जेपा 19:29 - ॱलोवा

²⁹ धेनी लाम्‍साङ होदे ग्‍याजा नाङ घीरीदु ॱमीच्‍यीकी फेरा झ्‍युवालाक। मीक्‍या छाङगा ग्‍याप्‍ती होवालाक धेनी माकेडोनीयाने होवा पाउलुगी रोवा गायु धाङ आरीस्‍तारकुला, शीम्‍दी ग्‍याजागी तेमोखाङदु ठीक्‍पालाक।

जेपा 19:29 Iomraidhean Croise

जेपा 13:5

सालामी ग्‍याजारु ॱलेप्‍ती, याहुदापाक्‍याई छोक्‍खाङक्‍या नाङदु जुरी, खुङक्‍याई को़न्‍क्षोकगी का स्‍येपालाक। होदे लेगाला रोवा झ्‍यीयेला, खुङक्‍याई मारकु ॱनागीन योहान्‍नालाः मुला ठीक हो़तालाक।

जेपा 16:12

होदेने माकेडोनीया स्‍योकगी चो ग्‍याजा फीलीप्‍पी स्‍योकला, हेक्‍या घोबा चुक्‍ती सोवी। होदे ग्‍याजागो रोमापाक्‍याई आङजाला हो़तालाक। होदुरु हेक्‍या ङीमा घाजीङ धेवी।

जेपा 16:9

होदे घोमुराङ पाउलुगी थोङनाङला माकेडोनीया स्‍योकगी, मी च्‍यीक लारी देरे श्‍योवा पुगीनगो थोवालाक, “खेराङ माकेडोनीयाला फेप्‍रोनाङ धेनी हेक्‍याला रोवा जेरोनाङ।”

जेपा 17:8

दे ॱहाघोरती ग्‍याजागी मीक्‍या धाङ पो़न्‍पोक्‍या ठुक्‍पालाक।

जेपा 19:21

होदे स्‍याम्‍ने पाउलुगी माकेडोनीया धाङ आकाईया ग्‍याजाने झ्‍युरी, येरुसालेमला डोये ढो़ झ्‍येवालाक। खी़ ॱनेवालाक, “येरुसालेमला सोरी ङा रोम ग्‍याजारुवा डोघोगुलाक।”

जेपा 19:22

धेनी खी़ खोरी लेरोक तीमोथेउ धाङ एरास्‍तुला, माकेडोनीया स्‍योकला झावालाक हीना खोराङगो एशीयारु राङ धेपालाक।

जेपा 19:32

होदुरु मीमाङक्‍याने रीङगा लाब च्‍यीक, रीङगा लाब श्‍येम्‍मा तारी फेरा ग्‍याप्‍ती, मी घीरी गो थोम्‍दी धे हो़तालाक। होदुरु हो़गीन मी माङक्षेला घीझ्‍येरी जोमाले ॱनेरीयाः क्षा मेतालाक।

जेपा 20:34

ङी ङारी राङगी लाक्‍पागी काल्‍ले ग्‍याप्‍ती, ङा धाङ ङारी रोवाक्‍याला घो़गीन घीरी चागीन लाब दे खेराङक्‍यालाः क्षा हो़तालाक।

जेपा 20:4

होदे ढु ग्‍याप्‍येला खोमुला श्‍येम्‍मा मीक्‍याः हो़तालाक। होदेक्‍या बेरोया ग्‍याजागी पुररुसगी भीजा, सोपातेर धाङ थेसलोनीके ग्‍याजागी आरीस्‍तारकु धाङ सेकुनदु धाङ धेरबे ग्‍याजागी गायु धेनी तीमोथेउ धाङ एशीया स्‍योकने होवा, तुखीकोस धाङ तोरोफीमोस लाक।

जेपा 21:30

दे लाबगी ग्‍याजा नाङ घीरी ठुक्‍पालाक धेनी मीक्‍या छोक घीरीने भाङ तारी होवालाक। धेनी खुङक्‍याई पाउलुला शीम्‍दी, क्षो़खाङने ढी़दी फीला तो़न्‍बालाक धेनी क्षो़खाङगी घो ग्‍याप्‍पालाक।

जेपा 21:38

श्‍याक्‍मो तीते एन्‍ला दे ग्‍याजाला ठुक्‍तु च्‍युक्‍ती, होदे मी ङेन्‍पा तोङ श्‍यीला रीतोङदु ठीक्‍ती डोगीन एजेप्‍पागो ख्‍यो़ माले?”

जेपा 27:2

हेक्‍या एडामीतीम ग्‍याजाने डुला श्‍यो़न्‍दी, एशीयागी डामगी डु भापछुकदु सोवी। माकेडोनीयागी थेसालोनीके ग्‍याजाने होवा, आरीस्‍तारकु हीकीमुला हो़तालाक।

रोमापा 16:23

धेनी ङा धाङ क्षो़छोक घीरीला ॱनेचाङ ॱयारकीन गायुगी, खेक्‍याला छाम्‍डी श्‍यी़क। धेनी ग्‍याजागी ॱङेरपा ईरासीतु धाङ नो कोआरतोसगी, खेक्‍याला छाम्‍डी श्‍यी़क।

१ कोरीन्‍थुपा 1:14

ङा को़न्‍क्षोकला काटीन्‍क्षे श्‍युवाहीन घीझ्‍येरी ॱनाना ङी खेक्‍याने कीरीस्‍पु धाङ गायु माना सुलाः ठी़सो़ ॱमातेर।

१ कोरीन्‍थुपा 4:9

घीझ्‍येरी ॱनाना हे कुछापक्‍या नी, सेयेगी ठीम्‍चो़ फोक्‍पाक्‍या च्‍योक्‍रे धाङ घीरीने श्‍युक्‍योकला को़न्‍क्षोकगी श्‍या जेजा च्‍योक्‍रे दुक ॱनेरी, ङी साम्‍लो हो़क। घीझ्‍येरी ॱनाना हेक्‍या नी, जीक्‍तेन धाङ नाम्‍खे भाङछेनक्‍या धाङ मीक्‍याई क्षीदु तेमो च्‍योक्‍रे झ्‍युदुक।

२ कोरीन्‍थुपा 8:19

होदे च्‍यीगा मेन्‍दा, चोवोगी शीजे ॱङो़न्‍ये धाङ हीकी रोक्‍राम झ्‍यीयेगी दो़पागो तो़न्‍येगी क्षीदु, हेक्‍याई झ्‍येरी धेता थुक्‍जेगी लेगा देला, हीकीमुलाराङ डु ग्‍याप्‍येला क्षो़छोकने खोला दाम्‍बालाक।

कोलोसेपा 4:10

चो़न्‍खाङ नाङदु ङी रोवा आरीस्‍तारकु धाङ बारनाबागी छाउ मारकुगीयाः, खेक्‍याला छाम्‍डी श्‍यी़क। (मारकुगी कोरला ङी खेक्‍याला एन्‍दुरु स्‍येसाहो़क। धेनी खो खीकीचारु हुङना खोला नाङला सी़।)

फीलेमोन 1:24

धेनी ङी लेरोक हीन्‍गीन, मारकु धाङ आरीस्‍तारकु धाङ देमा धाङ लुकागीयाः ख्‍यो़ला छाम्‍डी श्‍यी़क।

३ योहान्‍ना 1:1

ङी ॱङोन्‍नेगी चेवा झ्‍येजा, ङी चेवे रोवा गायुला, ङा गेम्‍पाने यीक दे ढीयाहीन।