जेपा 18:27 - ॱलोवा

²⁷ होदे स्‍याम्‍ने आपोल्‍लोसगी आकाईयारु डोये साम्‍लो तावालाक। धेनी एफीसुरु हो़गीन धेपा-झ्‍यीगीनक्‍याई, खोला होदुरु सोङ धेनी खोला घामोमा फेप्‍सु श्‍यु ॱनेरी, आकाईयागी ङेनेक्‍याला यीक ढीक्‍ती कुरपालाक। आकाईयारु ॱलेप्‍ती चोवोगी थुक्‍जेगी झ्‍येरी होवा धेपा-झ्‍यीगीनक्‍याला, आपोल्‍लोसगी ॱमीच्‍यीकी घा रोवा झ्‍येवालाक।

जेपा 18:27 Iomraidhean Croise

जेपा 1:15

श्‍याक्‍मो तीते स्‍याम्‍ने येशुला धेपा-झ्‍यीगीन मी ग्‍याराङ ङीउ चो़गी खोक्‍दु, पेटो लारी देरे ॱनेवालाक,

जेपा 11:26

धेनी खोला साउल ॱङेपालाक धेनी खोला आन्‍तीयोकदु ठीक्‍ती होवालाक। लो च्‍यीक घाङजाङ खुङक्‍या होदुरु हो़गीन, क्षो़छोकगी मीक्‍यामुला थुक्‍पालाक धेनी मी ॱमीच्‍यीकी माङाला क्षो़ ॱलाप्‍पालाक। ङेनेक्‍याला थेङ घोमा मास्‍यीकावा ॱनेरी, आन्‍तीयोकदु ॱनेवालाक।

जेपा 15:34

[हीना सीलवानुला होदुरुराङ धेङी दो़पालाक।]

जेपा 18:12

हीना गाल्‍यो़न ॱनागीन मी आकाईया साजागी पो़न्‍पो झ्‍युङी घाङला, याहुदापा रीङगा क्षाम्‍दी पाउलुला शीम्‍बालाक धेनी खोला पो़न्‍पोचारु ठीक्‍ती

जेपा 18:18

पाउलु श्‍याक्‍मो आरुङ माङा, कोरीन्‍थुरु धेपा-झ्‍यीगीनक्‍यामुला धेपालाक। धेनी खुङक्‍याने घोङपा श्‍युरी, खो पीरीस्‍कीला धाङ आकुलामुला ग्‍याछोगी लाम्‍गाने झ्‍युरी सीरीयारु सोवालाक। धेनी खी़ धाम्‍चा च्‍यीक श्‍याक्‍सा झ्‍येरी, खो केन्‍कीरीयाने डोये एन्‍ला खोरी ॱरा घीरी चेदी घोदोक शो़वालाक।

जेपा 19:1

आपोल्‍लोस कोरीन्‍थुरु हो़ती घाङला, पाउलु एशीयागी घुङने झ्‍युरी एफीसु ग्‍याजाला ॱलेप्‍पालाक। होदुरु खी़ धेपा-झ्‍यीगीन रीङगा थुक्‍पालाक।

जेपा 9:27

हीना बारनाबागी खोला कुछापक्‍याई दोङदु ठीक्‍ती होरी, दामासेकोगी लाम्‍गाला खी़ घाङ झ्‍येरी चोवोला ज्‍यारी, चोवोगी खोला का ॱनाङना धाङ दामासेकोरु येशुगी छेनने ॱमीच्‍यी ॱङीङक्षे झ्‍येरी, खी़ स्‍येगीनगो खुङक्‍याला स्‍येपालाक।

रोमापा 1:5

धेनी खोङगी छेनगी क्षीदु, याहुदापा मेन्‍गीन घीरीगी धेपा झ्‍यीये धाङ खोङगी काला ङेन्‍येगी क्षीला, खोङगी थोक्‍ने हेक्‍याला को़न्‍क्षोकगी थुक्‍जे धाङ कुछापगी लेगेनगो थोप हो़तालाक।

१ कोरीन्‍थुपा 15:10

हीना ङा घारे हो़गीनगो, को़न्‍क्षोकगी थुक्‍जे गोने हीन। धेनी ङाला थोप्‍था खोङबागी थुक्‍जे दे, दो़न्‍मेदु माझ्‍युजुङ। हीना खुङक्‍या घीरीने ल्‍हाक, ङी काल्‍ले माङा ग्‍याप्‍पी। घीहीन्‍ना ङी ङाराङगी झ्‍येरी मालाक हीना ङीमुला श्‍युक्‍कीन को़न्‍क्षोकगी थुक्‍जेगी थोक्‍ने लाक।

१ कोरीन्‍थुपा 16:3

धेनी ङा ॱलेप्‍ती, ङी खेक्‍याई थाक्‍चो़चा मीक्‍याई कोरला ङोटो़गी यीक ढीक्‍ती, खुङक्‍याला खीकी ॱङेन्‍बागो येरुसालेमदु क्‍यारु झाङु।

१ कोरीन्‍थुपा 3:6

ङी साङा ताप्‍पी धेनी आपोल्‍लोसगी क्षु ॱलुक्‍जुङ हीना को़न्‍क्षोकगी होदे केरु च्‍युक्‍वा जेपालाक।

२ कोरीन्‍थुपा 1:24

खीकी धेपे खाला हीकी वाङ झ्‍यीयेगी दो़पा मेक हीना खेक्‍याई घाटोगी क्षीदु हेक्‍या, खीकीमुला लेगा झ्‍यीदालाक। घीझ्‍येरी ॱनाना खेक्‍या खेरी धेपाला तेन्‍पो दुक।

फीलीप्‍पीपा 1:25

दे लाबला ङा तेन्‍दा झ्‍युरी ॱनाहीन। ङा सो़न्‍पो धेगुलाक धेनी खेक्‍या धेपागी नाङ यारके डोये धाङ घाटो झ्‍युङयेगी क्षीदु, ङा खेक्‍या घीरीमुला च्‍योई धेगुलाक ॱनेरी ङाला स्‍येयेहो़क।

फीलीप्‍पीपा 1:29

घीझ्‍येरी ॱनाना खेक्‍याला मास्‍यीकाला धेपा झ्‍यीये च्‍यीगा मेन्‍दा, खोङगी दो़नला दुक्‍पु ङ्याङयेगी थोप्‍ताङगोवाः ॱनाङ हो़तालाक।

कोलोसेपा 2:12

धेनी ठी़सो़ श्‍यी़ घाङला, खेक्‍या खोङबामुला धी़ठोदु बेवालाक धेनी खोङबाला छीवाने ॱलार सो़न्‍पो जेगीन को़न्‍क्षोकगी नी़थुला, खेक्‍याई धेपा झ्‍येरी खेक्‍यालाः खोङमुला सो़न्‍पो जेपालाक।

कोलोसेपा 4:10

चो़न्‍खाङ नाङदु ङी रोवा आरीस्‍तारकु धाङ बारनाबागी छाउ मारकुगीयाः, खेक्‍याला छाम्‍डी श्‍यी़क। (मारकुगी कोरला ङी खेक्‍याला एन्‍दुरु स्‍येसाहो़क। धेनी खो खीकीचारु हुङना खोला नाङला सी़।)