जेपा 18:5 - ॱलोवा

⁵ सीलवानु धाङ तीमोथेउ माकेडोनीयाने ॱलेप्‍ती, पाउलुगी खोरी धी़चो़ घीरी याहुदापाक्‍यामुला, येशुराङ मास्‍यीका लाक ॱनागीन लाबगी पाङपो तेरये धाङ ताम्‍शाङ स्‍येयेला केलालाक।

जेपा 18:5 Iomraidhean Croise

लुका 12:50

ङा ठी़सो़ च्‍यीक लेन्‍घोये हो़क। होदे ठी़सो़ माडुप थुक्‍पे, ङाला ॱमीच्‍यीकी ङ्या क्षे दुक।

लुका 16:28

घीझ्‍येरी ॱनाना ङाला पी़न ॱङा हो़क धेनी खुङक्‍याला दा ताङदु ताङा जे। मेन्‍ना खुङक्‍याः दे दुक्‍पु राक्‍कीन ॱङ्यावाला ॱलेप्‍टु।’

योहान्‍ना 1:41

खी़ खोरी आज्‍यो सीमोनला एन्‍ला थुक्‍ती खोला ॱनेवालाक, “हेक्‍याई मास्‍यीकाला ज्‍याजुङ।” (मास्‍यीका ॱनाना, को़न्‍क्षोकगी दाम्‍दागो लाक)

योहान्‍ना 10:24

याहुदापा पो़न्‍पोक्‍या खोङबागी थाकोरला जोम्‍दी, खोङला श्‍यी़वालाक, “खेराङ नाम थुक्‍पे हेला थेचुम केरु च्‍युक्‍ये? खेराङ मास्‍यीकागो हीन्‍ना हेला सावो सुङाजे।”

योहान्‍ना 15:27

धेनी खेक्‍या गोमाने ङीमुला हो़गीन झ्‍येरी, खेक्‍यागीया ङी पाङपो झ्‍यीघो़।”

योहान्‍ना 3:28

‘ङा नी मास्‍यीका मेन हीना मास्‍यीकाने एन्‍ला ॱङाक्‍पाहीन।’ ॱनेरी, ङी ॱनागीनगी पाङपो खेक्‍याराङ झ्‍यीदालाक।

जेपा 10:42

धेनी मीक्‍याला ॱलोप्‍तो़न तेरये धाङ खोङबाराङ को़न्‍क्षोकगी दाम्‍दा, सो़न्‍पो धाङ स्‍यीम्‍बुगी ठीम्‍पो़न लाक, ॱनागीन पाङपो तो़न ॱनेरी खोङबागी हेक्‍याला का ॱनाजुङ।

जेपा 15:22

होदे स्‍याम्‍ने कुछाप धाङ क्षो़छोकगी गोठीक्‍याई, चोवोला धेपा-झ्‍यीगीन पी़नक्‍या घीरीमुला ढो़ झ्‍येरी, मी ॱङी दाम्‍बालाक। खुङक्‍याई होदे ॱङीउला पाउलु धाङ बारनाबामुला आन्‍तीयोक ग्‍याजारु झाङये ढो़ झ्‍येवालाक। होदे दाम्‍दा मी ॱङीउ बारसाबास ॱनागीन युदा धाङ सीलवानु लाक। धेपा-झ्‍यीगीन पी़नक्‍या घीरीगी थोकला होदे ॱङीउ गोठी हो़तालाक।

जेपा 16:1

पाउलु धेरबे धाङ लुस्‍टारु फेप्‍ती, होदुरु तीमोथेउ ॱनागीन ङेने च्‍यीक हो़तालाक। खी़ आमागो चोवो येशुला धेपा-झ्‍यीगीन याहुदापा लाक धेनी आकीगो गीरीक लाक।

जेपा 16:12

होदेने माकेडोनीया स्‍योकगी चो ग्‍याजा फीलीप्‍पी स्‍योकला, हेक्‍या घोबा चुक्‍ती सोवी। होदे ग्‍याजागो रोमापाक्‍याई आङजाला हो़तालाक। होदुरु हेक्‍या ङीमा घाजीङ धेवी।

जेपा 16:9

होदे घोमुराङ पाउलुगी थोङनाङला माकेडोनीया स्‍योकगी, मी च्‍यीक लारी देरे श्‍योवा पुगीनगो थोवालाक, “खेराङ माकेडोनीयाला फेप्‍रोनाङ धेनी हेक्‍याला रोवा जेरोनाङ।”

जेपा 17:3

मास्‍यीकाला दुक्‍पु राक घोगीलाक धेनी छीवाने याङ सो़न्‍पो झ्‍युङघोगीलाक ॱनागीन लाब देला, खी़ खुङक्‍याला ढेस्‍ये ग्‍याप धेनी पाङपो तेर झ्‍येवालाक। धेनी “ङी खेक्‍याला ॱनागीन येशु खोङबाराङ मास्‍यीका लाक।” ॱनेरी खी़ ॱनेवालाक।

जेपा 18:28

घीझ्‍येरी ॱनाना खी़ सुङरापने येशुराङ मास्‍यीका लाक ॱनेरी पाङपो तेरती, याहुदापाक्‍याला मीमाङक्‍या दोङदु ॱमीच्‍यीकी वाङक्षे लाब तावालाक।

