जेपा 19:34 - ॱलोवा

³⁴ हीना खो याहुदापा हीन्‍गीनगो होदे मीक्‍याई ॱहाघोरती, होदे मी घीरी छुची ॱङी थुक्‍पे, “एफीसुगी ल्‍हामो आरतीमी वाङ क्षेस्‍योक लाक!” ॱनेरी ॱमीच्‍यीकी फेरा ग्‍याप्‍पालाक।

जेपा 19:34 Iomraidhean Croise

मेथा 6:7

“याङ खेक्‍या सोवा धेबी घाङला, छीक माङागी झ्‍येरी धेपा मीझ्‍यीगीनक्‍या खोरी ॱमो़लामक्‍या सेन्‍गीलाक साम्‍गीन च्‍योक्‍रे, खेक्‍या दो़न मेगीन छीकक्‍या भो़चे ॱमाताङ।

जेपा 16:20

धेनी रोमापा पो़न्‍पोक्‍या दोङदु ॱलारी खुङक्‍याई ॱनेवालाक, “दे याहुदापाक्‍याई होरी ग्‍याजारु दुक्‍पु तेरी।

जेपा 19:24

ॱङु शोगीन देमेतीरीहु ॱनागीन मी च्‍यीक, आरतीमी ल्‍हामोगी ॱङुगी ल्‍हाखाङ च्‍युङजेक्‍या शो़वालाक। दे लेगा झ्‍येरी खो धाङ खी़ लेरोकक्‍याई ॱमीच्‍यीकी आले घा चालालाक।

जेपा 19:26

हीना दे पाउलुगी घी ॱनागीनगो, खेक्‍याई थोङालाक धेनी घोर हो़तालाक। मीगी शो़सा ल्‍हागो ल्‍हाराङ मालाक ॱनेरी ॱनी। खी़ दुरु एफीसु धाङ एशीयारु धेगीन मी माङक्षेला, खोरी लाब ॱलाप्‍ती गोवा कोरसादुक।

जेपा 19:28

दे ङेन्‍दी होदुरु हो़गीन मीक्‍या ॱमीच्‍यीकी खोङडो लारी केक ग्‍याप्‍पालाक, “एफीसुपागी आरतीमी ल्‍हामो वाङ क्षेस्‍योक लाक!”

जेपा 19:33

याहुदापाक्‍याई आलेक्‍जेन्‍डार ॱनागीन मीला दोङदु झावालाक। धेनी मीक्‍याई होदुरु झ्‍युजा लाब ॱनो़ ॱनेरी फेरा ग्‍याप्‍पालाक। धेनी खी़ लाक्‍पागी जुक्‍ते झ्‍येरी घीरीला तीङचोई शो़री, खुङक्‍याई छोकने लाब ताङये झ्‍येवालाक।

जेपा 19:35

धेनी स्‍याम्‍ला होदे ग्‍याजागी पो़न्‍पो च्‍यीकगी, मीमाङक्‍याला खाबा शो़री ॱनेवालाक, “एफीसुगी मीक्‍याओ, दे एफीसुगी ग्‍याजा दे आरतीमी ल्‍हामोगी ल्‍हाखाङ धाङ ॱनामने भाप्‍पा, खोङबागी कु देगी ग्‍याजा लाक ॱनेरी सुला क्षा मेतालाक से?

रोमापा 2:22

धेनी लोक्‍येम माझ्‍यी ॱनेरी ॱनागीन, ख्‍यो़राङगो लोक्‍येम झ्‍यीदाले? कुन्‍डाला दाङा झ्‍यीगीन, ख्‍यो़राङगो ल्‍हाखाङक्‍याने कुवाले?

ॱङो़न्‍पा 13:4

धेनी डुकगी राङगी आङजागो, होदे सेम्‍चेनला तेरता झ्‍येरी, मीक्‍या खोला क्षाक्‍क्षो़पा पुलालाक धेनी होदे सेम्‍चेनगोलाः देरे ॱनेरी क्षाक्‍क्षो़पा पुलालाक, “सेम्‍चेन दे च्‍योक्‍रे सु हेतो? धेनी देमुला टाप थुक्‍कीन सु हेतो?”