जेपा 19:21 - ॱलोवा

²¹ होदे स्‍याम्‍ने पाउलुगी माकेडोनीया धाङ आकाईया ग्‍याजाने झ्‍युरी, येरुसालेमला डोये ढो़ झ्‍येवालाक। खी़ ॱनेवालाक, “येरुसालेमला सोरी ङा रोम ग्‍याजारुवा डोघोगुलाक।”

जेपा 19:21 Iomraidhean Croise

जेपा 16:12

होदेने माकेडोनीया स्‍योकगी चो ग्‍याजा फीलीप्‍पी स्‍योकला, हेक्‍या घोबा चुक्‍ती सोवी। होदे ग्‍याजागो रोमापाक्‍याई आङजाला हो़तालाक। होदुरु हेक्‍या ङीमा घाजीङ धेवी।

जेपा 18:12

हीना गाल्‍यो़न ॱनागीन मी आकाईया साजागी पो़न्‍पो झ्‍युङी घाङला, याहुदापा रीङगा क्षाम्‍दी पाउलुला शीम्‍बालाक धेनी खोला पो़न्‍पोचारु ठीक्‍ती

जेपा 18:21

धेनी पाउलुगी डी़ घाङला देरे ॱनेवालाक, “को़न्‍क्षोकगी थुकोङ हो़ना ङा याङ खेक्‍याचारु लोक्‍ती हुङयेहीन।” धेनी खो एफीसुने ग्‍याछोगी लाम्‍गाने सोवालाक।

जेपा 19:22

धेनी खी़ खोरी लेरोक तीमोथेउ धाङ एरास्‍तुला, माकेडोनीया स्‍योकला झावालाक हीना खोराङगो एशीयारु राङ धेपालाक।

जेपा 19:29

धेनी लाम्‍साङ होदे ग्‍याजा नाङ घीरीदु ॱमीच्‍यीकी फेरा झ्‍युवालाक। मीक्‍या छाङगा ग्‍याप्‍ती होवालाक धेनी माकेडोनीयाने होवा पाउलुगी रोवा गायु धाङ आरीस्‍तारकुला, शीम्‍दी ग्‍याजागी तेमोखाङदु ठीक्‍पालाक।

जेपा 20:16

ङीमा ॱङापच्‍युपागी धी़छेनला, येरुसालेमदु ॱलेप्‍येला छाटा झ्‍युरी पाउलु एशीयारु मागोरा, एफेसुने झ्‍युरी डोयेला थाक चेवालाक।

जेपा 20:22

“धान्‍दा ङा धाम्‍पे थुक्‍ङीगी ठीक्‍ती, येरुसालेमला डोयेहीन। होदुरु ङाला घी झ्‍युङगीलाक ॱनेरी ङाला क्षामेक।

जेपा 21:17

हेक्‍या येरुसालेमदु ॱलेप्‍ती होदुरु हो़गीन पी़नक्‍याई, हेक्‍याला ॱमीच्‍यीकी ङ्यामो घेरी फेप्‍सु श्‍युसुङ।

जेपा 21:4

धेनी होदुरु हो़गीन धेपा-झ्‍यीगीनक्‍याला हेक्‍या थुक्‍तु सोरी, खुङक्‍यामुला धी़न्‍डा च्‍यीक धेबी। धेनी धाम्‍पे थुक्‍ङीने ॱङो़न खेन्‍दी, होदेक्‍याई पाउलुला येरुसालेमदु माडो ॱनेरी श्‍योवा पुवालाक।

जेपा 23:11

होदे घोमुराङ चोवो पाउलुगी डामला फेप्‍ती सुवालाक, “सेम स्‍युक्‍क्षे शो़। दुरु येरुसालेमदु ङी कोरला पाङपो तेरकीन च्‍योक्‍रे, रोमदुवा ख्‍यी़ तेर घोगीलाक।”

जेपा 27:1

हेक्‍या ईटाली ग्‍याखापला डोये ढो़ झ्‍युरी, खुङक्‍याई पाउलुला श्‍येम्‍मा चो़न्‍पाक्‍यामुला युलीयु ॱनागीन, रोमापा ग्‍यावुगी ॱमाक्‍मीक्‍याई ग्‍यापो़नगी लागाला ची ग्‍याप्‍पालाक।

जेपा 27:24

ङाला सुजुङ, ‘पाउलु माजीक। ख्‍यो़ रोमापा ग्‍यावुगी दोङदु ठीम श्‍युरु च्‍यार राङ घोगीलाक धेनी को़न्‍क्षोकगी थुक्‍जे ख्‍यो़मुला झ्‍येरी, ख्‍यो़मुला हो़गीन घीरी थारकीलाक।’

जेपा 28:16

हेक्‍या रोमदु ॱलेप्‍ती पाउलुला ॱमाक्‍मी ॱरुङगीन च्‍यीक श्‍याक्‍ती, खोराङ च्‍यीगा धेदु च्‍युक्‍पालाक।

रोमापा 1:11

घीझ्‍येरी ॱनाना खेक्‍याला स्‍युक्‍क्षेरु ताङयेला, ङा खेक्‍याला सेम्‍ङीगी झ्‍यीलाप रे तेरये रास्‍योक ॱनेरी, ङा खेक्‍याला थोङङी दो़दी।

रोमापा 1:13

पी़नक्‍याओ, ङाला याहुदापा मेन्‍गीनक्‍याने ढेबु थोप्‍कीन च्‍योक्‍रे, खेक्‍यानेयाः थोप्‍येगी क्षीदु, ङी थेङ माङा खीकीचारु हुङयेला छास्‍यी शो़वी। हीना धान्‍दा थुक्‍पे हुङथुक माशुङ ॱनेरी, खेक्‍याई स्‍येगीनगो ङा दो़दीहो़क।

रोमापा 1:15

होझ्‍येरी ङा रोमदु हो़गीन, खेक्‍यालाः ताम्‍शाङ स्‍येयेला दो़पा क्षे हो़क।

१ कोरीन्‍थुपा 16:5

धेनी ङा माकेडोनीयाने डोये हीन्‍गीन झ्‍येरी, ङा होदुरु सोसारती खीकीचारु हुङाहीन।

१ कोरीन्‍थुपा 4:19

हीना चोवोगी थुकोङ हो़ना, ङा खीकीचारु ग्‍योक्‍जे हुङाहीन। धेनी ङा होदे राङडा क्षे मीक्‍याई लाबक्‍या च्‍यीगा मेन्‍दा, हीना खुङक्‍याई नी़थुगो घी ले ॱनेरी, ङा चाजो़ झ्‍यीयेहीन।

२ कोरीन्‍थुपा 10:16

धेनी मी श्‍येम्‍माक्‍याई साजारु एन्‍लाराङ झ्‍युसासा लेगाला ङोम्‍सो मीझ्‍यीदा, हेक्‍या खेक्‍याने फीला हो़गीन साजाक्‍यारु, ताम्‍शाङ स्‍येरु डो थुप्‍कीलाक।

गालातीयापा 2:1

लो च्‍युपश्‍यी स्‍याम्‍ने, तीतोसला ठीक्‍ती ङा याङ बारनाबामुला येरुसालेमदु सोवी।

१ थेसालोनीकेपा 1:7

होझ्‍येरी माकेडोनीया धाङ आकाईयारु हो़गीन, धेपा झ्‍यीगीन घीरीगी क्षीला, खेक्‍या पे झ्‍युदुक।