जेपा 2:36

“होझ्‍येरी धा ईस्‍राएलगी मी घीरीगी दे लाब ॱहाघो घोगुलाक। खेराङक्‍याई ग्‍याङस्‍यीङदु सेसा येशुला राङ को़न्‍क्षोकगी, चोवो धाङ मास्‍यीका ङीगारा को़ जे हो़तालाक।”

जेपा 20:21

धेनी याहुदापाक्‍या धाङ गीरीकक्‍याला को़न्‍क्षोक स्‍योकला राङ-राङगी धीक्‍पा पारी, सेम ग्‍युरती हुङये धाङ होरी चोवो येशु मास्‍यीकाला धेपा झ्‍यी ॱनेरी स्‍येवी।

जेपा 20:23

ङाला चो़न्‍खाङदु धाक्‍कीन धाङ दुक्‍ङेल हो़गीन लाब, धाम्‍पे थुक्‍ङीगी ङाला ग्‍याजा रे-रेला तो़न जेसुङ।

जेपा 20:24

हीना को़न्‍क्षोकगी थुक्‍जेगी कोरला ताम्‍शाङगो स्‍येगीन, चोवो येशुने ङाला थोप्‍था लेगा दे माडुप्‍कीन थुक्‍पे, ङा ङारी मीछे देगी दो़न घीन्‍दा ॱमीची हो़क।

जेपा 4:20

घीझ्‍येरी ॱनाना हेक्‍याई थोथा धाङ ॱहाघोका लाबक्‍या ॱमेना धे थुक्‍ये मीन्‍दुक।”

जेपा 9:22

हीना साउलगी कालोप स्‍युक क्षेरु-क्षेरु सोवालाक धेनी येशुराङ मास्‍यीका लाक ॱनेरी, खी़ तेरता पाङपोक्‍या तो़न्‍दी, दामासेकोरु हो़गीन याहुदापा मीक्‍या गो थोम्‍दी, लेन घीन्‍दा ग्‍याप ॱमाथुक्‍पालाक।

२ कोरीन्‍थुपा 1:19

घीझ्‍येरी ॱनाना खेक्‍याई खोक्‍दु ङा, सीलवानु धाङ तीमोथेउगी ताम्‍शाङ स्‍येस्‍या, को़न्‍क्षोकगी से, येशु मास्‍यीका नी “लाक” धाङ “मालाक” ॱनेरी मालाक हीना खोङगी नाङ च्‍योई “लाक” च्‍यीगा हुङालाक।

२ कोरीन्‍थुपा 11:9

ङा खेक्‍यामुला हो़ती घाङला, ङाला खो़चे रे घो़ली घाङला, ङा सी़ क्षीदुवाः घाक्‍वा माझ्‍यु घीझ्‍येरी ॱनाना माकेडोनीयाने होवा पी़नक्‍याई ङाला घो़गीनगो तेरजुङ। होझ्‍येरी घीन्‍गी थोक्‍ने हीन्‍ना, खेक्‍याला काल्‍ले मेशोयेगी क्षीदु, ङी राङला काक्‍पी धेनी माउपारला काक्‍येहीन।

२ कोरीन्‍थुपा 5:14

घीझ्‍येरी ॱनाना मास्‍यीकागी झाम्‍पागी हेक्‍याला वाङग्‍युर जेदालाक। धेनी मी च्‍यीक घीरीगी दो़न्‍दु ढोङगीन झ्‍येरी, घीरी ढोवालाक ॱनेरी हेक्‍या तेन्‍देन हो़क।

फीलीप्‍पीपा 1:23

ङा दे ॱङीउगी खोक्‍दु छी़दी धेहो़क। ङा दे जीक्‍तेनने दारी, मास्‍यीकामुला झ्‍युङयेगो ङी दो़पा हो़क घीझ्‍येरी ॱनाना दे ॱमीच्‍यीकी घा दुक।

१ थेसालोनीकेपा 3:2

खेक्‍याई धेपा तेन्‍पो शोये धाङ सेमस्‍युक पारयेला धेनी मास्‍यीकागी ताम्‍शाङ स्‍येयेला, को़न्‍क्षोकगी को़का लेजेपा धाङ हीकी पी़न तीमोथेउला खेक्‍याचारु झावी।

१ थेसालोनीकेपा 3:6

हीना धान्‍दा तीमोथेउ खेक्‍या चाने होरी, खीकी धेपा धाङ चेवागी कोरला ताम शाङा हेक्‍याला स्‍येजुङ। धेनी हेक्‍या खेक्‍याला थुक्‍दो़ हो़गीन च्‍योक्‍रे, खेक्‍या हेला नाम्‍हीना ढेन्‍ये धाङ हेला थुक्‍येला दो़पा हो़गीनगोवा घोरजुङ।

१ पेटो 5:12

ङी ॱलो का थुप्‍कीन चीचा पी़न सीलवानुगी थोक्‍ने, यीक तुङा दे ढीयाहीन। को़न्‍क्षोकगी थुक्‍जे धेन्‍पागो देराङ हीन ॱनेरी, ङा खेक्‍याला सेमस्‍युक धाङ पाङपो तेराहीन। धेनी देलाराङ तेन्‍पो ॱनेती धो़क।