जेपा 19:9 - ॱलोवा

⁹ हीना मी रीङगागी सेम ॱरा झ्‍येरी, चोवोला धेपा माझ्‍येवालाक। धेनी मी घीरीगी दोङला खुङक्‍याई को़न्‍क्षोकगी लाम्‍गागी कोरला ॱमेटा पाप्‍पालाक। होझ्‍येरी पाउलु खुङक्‍याई छोक्‍खाङ भोरती, धेपा झ्‍यीगीन मीक्‍याला खोराङमुला ठीक्‍पालाक। धेनी ङीमा च्‍योई खो तुरेन्‍नोस ॱनागीन छोक्‍पारु, मीक्‍यामुला थुक्‍ती चो़लीङ झ्‍येवालाक।

जेपा 19:9 Iomraidhean Croise

मेथा 15:14

खुङक्‍याला या माझ्‍यी, खुङक्‍या श्‍यारागी गोठी श्‍याराक्‍या लाक। धेनी श्‍यारा च्‍यीकगी श्‍याराला ठीक्‍ना, ॱङीगारा दोङ-दोङ नाङला ल्‍हीम्‍गीलाक।”

मेथा 16:4

ङेन्‍पा धाङ लोक्‍येमगी मीरापक्‍या ताक चालालाक हीना योनागी ताक माना, श्‍येम्‍मा घीया ॱमेतेरकीलाक।” धेनी खोङबा खुङक्‍याला भोरती, होदेने फेप्‍पालाक।

मेथा 26:55

होदे धी़चो़ला येशुगी मीछोकक्‍याला सुवालाक, “झ्‍याक्‍पा च्‍यीकला शीम्‍दु डुगीन च्‍योक्‍रे, राल्‍डी धाङ ग्‍युक्‍पा खेरती खेक्‍या ङाला शीम्‍दु हुङाले? श्‍याक्‍मो-श्‍याक्‍मोला ङा को़न्‍क्षोकगी क्षो़खाङदु धेती ॱलाबालाक धेनी खेक्‍याई ङाला शीम्‍गी मीदुक।

योहान्‍ना 12:40

“को़न्‍क्षोकगी खुङक्‍याई ॱमीक श्‍यारा जेदी, धेनी खुङक्‍याई सेम ठा जेपालाक। देरे माजे हो़ना, खुङक्‍याई ॱमीकगी थोङये धाङ, खुङक्‍याई सेमगी ॱहाघोरयेहो़क। धेनी ङीचारु लोक्‍येहो़क। धेनी ङी खुङक्‍याला सो़ये हो़क।”

जेपा 11:26

धेनी खोला साउल ॱङेपालाक धेनी खोला आन्‍तीयोकदु ठीक्‍ती होवालाक। लो च्‍यीक घाङजाङ खुङक्‍या होदुरु हो़गीन, क्षो़छोकगी मीक्‍यामुला थुक्‍पालाक धेनी मी ॱमीच्‍यीकी माङाला क्षो़ ॱलाप्‍पालाक। ङेनेक्‍याला थेङ घोमा मास्‍यीकावा ॱनेरी, आन्‍तीयोकदु ॱनेवालाक।

जेपा 14:4

हीना ग्‍याजागी मीक्‍या छोक ॱङीला खा ढावालाक। मी रीङगा याहुदापाक्‍या स्‍योकला धेनी मी रीङगागो कुछापक्‍या स्‍योकला सोवालाक।

जेपा 17:4

धेनी होदेने याहुदापा मी रीङगा धाङ को़न्‍क्षोकला जीक्‍टा झ्‍यीगीन, गीरीक मी माङक्षे धाङ चो केमी माङक्षेगीयाः पाउलुगी लाबला धेपा झ्‍येवालाक। धेनी खुङक्‍या पाउलु धाङ सीलवानुमुला सोवालाक।

जेपा 19:23

होदे धी़चो़ला चोवोगी लामगी कोरला, एफीसुरु ॱमीच्‍यीकी ठुक स्‍योरपालाक।

जेपा 19:30

पाउलु छाङगागी दोङला डोङी दो़पालाक हीना धेपा-झ्‍यीगीन पी़नक्‍याई खोला काक्‍पालाक।

जेपा 20:31

होझ्‍येरी चाङजे झ्‍येरी धो़क धेनी ङी लो सुम थुक्‍पे ङीन-छेन ॱमीक्‍क्षु तारी, चोवोगी ङेने रे-रेला ॱलाप्‍ला ॱलापच्‍याक्‍या माज्‍येदा धो़क।

जेपा 22:4

चोवोगी लामला डुगीन मीक्‍याला स्‍यीये थुक्‍पे ङी दुक्‍पु तावी। केवे ख्‍योवा धाङ केमीक्‍याला शीम्‍दी, ङी चो़न्‍खाङला दाक्‍तु च्‍युक्‍पी।

