जेपा 2:11 - ॱलोवा

¹¹ याहुदापा धाङ याहुदापा क्षो़ला ग्‍युरग्‍युवा मीक्‍या ॱङीगारा धाङ केरेट धाङ आराब ग्‍याखापने, होवा मीक्‍या लाक। को़न्‍क्षोकगी जेजा ॱहाङसागीन क्षालेक्‍याई कोरला, खुङक्‍याई होरी केकला स्‍येगीनगो होराङक्‍याई घोरी।”

जेपा 2:11 Iomraidhean Croise

जेपा 2:10

फारुगीया धाङ पामफीलया धाङ एजेप ग्‍याखाप धाङ कुरेनेगी थामाक्‍याई, लीबीयागी ग्‍याखाप धाङ रोम ग्‍याजागी मीक्‍या,

जेपा 2:12

होझ्‍येरी ॱहाङसारी धाङ गो थोम्‍दी, खुङक्‍याई च्‍यीकगी च्‍यीकला, “दी दो़न्‍दाक दे घी ले?” ॱनेरी ढीवालाक।

जेपा 27:12

धेनी होदे डुखाङ तेन्‍पोला घुङगा धे थुक्‍ये मेगीन झ्‍युरी, माङक्षेगी होदेने फोनीक्‍स ग्‍याजाला डोना घागुलाक ॱनेरी साम्‍लो तावालाक। होदे ग्‍याजा दे ल्‍हो-नुप धाङ झाङ-नुप स्‍योकला, खा लोक्‍ला केरेटगी डुखाङ च्‍यीक लाक।

जेपा 27:13

ल्‍हो स्‍योकने ॱलुङबु ज्‍याम्‍बो ग्‍याई घाङला, डुपाक्‍याई धा खोराङक्‍या डो थुक्‍ये दुक साम्‍दी खुङक्‍याई तीङधोगो तो़न्‍दी, केरेटगी डामने सोवालाक।

जेपा 27:7

श्‍याक्‍मो घाजीङने हेक्‍या घाली-घाली डु तावालाक धेनी ॱमीच्‍यीकी काल्‍ले झ्‍येरी केनेदुरु ॱलेप्‍जुङ। धेनी होदुरु याङ ॱलुङबु ग्‍याप्‍ती, हेक्‍याला होदेने ॱहाला डोरु ॱमाच्‍युक्‍जुङ। होझ्‍येरी ॱलुङबुने थारयेला, हेक्‍या केरेट ॱलीङठेनगी डामने झ्‍युरी, सालमोनेगी थाकोरने कोरती सोवी।

१ कोरीन्‍थुपा 12:10

धेनी श्‍येम्‍माक्‍याला ॱहाङसागीन लेगाक्‍या झ्‍यीये धेनी रीङगाला ॱङो़न स्‍येये धेनी रीङगाला सेम्‍ङीक्‍या ॱयेवा चेये धाङ रीङगाला ढामेढा केकक्‍या ग्‍याप्‍ये धाङ रीङगाला, होदे केकक्‍याई दो़न टोयेगी नी़पाक्‍या ॱनाङ हो़तालाक।

१ कोरीन्‍थुपा 12:28

को़न्‍क्षोकगी क्षो़छोक नाङला धाङपो कुछापक्‍या, ॱङीवा ॱङो़नस्‍येखेनक्‍या, सुम्‍बा ॱलोपो़नक्‍या धेनी ॱहाङसागीन लेगा झ्‍यीगीनक्‍या धेनी नेपा सोगीन ॱनाङज्‍यीन थोप्‍थाक्‍या धेनी रोक्‍राम झ्‍यीगीनक्‍या धेनी गोठी झ्‍यीगीनक्‍या धेनी केरीक ढामेढा स्‍येगीनक्‍या को़ जे हो़तालाक।

गालातीयापा 1:17

धेनी ङी एन्‍ला हो़गीन कुछापक्‍या चारु, येरुसालेमदु ङा ॱमासो हीना ङा लाम्‍साङ आराब युला सोवी धेनी स्‍याम्‍ला दामासेको ग्‍याजारु लोक्‍ती होवी।

गालातीयापा 4:25

हागारगी आराब युगी सीना रीला तो़न्‍दालाक धेनी धान्‍दागी येरुसालेमला क्षा श्‍याक्‍ना ढीक्‍कीलाक घीझ्‍येरी ॱनाना मो मोरी टुवाक्‍यामुला क्षो़ठीमगी ढेन्‍योकला दुक।

तीतोस 1:12

खुङक्‍याई ॱङो़न स्‍येगीन च्‍यीक्‍कीयाः लेमो च्‍यीक देरे ॱने हो़तालाक, “केरेटगी मीक्‍या नाम्‍हीना शोक स्‍येदालाक। खुङक्‍या सेम्‍चेन दुकच्‍या च्‍योक्‍रे धाङ लेमेलाम्‍गीन फोक्‍चाङा हुङालाक।”

तीतोस 1:5

लेगा लेरी धेतागो डुप्‍तु च्‍युक्‍ये धाङ ग्‍याजा घीरीदु, ङी ॱनेना च्‍योक्‍रे गोठीक्‍या दाम्‍येला, ङी ख्‍यो़ला केरेटदु भोरपे।

ईब्‍रीपा 2:4

धेनी को़न्‍क्षोकगीयाः ताकक्‍या धाङ ॱहाङसागीन क्षाक्‍लेक्‍या धाङ नी़थु ॱनाछोकगी क्षाक्‍लेक्‍या धाङ राङगी थुकोङला तेन्‍ती टामा जेजा, धाम्‍पे थुक्‍ङीगी ॱनाङज्‍यीनक्‍याई थोक्‍ने होदेगी धेन्‍पाङ जेपालाक।