जेपा 18:21 - ॱलोवा

²¹ धेनी पाउलुगी डी़ घाङला देरे ॱनेवालाक, “को़न्‍क्षोकगी थुकोङ हो़ना ङा याङ खेक्‍याचारु लोक्‍ती हुङयेहीन।” धेनी खो एफीसुने ग्‍याछोगी लाम्‍गाने सोवालाक।

जेपा 18:21 Iomraidhean Croise

मेथा 26:39

धेनी ॱहाला फेप्‍ती, खोङबा क्षाक क्षारी सोवा दे धेप्‍पालाक, “ङी याप, देरे झ्‍युङ थुक्‍ये हो़ना, दे दुक्‍ङेलगी फोरा ङाने ॱहाला लेन्‍दा जे। हीना ङी दो़पा मेन्‍दा, खेराङगी थुकोङ डुपास्‍योक।”

मारकु 6:46

धेनी मीछोकक्‍याला तारी, खोङबा रीला ॱमो़लाम श्‍युरु फेप्‍पालाक।

लुका 9:61

मी श्‍येम्‍मा च्‍यीकगी ॱनेवालाक, “चोवो, ङा खेराङगी स्‍याम्‍ला डायेहीन। हीना एन्‍ला ङी नाङदु हो़गीनक्‍याने घोङपा लेन्‍दु च्‍युक्‍रोजे।”

जेपा 15:29

ल्‍हाकुन्‍डाला क्षो़पा पुपा शामा माशा धेनी घीन्‍गीयाः ठाक ॱमाथुङ धेनी मीक्‍पा चीरती सेसा, धी़डोगी स्‍या माशा धेनी लोक्‍येमने जेम्‍दी धो़क। दे लाबक्‍या चीना खेराङक्‍याला घा झ्‍युङगीलाक। खेराङक्‍या घीरीला घा हुङवास्‍योक।”

जेपा 18:19

धेनी एफीसुरु ॱलेप्‍ती पीरीस्‍कीला धाङ आकुला होदुरुराङ धेपालाक। पाउलुगो एफीसुगी छोक्‍खाङदु सोरी, याहुदापाक्‍यामुला चो़लीङ झ्‍येवालाक।

जेपा 18:20

धेनी खुङक्‍याई खोला ङीमा तीते खुङक्‍यामुला राङ श्‍युक ॱनेरी, श्‍योवा पुवालाक हीना खी़ माङेन्‍बालाक।

जेपा 18:24

होदे घुङला आलेक्‍जेन्‍डीयागी मी आपोल्‍लोस ॱनागीन, याहुदापा च्‍यीक एफीसुदु ॱलेप्‍पालाक। खो ॱमीच्‍यीकी घा लाब ताङ थुप्‍कीन धाङ क्षो़ठीमगी कोरला ॱमीच्‍यीकी खेवा हो़तालाक।

जेपा 19:1

आपोल्‍लोस कोरीन्‍थुरु हो़ती घाङला, पाउलु एशीयागी घुङने झ्‍युरी एफीसु ग्‍याजाला ॱलेप्‍पालाक। होदुरु खी़ धेपा-झ्‍यीगीन रीङगा थुक्‍पालाक।

जेपा 19:17

दे लाब दे एफीसुरु हो़गीन याहुदापा धाङ याहुदापा मेन्‍गीन मीरीकगी मीक्‍याई ॱहाघोरपालाक धेनी खुङक्‍या जीक्‍पालाक। धेनी खुङक्‍याई चोवो येशुगी छेनला ॱमीच्‍यीकी घुस्‍याप झ्‍येवालाक।

जेपा 19:21

होदे स्‍याम्‍ने पाउलुगी माकेडोनीया धाङ आकाईया ग्‍याजाने झ्‍युरी, येरुसालेमला डोये ढो़ झ्‍येवालाक। खी़ ॱनेवालाक, “येरुसालेमला सोरी ङा रोम ग्‍याजारुवा डोघोगुलाक।”

जेपा 20:16

ङीमा ॱङापच्‍युपागी धी़छेनला, येरुसालेमदु ॱलेप्‍येला छाटा झ्‍युरी पाउलु एशीयारु मागोरा, एफेसुने झ्‍युरी डोयेला थाक चेवालाक।

जेपा 21:14

धेनी पाउलुला काक ॱमाथुक्‍ती हेक्‍याई खोला “चोवोगी थुकोङ डुपास्‍योक” ॱनेरी खाबा धेबी।

