जेपा 18:2 - ॱलोवा

² होदुरु खी़ आकुला ॱनागीन, याहुदापा च्‍यीकला थुक्‍पालाक। आकुलागो पोनतुर साजाला केवालाक धेनी खोरी केमी पीरीस्‍कीलामुला, ईटालीने होरी माङा मेडोवालाक घीझ्‍येरी ॱनाना रोमापा ग्‍यावु कालोदेहुगी, याहुदापा घीरीला रोम ग्‍याखापने थो़न्‍दी डोयेला का ॱनावालाक। धेनी पाउलु खुङक्‍याला थुक्‍तु सोवालाक।

जेपा 18:2 Iomraidhean Croise

जेपा 11:28

आगाबु ॱनागीन ॱङो़नस्‍येखेन च्‍यीक छोक्‍पागी खोकला लारी, धाम्‍पे थुक्‍ङीने साजा घीरी ॱमीच्‍यीकी क्षे मुगेला स्‍योरकीलाक ॱनेरी ॱङो़न खेन्‍बालाक। (कालोदेहु ग्‍यावुगी धी़चो़ला ॱङो़नस्‍ये दे डुप्‍पालाक।)

जेपा 18:18

पाउलु श्‍याक्‍मो आरुङ माङा, कोरीन्‍थुरु धेपा-झ्‍यीगीनक्‍यामुला धेपालाक। धेनी खुङक्‍याने घोङपा श्‍युरी, खो पीरीस्‍कीला धाङ आकुलामुला ग्‍याछोगी लाम्‍गाने झ्‍युरी सीरीयारु सोवालाक। धेनी खी़ धाम्‍चा च्‍यीक श्‍याक्‍सा झ्‍येरी, खो केन्‍कीरीयाने डोये एन्‍ला खोरी ॱरा घीरी चेदी घोदोक शो़वालाक।

जेपा 18:26

खो याहुदापाक्‍याई छोक्‍खाङला ॱमीच्‍यीकी ॱङीङक्षे झ्‍येरी ॱलापच्‍या तेरालाक। हीना खी़ ॱलापच्‍या ङेन्‍दी, पीरीस्‍कीला धाङ आकुलागी खोला नाङदु ठीक्‍ती खोला को़न्‍क्षोकगी लामगी कोरला स्‍येदी, धोराङा साला ॱहाघोतु च्‍युक्‍पालाक।

जेपा 2:9

होराङक्‍या पारथाक्‍या धाङ मेदेक्‍या धाङ एलाम्‍पाक्‍या धाङ मेसोपोटामीयागी मीक्‍या धाङ युदेयाक्‍या धाङ कापादोकीया धाङ पोन्‍तु धाङ एशीया धाङ

जेपा 27:1

हेक्‍या ईटाली ग्‍याखापला डोये ढो़ झ्‍युरी, खुङक्‍याई पाउलुला श्‍येम्‍मा चो़न्‍पाक्‍यामुला युलीयु ॱनागीन, रोमापा ग्‍यावुगी ॱमाक्‍मीक्‍याई ग्‍यापो़नगी लागाला ची ग्‍याप्‍पालाक।

जेपा 27:6

होदुरु ग्‍यापो़न युलीयुगी आलेक्‍जेन्‍डीया ग्‍याजागी डुशीङ च्‍यीक ईटाली स्‍योकला डुगीन थुक्‍ती, हेक्‍याला होदे डु नाङदु च्‍युक्‍जुङ।

१ कोरीन्‍थुपा 16:19

एशीयागी क्षो़छोकक्‍याई खेक्‍याला छाम्‍डी श्‍यी़क। आकुला धाङ पीरीस्‍का धाङ खुङगी नाङदु छुक्‍कीन क्षो़छोकगी, खेक्‍याला चोवोगी छेनने छाम्‍डी श्‍यी़क।

२ तीमोथेउ 4:19

पीरीस्‍का धाङ आकुला ॱङीउ धेनी ओनीसीफोरुगी नाङमी घीरीला छाम्‍डी श्‍यी़।

ईब्‍रीपा 13:24

खेक्‍याई गोठी घीरी धाङ धाम्‍पे मी घीरीला छाम्‍डी श्‍यी़। ईटाली युने हुङगीनक्‍याई खेक्‍याला छाम्‍डी श्‍यी़क।

१ पेटो 1:1

येशु मास्‍यीकागी कुछाप, ङा पेटो, खे पोन्‍तु धाङ गालातीया धाङ कापादोकीया धाङ एशीया धाङ बीथानीयादु थोरती धेताक्‍याला, दे यीक दे ढीयाहीन।