जेपा 24:21

‘मी स्‍यीस्‍या याङ सो़न्‍पो लाङगीलाक ॱनागीन लाबला, ङी धेपा झ्‍येरी धीरीङ ङा खेराङक्‍या दोङदु ठीम पुयेला लाङाहीन।’ दे लाब दे ङी थेङमा च्‍यीक फेरा ग्‍याप्‍ती ॱनेवी। होदेला च्‍यीगा खुङक्‍याई ङी नोन्‍डु तो़न थुक्‍कीलाक।”

जेपा 28:22

हीना हेक्‍या ख्‍यी़ तावा घारे हीन्‍गीनगो घोरङी दो़दीक घीझ्‍येरी ॱनाना घारु हीन्‍ना क्षो़लुक देला ङोलोक झ्‍यीगीनगो हेला स्‍येयेहो़क।”

जेपा 7:51

“खेक्‍याई सेम पाउ ॱमाचेचाक्‍याई, सेम च्‍योक्‍रे ॱरा दुक। धेनी खेक्‍या को़न्‍क्षोकगी का ङेन्‍ङी मेदो़दालाक। खेक्‍याई धाङबी फामाक्‍या च्‍योक्‍रे, धाम्‍पे थुक्‍ङीगी तो़न्‍दा लाबक्‍याला खेलेन मीझ्‍यीदालाक।

रोमापा 11:7

धा ॱहाना घी? ईस्‍राएल्‍पाक्‍याई घी चागीनगो ॱमाङेबालाक। हीना खुङक्‍याने दाम्‍दाक्‍याला होदे ॱङेपालाक धेनी श्‍येम्‍माक्‍याई सेम ग्‍योङा जेपालाक।

रोमापा 9:18

होझ्‍येरी को़न्‍क्षोकगी सुला ॱङीङजे जेङी दो़दी, होदेला ॱङीङजे ॱनाङालाक धेनी सुला सेम ग्‍योङा जेङी दो़दी होदेला ग्‍योङा जेदालाक।

१ कोरीन्‍थुपा 16:9

घीझ्‍येरी ॱनाना फेन्‍क्षे लेगागी क्षीदु ङाला घुकाप क्षे च्‍यीक जोरहो़क धेनी देला ङोग्‍येल झ्‍यीगीनक्‍या माङा दुक।

१ तीमोथेउ 6:5

धेनी क्षो़सेम नी नोर थोप्‍येगी थापस्‍यी लाक, साम्‍गीन ॱलेपा रुरा धाङ धेन्‍पाने डागीन मीक्‍याई खोक्‍दु ॱमेछेदा ठुक ॱलाङालाक।

२ तीमोथेउ 1:15

एशीयारु हो़गीन घीरी धाङ होदे खोक्‍ने फुगेलोस धाङ हेरमोगेने ॱङीउगी, ङाला पाङगीनगो ख्‍यो़ला स्‍येये हो़तालाक।

२ तीमोथेउ 3:5

धेनी क्षो़सेम झ्‍यी दोक-दोक झ्‍यीगीन हीना होदेगी वाङला खेमेलेन्‍गीन हुङगीलाक। देरे मीक्‍याने जेम।

२ तीमोथेउ 4:2

को़न्‍क्षोकगी का स्‍यो़क, धी़ हीन्‍गीन धाङ मेन्‍गीन ॱङीगाराला डाढीक धो़क। धेनी शो़पा क्षे थोक्‍ने ॱलोप्‍चुङगी थोक्‍ने मीक्‍याला ॱलापच्‍या ग्‍योप, क्‍यो़न तो़न धेनी सेमस्‍युक पोर।

ईब्‍रीपा 3:13

खेक्‍याने सी़याः सेम धीक्‍पे ॱली़टेगी ग्‍योङा मेयोङयेगी क्षीला, धीरीङगी ङीमा ॱनेरी हो़गीन थुक्‍पे, च्‍यीकगी च्‍यीकला ॱलोप्‍सो ग्‍योप।

२ पेटो 2:12

हीना दे मीक्‍याई राङगी ॱहामेघोगीन दो़नक्‍याला कुरवा धेप्‍पालाक। देक्‍या नी शीम्‍दी सेयेगी क्षीदु, च्‍यीगा केक्‍या रीक्‍पा मेगीन धाङ राङदो़गी च्‍यो़पा झ्‍यीगीन सेम्‍चेनक्‍या च्‍योक्‍रे लाक। धेनी सेम्‍चेनक्‍या च्‍योक्‍रे खुङक्‍याः मेताला डुगीलाक।

२ पेटो 2:2

मी माङागी खुङक्‍याई दो़क्षाकगी चो़लाम च्‍योक्‍रे झ्‍यीगीलाक धेनी खुङक्‍याई झ्‍येरी, धेन्‍पे लामला ॱमेटा फोक्‍कीलाक।

युदा 1:10

हीना दे मीक्‍या राङगी ॱमेस्‍येगीन लाबक्‍या, घीरीला कुरवा धेबालाक धेनी रीक्‍पा मेगीन धी़डोक्‍या च्‍योक्‍रे राङगी थेगीनगोराङ झ्‍येरी, खुङक्‍या मेताला डुगीलाक।