जेपा 21:29

खुङक्‍याई एफीसुने होवा तोरोफीमोसला पाउलुमुलाराङ ग्‍याजारु थोवालाक धेनी पाउलुगी खोला क्षो़खाङ नाङदु ठीक्‍ती होवालाक ॱनेरी साम्‍दी दे ॱनेवालाक।

रोमापा 15:32

धेनी को़न्‍क्षोकगी थुकोङगी थोक्‍ने, ङा खेक्‍याचारु ङ्यामो घेरी हुङये झ्‍युङगीलाक धेनी होराङ च्‍यीकगी च्‍यीक क्षीदु सेमस्‍युक झ्‍युङगीलाक।

१ कोरीन्‍थुपा 15:32

धा जीक्‍तेन्‍पा मी च्‍योक्‍रे, एफीसुदु सेम्‍चेनक्‍या च्‍योक्‍रे मुला ङी थाप्‍कीनगोने, ङाला घी फेन्‍थोक्‍जो से? धा छीवाने सो़न्‍पो झ्‍युङये मेन्‍ना, “होराङ शा-थुङ झ्‍यीदु, घीझ्‍येरी ॱनाना ॱङेटो नी होराङ स्‍यीगुलाक।”

१ कोरीन्‍थुपा 16:7

घीझ्‍येरी ॱनाना दालो ङा खीकीचारु लाम्‍साङ ठेदी च्‍यीगा मेडोवा, चोवोगी थुकोङ हो़ना खीकीमुला आरुङ माङा धी़चो़ धेयेगी रेवा हो़क।

१ कोरीन्‍थुपा 16:8

हीना ङीमा ॱङापच्‍युपागी धी़छेन थुक्‍पे, ङा एफीसुरु राङ धेयेहीन।

१ कोरीन्‍थुपा 4:19

हीना चोवोगी थुकोङ हो़ना, ङा खीकीचारु ग्‍योक्‍जे हुङाहीन। धेनी ङा होदे राङडा क्षे मीक्‍याई लाबक्‍या च्‍यीगा मेन्‍दा, हीना खुङक्‍याई नी़थुगो घी ले ॱनेरी, ङा चाजो़ झ्‍यीयेहीन।

२ कोरीन्‍थुपा 13:11

थाला पी़नक्‍याओ, टास्‍यीवा स्‍योक। फी़न्‍सुम छोक्‍पा झ्‍युङयेगी क्षीदु ॱमीक्‍यु श्‍योक। धेनी च्‍यीकगी च्‍यीकला सेम्‍सो पोर। फी़न्‍सुममुला थी़न्‍दी सोङ। धेनी श्‍यीदेला धो़क। धेनी झाम्‍पा धाङ श्‍यीदेगी को़न्‍क्षोक, खीकीमुला श्‍युक्‍कीलाक।

एफीसुपा 1:1

को़न्‍क्षोकगी थुकोङ थोक्‍ने, मास्‍यीका येशुगी कुछाप ङा पाउलुने, येशु मास्‍यीकाला धेपा झ्‍यीगीन एफीसु ग्‍याजारु हो़गीन धाम्‍पे मीक्‍याला;

ईब्‍रीपा 6:3

धेनी को़न्‍क्षोकगी थुक घेना, होराङ देरे झ्‍यीदु।

याकोब 4:15

दी छापला खेक्‍या “चोवोगी थुकोङ हो़ना, होराङक्‍या सो़न्‍पो धेतु धेनी देरे-हुरे झ्‍यीदु।” ॱनेरी ॱनाघो़।

१ पेटो 3:17

घीझ्‍येरी ॱनाना, को़न्‍क्षोकगी थुकोङ हो़ना, ङेन्‍पा झ्‍येरी ङ्याङयेनेः शाङा झ्‍येरी ङ्याङये दे घागुलाक।

ॱङो़न्‍पा 1:11

होदेगी “ख्‍यी़ घी थोङगीनगो धेपला ढीक धेनी दे क्षो़छोक धी़नक्‍या, एफीसु धाङ सीमीरना धाङ पेरगामोन धाङ थीयातीरा धाङ सारती धाङ फीलादेल्‍फीया धाङ लाउदीकेयाला कुर।” सुरी सुङजुङ।

ॱङो़न्‍पा 2:1

“एफीसुगी क्षो़छोकगी भाङछेनला देरे ढीक, “राङगी क्षाक ॱयेला कारमा धी़न शीम्‍गीन, धाङ सेरगी क्‍युङ धी़नगी घुङला श्‍याप्‍छाक जेगीन, खोङबागी दे काक्‍या सुङी।