जेपा 18:4 - ॱलोवा

⁴ धेनी ङासुगीन ङीमा घीरीला पाउलु च्‍योई छोक्‍खाङला सोरी, याहुदापाक्‍या धाङ गीरीकक्‍या ङीगाराला चो़लीङ झ्‍येरी खेलेन्‍दु च्‍युक्‍येला स्‍युक ग्‍याप्‍पालाक।

जेपा 18:4 Iomraidhean Croise

लुका 16:31

आब्‍राहामगी खोला सुवालाक, ‘मोशे धाङ ॱङो़नस्‍येखेनक्‍याई सुङला, खुङक्‍याई मेङेन्‍ना स्‍यीम्‍बुक्‍याने च्‍यीक सो़न्‍दी डोनाः, खुङक्‍याई यीच्‍चे मीझ्‍यीगीलाक।’”

लुका 4:16

येशु खोराङ छारछा यु नाजारेतगोला लोक्‍ती फेप्‍पालाक। धेनी च्‍योई च्‍योक्‍रे, खोङबा ङासुगीन ङीमागोला छोक्‍खाङला फेप्‍ती धेनी को़न्‍क्षोकगी का ॱलोक्‍येला श्‍याङा जेपालाक।

योहान्‍ना 7:35

धेनी याहुदापा पो़न्‍पोक्‍याई खोराङक्‍या घुङदु देरे ॱनेवालाक, “मी दे होरी ॱङे ॱमीथुप्‍कीन साजा घारु डोये हीन्‍ढी़? गीरीकक्‍या खोक्‍दु थोरती धेता याहुदापाक्‍या घुङदु सोरी, खो गीरीकक्‍याला क्षो़ स्‍येये सामी हो़ता?

जेपा 13:14

पाउलु धाङ बारनाबागो, पेरगेने पीसीदीया ग्‍यारापगी आन्‍तीयोक ग्‍याजारु सोवालाक धेनी धाम्‍पे ङासुगीन ङीमाला होदे मी ॱङी छोक्‍खाङदु सोरी धेपालाक।

जेपा 14:1

आन्‍तीयोकदु च्‍योक्‍रे, पाउलु धाङ बारनाबा ईकोनीयोन ग्‍याजालाः याहुदापाक्‍याई छोक्‍खाङदु सोरी, होदुरु खुङक्‍याई क्षो़ स्‍युक क्षे स्‍येदी, ॱमीच्‍यीकी माङा याहुदापा धाङ गीरीक मीक्‍या चोवोला धेपा-झ्‍यीगीन झ्‍युवालाक।

जेपा 17:11

होदे ग्‍याजागी याहुदापाक्‍या थेसालोनीके याहुदापाक्‍यानेः ॱनावा याङा हो़तालाक। खुङक्‍याई पाउलुगी क्षो़ला ॱमीच्‍यीकी दो़नाङ झ्‍येरी ङेन्‍बालाक धेनी खी़ ॱनागीन लाबक्‍या धेन्‍पा लाक याङना मालाक ॱनेरी, श्‍याक्‍मो-श्‍याक्‍मोला सुङराप ढोक्‍ती तालाक।

जेपा 17:17

होझ्‍येरी खो याहुदापाक्‍या धाङ को़न्‍क्षोकला चीगीन, गीरीक मीक्‍यामुला छोक्‍खाङदु सोरी चो़लीङ झ्‍यीदालाक धेनी ठोमला ग्‍युक्‍कीन मीक्‍यामुलाः च्‍योई येशुगी कोरला चो़लीङ झ्‍यीदालाक।

जेपा 18:13

ॱनेवालाक, “दे मी देगी होरी क्षो़ठीमला ॱमीथी़न्‍गीन, को़न्‍क्षोकला तो़पा ताङये मीक्‍याला ॱलावी।”

जेपा 18:19

धेनी एफीसुरु ॱलेप्‍ती पीरीस्‍कीला धाङ आकुला होदुरुराङ धेपालाक। पाउलुगो एफीसुगी छोक्‍खाङदु सोरी, याहुदापाक्‍यामुला चो़लीङ झ्‍येवालाक।

जेपा 19:26

हीना दे पाउलुगी घी ॱनागीनगो, खेक्‍याई थोङालाक धेनी घोर हो़तालाक। मीगी शो़सा ल्‍हागो ल्‍हाराङ मालाक ॱनेरी ॱनी। खी़ दुरु एफीसु धाङ एशीयारु धेगीन मी माङक्षेला, खोरी लाब ॱलाप्‍ती गोवा कोरसादुक।

जेपा 19:8

दावा सुम थुक्‍पे पाउलु याहुदापाक्‍याई छोक्‍खाङला सोरी, ॱङीङक्षे झ्‍येरी मीक्‍याला क्षो़ स्‍येपालाक। खी़ मीक्‍याला को़न्‍क्षोकगी ग्‍याखापगी कोरला चो़लीङ झ्‍येरी, खुङक्‍याला धेपाला खेरती हुङये थापस्‍यी झ्‍येवालाक।

जेपा 26:28

धेनी आगारीपागी ॱनेवालाक, “देरे धी़चो़ तीमेला ख्‍यो़ ङाला मास्‍यीकावा शोये साम्‍यी हो़ते?”

जेपा 28:23

होझ्‍येरी धी़चो़ च्‍यीक ढीक्‍पालाक धेनी होदे ङीमागोला, मी ॱमीच्‍यीकी माङा पाउलु धेजारु होवालाक। ॱङारोकने घोमो थुक्‍पे खी़ को़न्‍क्षोकगी ग्‍याखापगी कोरला पाङपो तेरपालाक धेनी मोशेगी क्षो़ठीम धाङ ॱङो़नस्‍येखेनक्‍याई धेपक्‍याने पे तो़न्‍दी, येशुगी कोरला मीक्‍याला यीच्‍चे तेरपालाक।

जेपा 9:20

लाम्‍साङ साउल छोक्‍खाङक्‍याला सोरी, येशुराङ को़न्‍क्षोकगी से लाक ॱनेरी, मीक्‍याला स्‍येपालाक।

२ कोरीन्‍थुपा 5:11

चोवोला कुरती झ्‍यीयेगो हेक्‍याई स्‍येगीन झ्‍येरी, हेक्‍या मी श्‍येम्‍माक्‍याला च्‍याक ग्‍यावीहो़क। हेक्‍या घारे हो़गीनगो को़न्‍क्षोकगी खेन्‍दा जेदालाक धेनी खेक्‍याई सेम्‍बा नाङदुवाः, हेक्‍याला ङोस्‍येगीनगो हेक्‍या दो़दीहो़क।