जेपा 18:12 - ॱलोवा

¹² हीना गाल्‍यो़न ॱनागीन मी आकाईया साजागी पो़न्‍पो झ्‍युङी घाङला, याहुदापा रीङगा क्षाम्‍दी पाउलुला शीम्‍बालाक धेनी खोला पो़न्‍पोचारु ठीक्‍ती

जेपा 18:12 Iomraidhean Croise

मेथा 27:19

पीलातु ठीम्‍चो़गी ठीला धेती घाङला, खी़ केमीगी खोला लो़न दे कुरपालाक, “होदे मीगी झ्‍येरी, धीरीङ ॱङी ॱमीक्‍लामला ॱमीच्‍यीकी दुक्‍पु क्षे ङ्यावी। होझ्‍येरी होदे क्‍यो़न मेगीन मीला घीया माझ्‍यी।”

योहान्‍ना 19:13

पीलातुगी दे घोरती येशुला फीला ठीक्‍ती होवालाक धेनी खो “धोचेल” ॱनागीन ठीम्‍चो़गी ठीला धेपालाक। (ईब्‍रीपा केकला “गाब्‍बाथा” ॱनालाक।)

जेपा 13:12

चोवोगी ॱलापच्‍याला हो़गीन स्‍युक थोरी, पो़न्‍पो क्षेगो ॱमीच्‍यीकी ॱहालेवालाक धेनी खी़ चोवो खाला धेपा झ्‍येवालाक।

जेपा 13:50

हीना याहुदापाक्‍याई, याहुदापागी क्षो़लुक झ्‍यीगीन भोमो खाक्‍क्षेक्‍या धाङ ग्‍याजागी पो़न्‍पोक्‍याला खोक ग्‍यावालाक धेनी खुङक्‍याई होदे ग्‍याजागी मीक्‍याला, पाउलु धाङ बारनाबाला दुक्‍पु ताङयेला ॱलाप्‍पालाक। धेनी खुङ ॱङीउला होदे ग्‍यारापने फीला तो़न्‍बालाक।

जेपा 13:7

होदे ॱमीक्‍ठुल झ्‍यीगीन दे साईपुरुसगी सेरगेहु पाउलुस ॱनागीन, पो़न्‍पो क्षेगी नाङला डोजीक झ्‍यीदालाक। सेरगेहु पाउलुसगो मी खेवा च्‍यीक लाक। खोला को़न्‍क्षोकगी का ङेन्‍ये दो़पा झ्‍येरी, बारनाबा धाङ साउलला केक ताङदु झावालाक।

जेपा 13:8

हीना एलुमास ॱनागीन ॱमीक्‍ठुल झ्‍यीगीनगी (दे खी़ गीरीक मीङ लाक) बारनाबा धाङ साउलला दुक्‍पु तेरती, पो़न्‍पो क्षेगोला धेपाने खा ॱलोक्‍ये झ्‍येवालाक।

जेपा 14:19

होदे स्‍याम्‍ने आन्‍तीयोक धाङ ईकोनीयोन ग्‍याजाने, याहुदापा रीङगा होदुरु होवालाक धेनी खुङक्‍याई मीछोकगी घुङदु लाब शो़वालाक। खुङक्‍याई पाउलुला धोगोङगी श्‍युरपालाक धेनी खो स्‍यीवालाक साम्‍दी ढी़दी सोरी ग्‍याजा फीला तो़न्‍बालाक।

जेपा 14:2

हीना धेपा मीझ्‍यीगीन याहुदापाक्‍याई याहुदापा मेन्‍गीन मीक्‍याला खोक्‍पा ग्‍यारी, धेपा झ्‍यीगीनक्‍याई डाला ॱलावालाक।

जेपा 17:13

हीना पाउलुगी बेरोयादुवा को़न्‍क्षोकगी का स्‍येगीनगो, थेसालोनीके याहुदापाक्‍याई ॱहाघोरती, खुङक्‍या होदुरुवा होरी मीक्‍याला टुक्‍पालाक।

जेपा 17:5

हीना याहुदापा रीङगा ठादोक लारी ॱराङगाकगी मी ङेन्‍पाक्‍या ठीक्‍ती, ग्‍याजारु टुक्‍कीन लेगा झ्‍येवालाक। धेनी पाउलु धाङ सीलवानुला मीक्‍या दोङदु ठीक्‍ती हुङयेला, खुङक्‍या यासोनगी नाङला रुब्‍ती चारु सोवालाक।

जेपा 18:11

देरे झ्‍येरी पाउलु कोरीन्‍थु ग्‍याजारु को़न्‍क्षोकगी का ॱलाप्‍ती, लो च्‍यीक धाङ दावा ढुक धेपालाक।

जेपा 18:27

होदे स्‍याम्‍ने आपोल्‍लोसगी आकाईयारु डोये साम्‍लो तावालाक। धेनी एफीसुरु हो़गीन धेपा-झ्‍यीगीनक्‍याई, खोला होदुरु सोङ धेनी खोला घामोमा फेप्‍सु श्‍यु ॱनेरी, आकाईयागी ङेनेक्‍याला यीक ढीक्‍ती कुरपालाक। आकाईयारु ॱलेप्‍ती चोवोगी थुक्‍जेगी झ्‍येरी होवा धेपा-झ्‍यीगीनक्‍याला, आपोल्‍लोसगी ॱमीच्‍यीकी घा रोवा झ्‍येवालाक।

