जेपा 2:10 - ॱलोवा

¹⁰ फारुगीया धाङ पामफीलया धाङ एजेप ग्‍याखाप धाङ कुरेनेगी थामाक्‍याई, लीबीयागी ग्‍याखाप धाङ रोम ग्‍याजागी मीक्‍या,

जेपा 2:10 Iomraidhean Croise

मेथा 2:15

धेनी ग्‍यावु हेरोदे माढोङगीन थुक्‍पे, खुङक्‍या होदुरुराङ धेपालाक। चोवोगी राङगी ॱङो़नस्‍येखेनगी थोक्‍ने “एजेप युने ङी से भो़वाहीन” सुङगीन दे डुप्‍पालाक।

मेथा 23:15

“खे शोक्‍पो क्षो़ठीमगी ॱलोपो़न धाङ फारुसीपाक्‍याला दुक्‍ङा क्षे हुङास्‍योक। घीझ्‍येरी ॱनाना खेक्‍या मी च्‍यीकला याहुदापा क्षो़ला ग्‍युरतु च्‍युक्‍येला, ग्‍याछो धाङ काम्‍साक्‍याला कोरा ग्‍यालाक। धेनी मी दे याहुदापा क्षो़ला ग्‍युरसाना, खेक्‍या खोला राङने दाप ॱङीने ल्‍हाक ॱङ्यावागी भु शोवालाक।

मेथा 27:32

धेनी खुङक्‍या होदेने थो़न्‍दी घाङला, सीमोन ॱनागीन कुरेनेपागी मी च्‍यीक ठेपालाक। धेनी ॱमाक्‍मीक्‍याई खोला खोङबागी ग्‍याङस्‍यीङगो उजुक झ्‍येरी, खुरतु च्‍युक्‍पालाक।

मारकु 15:21

धेनी फीला डी़ घाङला, आलेक्‍जेन्‍डार धाङ रुफुस ॱनागीन पी़न ॱङीगी आकी, सीमोन ॱनागीन कुरेनेपा खोरी युने हुङगीनगो ॱमाक्‍मीक्‍याला थुक्‍पालाक। धेनी खोला येशुगी ग्‍याङस्‍यीङगो उजुक ग्‍याप्‍ती खेरतु च्‍युक्‍पालाक।

जेपा 11:20

घीहीन्‍ना साईपुरुस धाङ कुरेनेने आन्‍तीयोकदु ॱलेप्‍ला धेपा-झ्‍यीगीन रीङगाक्‍याई, चोवो येशु कोरला याहुदापा मेन्‍गीनक्‍याला का स्‍येपालाक।

जेपा 13:1

आन्‍तीयोक ग्‍याजागी क्षो़छोकला, ॱङो़नस्‍येखेनक्‍या धाङ ॱलोपो़नक्‍या माङा हो़तालाक। खुङक्‍या बारनाबा धाङ नीगार सीमेयोन धाङ कुरेनेगी लुकीहु धाङ ग्‍यावु हेरोदेमुला छारछा, मानाहेन धाङ साउल लाक।

जेपा 13:13

पाउलु धाङ खी़ रोवाक्‍या पाफोस ग्‍याजाने डुशीङ श्‍यो़न्‍दी, पामफीलया ग्‍यारापगी ग्‍याजा पेरगेरु ॱलेप्‍पालाक। होदेने मारकु ॱनागीन, योहान्‍नागी पाउलु धाङ बारनाबाला भोरती येरुसालेम स्‍योकला लोक्‍पालाक।

जेपा 13:43

छोक्‍दी़ जोक्‍ती याहुदापाक्‍या धाङ याहुदापा क्षो़ चीगीन श्‍येम्‍मा मीरीकगी मीक्‍या, पाउलु धाङ बारनाबागी स्‍याम्‍ला सोवालाक। पाउलु धाङ बारनाबागी होदेक्‍यामुला लाब तारी च्‍योई, को़न्‍क्षोकगी ॱङीङजे नाङ धो़क ॱनेरी च्‍याक ग्‍याप्‍पालाक।

जेपा 14:24

पीसीदीयाने झ्‍युरी खुङक्‍या पामफीलयाला लोक्‍ती होवालाक।

जेपा 15:38

हीना पाउलुगी खोला ठीक्‍ङी मादो़पालाक घीझ्‍येरी ॱनाना मारकुगी एम्‍मा लेगा माडुपा, खुङक्‍याला पामफीलया साजादु भोरती लोक्‍ती सोवालाक।

जेपा 16:6

धाम्‍पे थुक्‍ङीगी पाउलु धाङ सीलवानु धाङ तीमोथेउला एशीया स्‍योकला, ताम्‍शाङ स्‍येरु डोयेला काक जेदी, खुङक्‍या फारुगीया धाङ गालातीया स्‍योकने झ्‍युरी सोवालाक।

जेपा 17:21

एथेनेगी मीक्‍या घीरी धाङ होदुरु धेगीन क्षीग्‍यागी मीक्‍या लेगा घीन्‍दा मीझ्‍यीदा, लाब साबाक्‍या ङेन्‍ये धाङ ताङये च्‍यीगा झ्‍यीदालाक।

