक्‍कीलाक।

जेपा 2:17 Iomraidhean Croise

लुका 3:6

धेनी मी घीरीगी को़न्‍क्षोकगी थारपागो थोङगीलाक।’”

योहान्‍ना 17:2

घीझ्‍येरी ॱनाना खेराङगी सेला ॱनाङना घीरीला, खोङगी थामेपे छेसोक ॱनाङयेला, खेराङगी सेला मी घीरीगी खाला वाङ ॱनाङ हो़तालाक।

योहान्‍ना 7:39

हीना खोङला धेपा झ्‍यीगीनक्‍याला थोप्‍ये हीन्‍गीन, धाम्‍पे थुक्‍ङीगी कोरला येशुगी सुवालाक। घीहीनाः येशु शीजेला ॱमाफाक्‍पा झ्‍येरी, धाम्‍पे थुक्‍ङीगो धोराङा ॱमानाङ हो़तालाक।

जेपा 10:45

धेनी पेटोमुला योफाने होवा याहुदापा धेपा-झ्‍यीगीनक्‍या, याहुदापा मेन्‍गीन मीरीकगी मीक्‍यालाः को़न्‍क्षोकगी धाम्‍पे थुक्‍ङीगी ॱनाङज्‍यीन ॱनाङगीनगो थोरी ॱहालेवालाक।

जेपा 11:27

होदे घाङला येरुसालेमने आन्‍तीयोकदु, ॱङो़नस्‍येखेन रीङगा फेप्‍पालाक।

जेपा 11:28

आगाबु ॱनागीन ॱङो़नस्‍येखेन च्‍यीक छोक्‍पागी खोकला लारी, धाम्‍पे थुक्‍ङीने साजा घीरी ॱमीच्‍यीकी क्षे मुगेला स्‍योरकीलाक ॱनेरी ॱङो़न खेन्‍बालाक। (कालोदेहु ग्‍यावुगी धी़चो़ला ॱङो़नस्‍ये दे डुप्‍पालाक।)

जेपा 2:16

हीना दे लाब झ्‍युङगीलाक ॱनेरी, ॱङो़नस्‍येखेन योएलगी क्षो़ठीमगी धेपला देरे ढीक हो़तालाक,

जेपा 2:18

होदे ङीमाक्‍याला ङाला श्‍याप्‍तोक पुगीन, केवे-फो धाङ मोक्‍या खाला, ङी थुक्‍ङी तेरयेहीन, धेनी खुङक्‍याई ॱङो़न स्‍येगीलाक।

जेपा 2:33

याप को़न्‍क्षोकगी येशुला थोस्‍योक को़री, खोरी क्षाक ये स्‍योकला श्‍याक जे हो़तालाक धेनी खोरी धाम्‍चा च्‍योक्‍रे, खोङबाला धाम्‍पे थुक्‍ङी ॱनावालाक। होदे धाम्‍पे थुक्‍ङी चोवो येशुगी धान्‍दा, होराङक्‍या खाला ॱनाङ जेपालाक। होदे लाबगो खेराङक्‍याई धान्‍दा ॱहाघोरये धाङ थोङी हो़तालाक।

जेपा 21:9

खोला ॱनामाला ॱमासोसा भोमो श्‍यी हो़तालाक। खुङक्‍या ॱङो़नस्‍ये खेन्‍दालाक।

रोमापा 5:5

धेनी रेवागी होराङला ॱलो फाम्‍दु ॱमीच्‍युक्‍वालाक घीझ्‍येरी ॱनाना होराङला ॱनाङना धाम्‍पे थुक्‍ङीगी गोने, को़न्‍क्षोकगी झाम्‍पा होरी सेम नाङला ॱलुक हो़तालाक।

१ कोरीन्‍थुपा 12:10

धेनी श्‍येम्‍माक्‍याला ॱहाङसागीन लेगाक्‍या झ्‍यीये धेनी रीङगाला ॱङो़न स्‍येये धेनी रीङगाला सेम्‍ङीक्‍या ॱयेवा चेये धाङ रीङगाला ढामेढा केकक्‍या ग्‍याप्‍ये धाङ रीङगाला, होदे केकक्‍याई दो़न टोयेगी नी़पाक्‍या ॱनाङ हो़तालाक।

१ कोरीन्‍थुपा 12:28

को़न्‍क्षोकगी क्षो़छोक नाङला धाङपो कुछापक्‍या, ॱङीवा ॱङो़नस्‍येखेनक्‍या, सुम्‍बा ॱलोपो़नक्‍या धेनी ॱहाङसागीन लेगा झ्‍यीगीनक्‍या धेनी नेपा सोगीन ॱनाङज्‍यीन थोप्‍थाक्‍या धेनी रोक्‍राम झ्‍यीगीनक्‍या धेनी गोठी झ्‍यीगीनक्‍या धेनी केरीक ढामेढा स्‍येगीनक्‍या को़ जे हो़तालाक।

ईब्‍रीपा 1:2

हीना दे थामे धी़क्‍याला, खोङबागी राङगी सेगी थोक्‍ने, होराङक्‍याला का ॱनाङ हो़तालाक। धेनी राङगी सेला ॱङोपो घीरीगी खाला ग्‍युज्‍यीन को़वालाक धेनी खोङगी थोक्‍नेराङ जीक्‍तेन खाम घीरी को़ जेपालाक।

याकोब 5:3

खीकी सेर धाङ ॱङुला ॱया साक्‍दुक धेनी ॱया देराङ खीकी क्‍यो़नगी पाङपो झ्‍युङगीलाक धेनी मेगी च्‍योक्‍रे, खीकी स्‍या शागीलाक। थामे ठीम्‍चो़गी ङीमाक्‍याई क्षीदु, खेक्‍या ग्‍युनोर साःले?

२ पेटो 3:3

गेक्षेस्‍योकगो खेक्‍याई दे ॱहाघोरा झ्‍यी, थामे ङीमाक्‍याला क्षाले ग्‍याप्‍कीनक्‍या, धेन्‍पागोला क्षाले ग्‍याप्‍ती राङगी दो़क्षाकगी स्‍याबाला डारी हुङगीलाक।