जेपा 18:23 - ॱलोवा

²³ ङीमा आरुङ माङा होदुरु धेसारती, खो गालातीया धाङ फारुगीया लुङबागी साजाक्‍या झ्‍युरी सोवालाक। धेनी होदे साजाक्‍याला हो़गीन धेपा-झ्‍यीगीनक्‍या, धेपाला स्‍युक्‍क्षेरु तारी सोवालाक।

जेपा 18:23 Iomraidhean Croise

लुका 1:3

ङीयाः होदे घीरी थोक्‍माने श्‍यीप्‍ता झ्‍येजा झ्‍येरी, खोङबा थेउफीलु लागी क्षीदु होदेगी कोरला, होदे धी़चो़ला च्‍यीकगी स्‍याबाने च्‍यीक झ्‍युजा च्‍योक्‍रे, ढीक्‍ये ढो़ झ्‍येवी।

लुका 22:32

हीना ख्‍यी़ धेपा मायेवास्‍योक ॱनेरी, ङी ख्‍यी़ क्षीला सोवा ताप्‍पी। धेनी ख्‍यी़ सेम ग्‍युरसारती ख्‍यो़री पी़नक्‍याला तेन्‍पो शो़।”

लुका 22:43

धेनी नाम्‍खे श्‍यीङखामने नाम्‍खे भाङछेन च्‍यीक फेप्‍ती, खोङबाला स्‍युक ॱनावालाक।

जेपा 14:22

खुङक्‍याई होदे साजाक्‍याला हो़गीन चोवोगी ङेनेक्‍याला स्‍युक्‍क्षे शो़री, धेपाला धेयेला सेमस्‍युक तेरपालाक। “को़न्‍क्षोकगी ग्‍याखापला ॱलेप्‍ये एन्‍ला, होराङगी ॱमीच्‍यीकी माङा दुक्‍पु शो़पा झ्‍येरी धे घोगीलाक” ॱनागीन लाब ॱलाप्‍पालाक।

जेपा 15:32

युदा धाङ सीलवानु खोराङ, को़न्‍क्षोकगी छोकने लाब ताङगीन ॱङो़नस्‍येखेन लाक। खुङक्‍याई धेपा-झ्‍यीगीन पी़नक्‍याला ॱमीच्‍यीकी सेमस्‍युक ॱनाङदी, खुङक्‍याई धेपा स्‍युक्‍क्षे शो़वालाक।

जेपा 15:41

सीरीया धाङ कीलीकीया साजाने झ्‍युरी डी़ घाङला, खुङक्‍याई होदे साजाक्‍याई धेपा-झ्‍यीगीन क्षो़छोकक्‍याला धेपाला स्‍युक्‍क्षे शो़री सोवालाक।

जेपा 16:40

धेनी पाउलु धाङ सीलवानु चो़न्‍खाङने थो़न्‍दी, लीडीयागी नाङला सोवालाक धेनी धेपा-झ्‍यीगीन पी़नक्‍याला थुक्‍ती, खुङक्‍याला सेमस्‍युक पारती होदे साजा भोरती सोवालाक।

जेपा 16:6

धाम्‍पे थुक्‍ङीगी पाउलु धाङ सीलवानु धाङ तीमोथेउला एशीया स्‍योकला, ताम्‍शाङ स्‍येरु डोयेला काक जेदी, खुङक्‍या फारुगीया धाङ गालातीया स्‍योकने झ्‍युरी सोवालाक।

जेपा 19:1

आपोल्‍लोस कोरीन्‍थुरु हो़ती घाङला, पाउलु एशीयागी घुङने झ्‍युरी एफीसु ग्‍याजाला ॱलेप्‍पालाक। होदुरु खी़ धेपा-झ्‍यीगीन रीङगा थुक्‍पालाक।

जेपा 2:10

फारुगीया धाङ पामफीलया धाङ एजेप ग्‍याखाप धाङ कुरेनेगी थामाक्‍याई, लीबीयागी ग्‍याखाप धाङ रोम ग्‍याजागी मीक्‍या,

१ कोरीन्‍थुपा 16:1

धा धाम्‍पे मीक्‍याई क्षीदु श्‍यान्‍देप पुयेगी कोरला, ङी गालातीयागी क्षो़छोकक्‍याला का तेरता च्‍योक्‍रे, खेक्‍याई झ्‍यी।

गालातीयापा 1:2

धाङ ङीमुला हो़गीन पी़नक्‍या घीरीने, गालातीयागी क्षो़छोकक्‍याला,

गालातीयापा 1:9

हीकी एम्‍मा ॱनागीन च्‍योक्‍रे, धान्‍दा ङा धाब्‍ले ॱनाहीन, खेक्‍यागी खेलेन्‍ला ताम्‍शाङने मेडावा श्‍येम्‍मा सु च्‍यीकगीया खेक्‍याला स्‍येना, होदेला को़न्‍क्षोकगी छेपा फोक्‍वास्‍योक।

गालातीयापा 4:14

धेनी ङा थाङा मेगीनगो खीकी क्षीला छो़ता झ्‍युरीयाः, खीकी ङाला ॱनाम्‍दोक याङना थोङच्‍युङ माझ्‍येजुङ हीना को़न्‍क्षोकगी भाङछेन धाङ येशु मास्‍यीका हीन्‍गीन च्‍योक्‍रे, ङालाः खेलेन झ्‍येजुङ।

१ थेसालोनीकेपा 3:2

खेक्‍याई धेपा तेन्‍पो शोये धाङ सेमस्‍युक पारयेला धेनी मास्‍यीकागी ताम्‍शाङ स्‍येयेला, को़न्‍क्षोकगी को़का लेजेपा धाङ हीकी पी़न तीमोथेउला खेक्‍याचारु झावी।

१ थेसालोनीकेपा 4:18

होझ्‍येरी च्‍यीकगी च्‍यीकला ताम दे स्‍येदी सेम्‍सो पोर।

१ थेसालोनीकेपा 5:14

पी़नक्‍याओ, लेमेलाम्‍गीनक्‍याला ॱलापच्‍या तेर, ॱङीङ च्‍युङाक्‍याला सेम्‍सो पोर, क्‍योवाक्‍याला रोवा झ्‍यी धेनी घीरीमुला शो़पा घोम ॱनेरी खेक्‍याला कुलाहीन।