जेपा 17:7 - ॱलोवा

⁷ धेनी यासोनगी खुङक्‍याला खोरी नाङदु श्‍याक्‍दुक। धेनी देक्‍या घीरीगी येशु ॱनागीन ग्‍यावु श्‍येम्‍मा च्‍यीक दुक ॱनेरी, रोमापा ग्‍यावुगी काठीमला ॱमीचीलालाक।”

जेपा 17:7 Iomraidhean Croise

लुका 10:38

धा येशु धाङ खोङबागी ङेनेक्‍या फेई घाङला, खोङबाक्‍या यु च्‍यीक नाङदु फेप्‍पालाक। धेनी मारथा ॱनागीन केमी च्‍यीकगी, खोङबाला मोरी नाङदु फेप्‍सु श्‍यी़वालाक।

लुका 23:2

खुङक्‍याई खोङबाला देरे क्‍यो़न चुक्‍ती ॱनेवालाक, “मी दी होरी मीक्‍याला खोक्‍पा ग्‍याङगीन धाङ रोमापा ग्‍यावु केसारला ठा ज्‍याङयेला, मीक्‍याला काक्‍कीन धाङ खोराङला ग्‍यावु मास्‍यीका हीन ॱनागीनगो, हीकी थोजुङ।”

योहान्‍ना 19:12

दे घोरती पीलातुगी खोङबाला ॱलो़ ताङये थापस्‍यी झ्‍येवालाक। हीना याहुदापा पो़न्‍पोक्‍याई देरे ॱनेरी फेरा ग्‍याप्‍पालाक, “खेराङगी दे मी देला ॱलो़ ताङना, खेराङ केसारगी ढोक्‍पो मेन। राङला ग्‍यावु चीगीन घीरीगी, केसारला ङोग्‍येल झ्‍यीदालाक।”

जेपा 16:21

धेनी होरी रोमापा ठीमला मेगीन धाङ चीये मेगीन क्षो़लुकक्‍या देक्‍याई ॱलावी।”

जेपा 17:5

हीना याहुदापा रीङगा ठादोक लारी ॱराङगाकगी मी ङेन्‍पाक्‍या ठीक्‍ती, ग्‍याजारु टुक्‍कीन लेगा झ्‍येवालाक। धेनी पाउलु धाङ सीलवानुला मीक्‍या दोङदु ठीक्‍ती हुङयेला, खुङक्‍या यासोनगी नाङला रुब्‍ती चारु सोवालाक।

जेपा 17:8

दे ॱहाघोरती ग्‍याजागी मीक्‍या धाङ पो़न्‍पोक्‍या ठुक्‍पालाक।

याकोब 2:25

देरेराङ झ्‍येरी राहाब ॱनागीन, श्‍याङचोङमागी मोरी नाङदु भाङछेनक्‍याला फेप्‍सु श्‍यी़री, खुङक्‍या डो़री डोयेला लाम्‍गा श्‍येम्‍मा स्‍योकला झावालाक। धा मोरी लेगागी थोक्‍ने, मो ढाङपो चीवा माले?

१ पेटो 2:15

घीझ्‍येरी ॱनाना को़न्‍क्षोकगी थुकोङ नी, खेक्‍याई शाङा झ्‍येरीराङ मी ॱलेन्‍पाक्‍याई तीमुकला खा काक्‍ये लाक।