जेपा 18:2

होदुरु खी़ आकुला ॱनागीन, याहुदापा च्‍यीकला थुक्‍पालाक। आकुलागो पोनतुर साजाला केवालाक धेनी खोरी केमी पीरीस्‍कीलामुला, ईटालीने होरी माङा मेडोवालाक घीझ्‍येरी ॱनाना रोमापा ग्‍यावु कालोदेहुगी, याहुदापा घीरीला रोम ग्‍याखापने थो़न्‍दी डोयेला का ॱनावालाक। धेनी पाउलु खुङक्‍याला थुक्‍तु सोवालाक।

जेपा 18:23

ङीमा आरुङ माङा होदुरु धेसारती, खो गालातीया धाङ फारुगीया लुङबागी साजाक्‍या झ्‍युरी सोवालाक। धेनी होदे साजाक्‍याला हो़गीन धेपा-झ्‍यीगीनक्‍या, धेपाला स्‍युक्‍क्षेरु तारी सोवालाक।

जेपा 2:11

याहुदापा धाङ याहुदापा क्षो़ला ग्‍युरग्‍युवा मीक्‍या ॱङीगारा धाङ केरेट धाङ आराब ग्‍याखापने, होवा मीक्‍या लाक। को़न्‍क्षोकगी जेजा ॱहाङसागीन क्षालेक्‍याई कोरला, खुङक्‍याई होरी केकला स्‍येगीनगो होराङक्‍याई घोरी।”

जेपा 23:11

होदे घोमुराङ चोवो पाउलुगी डामला फेप्‍ती सुवालाक, “सेम स्‍युक्‍क्षे शो़। दुरु येरुसालेमदु ङी कोरला पाङपो तेरकीन च्‍योक्‍रे, रोमदुवा ख्‍यी़ तेर घोगीलाक।”

जेपा 27:5

धेनी कीलीकीया धाङ पामफीलया ग्‍यारापगी भोलोक्‍तु हो़गीन ग्‍याछो थारती, हेक्‍या लुकीयागी मुरा ग्‍याजाला ॱलेप्‍जुङ।

जेपा 28:15

हेक्‍या हुङगीनगो छोरती होदुरु धेपा-झ्‍यीगीन पी़नक्‍या आपेहुगी ठोम धाङ डो़न्‍खाङ सुम ॱनागीन थुक्‍पे, हेला थुक्‍तु होजुङ। खुङक्‍याला थोरी पाउलुगी को़न्‍क्षोकला थुक्‍जेक्षे श्‍युवालाक धेनी सेमस्‍युक फारपालाक।

जेपा 6:5

कुछापक्‍याई ढो़ दे घीरीला घा स्‍येवालाक। धेनी खुङक्‍याई धाम्‍पे थुक्‍ङी धाङ धेपागी खाङखा, सेतेफेन धाङ फीलीप धाङ पोरोखोरु धाङ नीकानोर धाङ तीमोन धाङ पारमेना धाङ आन्‍तीयोक ग्‍याजागी नीकोला दाम्‍बालाक। नीकोला नी, याहुदापा क्षो़ला ग्‍युरग्‍युवा मी च्‍यीक लाक।

जेपा 6:9

हीना कुरेने धाङ आलेक्‍जेन्‍डीया ग्‍याजा धाङ कीलीकीया धाङ एशीयाने होवा, याहुदापा मी रीङगा रुप्‍ती सेतेफेनमुला ॱङ्योक्‍टा स्‍येवालाक। होदे याहुदापाक्‍या “राङवे मी” ॱनागीन छोक्‍खाङगी मीक्‍या लाक।

रोमापा 1:15

होझ्‍येरी ङा रोमदु हो़गीन, खेक्‍यालाः ताम्‍शाङ स्‍येयेला दो़पा क्षे हो़क।

रोमापा 1:7

खे रोम ढोङखेरदु हो़गीन, को़न्‍क्षोकगी झाम्‍पा जेजाक्‍या धाङ को़न्‍क्षोकगी मी झ्‍युङयेला भो़पा घीरीला, होरी याप को़न्‍क्षोक धाङ चोवो येशु मास्‍यीकाने, खेक्‍याला थुक्‍जे धाङ श्‍यीदे थोप्‍पास्‍योक।

२ तीमोथेउ 1:17

हीना खो रोमला ॱलेप्‍ती, ङा ॱमाङेगीन थुक्‍पे ॱङीरी झ्‍येरी ङाला चावालाक।

ॱङो़न्‍पा 11:8

धेनी खुङक्‍याई चोवोला ग्‍याङस्‍यीङ खाला क्‍याङक्‍या, ग्‍याजा हीन्‍गीन ग्‍याजा क्षेगी ॱराङगाकला, खुङक्‍याई रोगो लेरी धेगीलाक। दे ग्‍याजा क्षेला सादोम याङना एजेप ॱनेरी, मीङ ताक हो़तालाक।