जेपा 19:27 - ॱलोवा

²⁷ देरे झ्‍येरी होरी लेगा च्‍यीगा मालाक हीना घीरीगी चीगीन ल्‍हामो आरतीमीगी ल्‍हाखाङगीयाः, ॱमेटा झ्‍युङयेगी ङेन्‍का हो़तालाक। धेनी एशीया धाङ जाम्‍बुलीङ घीरीदु चीरी होवा, आरतीमी ॱनागीन ल्‍हामोगी क्षाक्‍क्षो़ सी़या झ्‍यीगीमालाक।”

जेपा 19:27 Iomraidhean Croise

मेथा 23:13

“खे शोक्‍पो क्षो़ठीमगी ॱलोपो़न धाङ फारुसीपाक्‍याला, दुक्‍ङेल क्षे हुङास्‍योक। घीझ्‍येरी ॱनाना खेक्‍या नाम्‍खे ग्‍यासीगी घोगो मीक्‍याई दोङला ग्‍याप्‍ती, खेराङक्‍या मीजुलालाक धेनी डोये दो़गीनक्‍याला काः लाक।

मेथा 24:14

धेनी ग्‍यासीगी ताम्‍शाङ दे जीक्‍तेन क्‍युनदु मीरीक घीरीगी क्षीला, पाङपो झ्‍येरी ख्‍याप्‍कीलाक धेनी थागो हुङगीलाक।

जेपा 19:10

देरे झ्‍येरी लो ॱङी जोक्‍पालाक धेनी एशीयादु हो़गीन, याहुदापा धाङ याहुदापा मेन्‍गीन मीरीकगी मीक्‍यागीयाः चोवोगी का ङेन्‍बालाक।

जेपा 19:21

होदे स्‍याम्‍ने पाउलुगी माकेडोनीया धाङ आकाईया ग्‍याजाने झ्‍युरी, येरुसालेमला डोये ढो़ झ्‍येवालाक। खी़ ॱनेवालाक, “येरुसालेमला सोरी ङा रोम ग्‍याजारुवा डोघोगुलाक।”

१ तीमोथेउ 6:5

धेनी क्षो़सेम नी नोर थोप्‍येगी थापस्‍यी लाक, साम्‍गीन ॱलेपा रुरा धाङ धेन्‍पाने डागीन मीक्‍याई खोक्‍दु ॱमेछेदा ठुक ॱलाङालाक।

१ योहान्‍ना 5:19

होराङ को़न्‍क्षोकने लाक धेनी जीक्‍तेन घीरी धी़गी वाङ होकला हो़तालाक ॱनेरी, होराङ स्‍येलालाक।

ॱङो़न्‍पा 13:3

होदे सेम्‍चेनगी गोवाक्‍याने च्‍यीकला, ॱमा छाप्‍क्षे च्‍योक्‍रे च्‍यीक थोङी हीना ॱमागो सो़री लाजुङ। धेनी जीक्‍तेन हो़ले ॱहालेरी, होदे सेम्‍चेनगी स्‍याबाला डावालाक।

ॱङो़न्‍पा 13:8

धेनी सेदी श्‍याकश्‍या लुक्‍टुगी छेसोकगी धेप नाङला, जीक्‍तेन ॱमाको़ एन्‍लाराङ, मीङ माढीक्‍टा साश्‍यीदु धेगीन मी घीरीगी, होदे सेम्‍चेनला क्षाक्‍क्षो़पा पुगीलाक।

ॱङो़न्‍पा 14:9

धेनी नाम्‍खे भाङछेन सुम्‍बागो, होदेक्‍याई स्‍याम्‍ला डारी सुङकेक क्षेला देरे सुजुङ, “होदे सेम्‍चेन धाङ होदेगी कुला क्षाक्‍क्षो़पा पुये धाङ होदेगी ताकगो, राङगी टाल्‍ले याङना लाक्‍पाला ग्‍याप हो़ना,