जेपा 19:21

होदे स्‍याम्‍ने पाउलुगी माकेडोनीया धाङ आकाईया ग्‍याजाने झ्‍युरी, येरुसालेमला डोये ढो़ झ्‍येवालाक। खी़ ॱनेवालाक, “येरुसालेमला सोरी ङा रोम ग्‍याजारुवा डोघोगुलाक।”

जेपा 25:10

हीना पाउलुगी ॱनेवालाक, “ङा रोमापा ग्‍यावुगी ठीम्‍खाङगी दोङदु लारी धेहो़क। दुरुराङ ङी ठीमगो चे घोगीलाक। धेनी ङी याहुदापाक्‍याई ग्‍यापला लेगा आ घीन्‍दा माझ्‍ये हो़तालाक ॱनेरी, खोङबाराङलाः क्षा हो़तालाक।

रोमापा 15:26

घीझ्‍येरी ॱनाना येरुसालेमदु हो़गीन को़न्‍क्षोकगी मी उटेक्‍याई क्षीदु, माकेडोनीया धाङ आकाईयागी क्षो़छोकक्‍याई श्‍यान्‍देप पुयेला ङ्यामो घादुक।

रोमापा 16:5

धेनी खुङक्‍याई नाङदु छुक्‍कीन क्षो़छोकला छाम्‍डी श्‍यी़। एशीया नाङने मास्‍यीकाला धेपा झ्‍यीगीन मी धाङस्‍योक हीन्‍गीन, ङी चेवे रोवा एपेनेतोला छाम्‍डी श्‍यी़।

१ कोरीन्‍थुपा 16:15

पी़नक्‍याओ, सेतेफानगी नाङमी नी आकाईयादु धेपा झ्‍यीगीन धाङस्‍योकगो लाक धेनी खुङक्‍याई धाम्‍पे मीक्‍याई श्‍याप्‍तोक पुयेगी क्षीदु राङला फी़ हो़तालाक ॱनेरी, खेक्‍याई स्‍येलालाक।

२ कोरीन्‍थुपा 1:1

को़न्‍क्षोकगी थुकोङ थोक्‍ने, मास्‍यीका येशुगी कुछाप, ङा पाउलु धाङ हीकी पी़न तीमोथेउने, कोरीन्‍थुरु हो़गीन को़न्‍क्षोकगी क्षो़छोक धाङ आकाईया नाङ घीरीरु हो़गीन धाम्‍पे मी घीरीला,

२ कोरीन्‍थुपा 11:10

धेनी ङी ङोम्‍सो झ्‍यीगीन दे मास्‍यीकागी धेन्‍पागो, ङी सेम नाङला हो़गीन थुक्‍पे, आकाईया युछोकदु सी़या काक ॱमीथुक्‍कीलाक।

२ कोरीन्‍थुपा 11:26

थेङ माङा डु ग्‍याई घाङला, ङाला चाङबुक्‍याई ङेन्‍का धाङ ज्‍याक्‍पाक्‍याई ङेन्‍का धाङ ङारी याहुदापा मीक्‍या धाङ याहुदापा मेन्‍गीन मीक्‍याई ङेन्‍का धाङ ढोङखेरक्‍याई ङेन्‍का धाङ रीतोङक्‍याई ङेन्‍का धाङ ग्‍याछोगी ङेन्‍का धाङ पी़न शोक्‍पोक्‍याई ङेन्‍काक्‍या ठेजुङ।

२ कोरीन्‍थुपा 9:2

घीझ्‍येरी ॱनाना खेक्‍या डाढीक हो़गीनगो, ङाला स्‍येयेहो़क। धेनी नाङी लोने राङ आकाईयागी मास्‍यीकावाक्‍या डाढीक दुक ॱनेरी, ङी माकेडोनीयागी मीक्‍याई दोङदु खेक्‍याई कोरला ङोम्‍सो झ्‍येरी ॱनेवी। धेनी खेक्‍याई श्‍यान्‍देप तेरयेला देरे दो़पा झ्‍यीगीनगी मी माङक्षेला, सेमस्‍युक पारदुक।

१ थेसालोनीकेपा 2:14

पी़न्‍दाक्‍याओ, युदेयारु हो़गीन येशु मास्‍यीकाला धेपा झ्‍यीगीन, को़न्‍क्षोकगी क्षो़छोकगी लेमो झ्‍यीगीन, खेक्‍या झ्‍युजुङ घीझ्‍येरी ॱनाना खुङक्‍याला याहुदापाक्‍याई दुक्‍पु ताङगीन च्‍योक्‍रे, खेक्‍यालाः खेरी राङगी मीक्‍याई दुक्‍पु तावालाक।

१ थेसालोनीकेपा 2:16

धेनी मीरीक श्‍येम्‍माक्‍याला थारपे लामगी कोरला स्‍येयेला, देक्‍याई होराङला काक्‍ये थापस्‍यी झ्‍येरी, राङगी धीक्‍पे छेगो साक्‍यी। हीना थाला को़न्‍क्षोकगी थुक्‍ठो़ खुङक्‍या खाला भाप्‍पालाक।

याकोब 2:6

हीना खेक्‍याई उटेक्‍याला थोङछुङ झ्‍येदुक। खेक्‍याला ॱनो़ क्‍यागीनगो, क्षुक्‍पुक्‍याराङ माले? धेनी खेक्‍याला ठीम्‍खाङदु ठीक्‍ती, डुगीनगोवा खुङक्‍याराङ माले?