जेपा 17:6 - ॱलोवा

⁶ धेनी होदुरु खोङ ॱङीउ ॱमाङेपा खुङक्‍याई यासोन धाङ श्‍येम्‍मा पी़न्‍दा रीङगाला, ग्‍याजागी पो़न्‍पोक्‍या दोङदु ढी़दी होरी, देरे केक ग्‍याप्‍पालाक, “घारु हीन्‍ना घीरीला टुक्‍तु च्‍युक्‍कीनक्‍या धा दुरुवा होदुक,

जेपा 17:6 Iomraidhean Croise

मेथा 24:14

धेनी ग्‍यासीगी ताम्‍शाङ दे जीक्‍तेन क्‍युनदु मीरीक घीरीगी क्षीला, पाङपो झ्‍येरी ख्‍याप्‍कीलाक धेनी थागो हुङगीलाक।

लुका 23:5

हीना खुङक्‍याई उजुक झ्‍येरी ॱनेवालाक, “दे मी दी गालील ग्‍यारापने गो चुक्‍ती, दे थुक्‍पे युदेया घीरीला राङगी क्षो़ ॱलाप्‍ती मीक्‍याला टुक्‍ई।”

जेपा 1:15

श्‍याक्‍मो तीते स्‍याम्‍ने येशुला धेपा-झ्‍यीगीन मी ग्‍याराङ ङीउ चो़गी खोक्‍दु, पेटो लारी देरे ॱनेवालाक,

जेपा 17:10

छेन्‍मु झ्‍युङलुङ मेताला धेपा-झ्‍यीगीन पी़नक्‍याई, पाउलु धाङ सीलवानुला बेरोया ग्‍याजारु झावालाक। धेनी खुङक्‍या होदुरु ॱलेप्‍ती, याहुदापाक्‍याई छोक्‍खाङ नाङदु सोवालाक।

जेपा 17:14

धेनी धेपा-झ्‍यीगीनक्‍याई पाउलुला उक्‍कुरा ग्‍याछो स्‍योकला झावालाक। हीना सीलवानु धाङ तीमोथेउगो होदुरुराङ धेपालाक।

जेपा 17:31

घीझ्‍येरी ॱनाना खोङबागी को़ ॱनाङगीन मी देगी क्षीने, जाम्‍बुलीङगी मी घीरीगी ठीमगो ढाङपो चेये ॱनेरी, खोङबागी ठीम चेगीन ङीमा दे को़ जे हो़तालाक। देगी पाङपोगो खोङबागी खोङला छीवाने याङ सो़न्‍पो श्‍याङ जेदी मी घीरीला तो़न जे हो़तालाक।”

जेपा 17:5

हीना याहुदापा रीङगा ठादोक लारी ॱराङगाकगी मी ङेन्‍पाक्‍या ठीक्‍ती, ग्‍याजारु टुक्‍कीन लेगा झ्‍येवालाक। धेनी पाउलु धाङ सीलवानुला मीक्‍या दोङदु ठीक्‍ती हुङयेला, खुङक्‍या यासोनगी नाङला रुब्‍ती चारु सोवालाक।

जेपा 24:5

मी दे ॱमीच्‍यीकी ॱङ्योक्‍टा ॱलाङगीन धाङ जाम्‍बुलीङ घीरीदु हो़गीन, याहुदापाक्‍याई खोक्‍दु टुक्‍कीन लेगा झ्‍येरी, ग्‍युक्‍कीन हीकी ॱङेजुङ। धेनी खो नाजारी ॱनागीन क्षो़लुकगी गोठीगोवा दुक।

जेपा 28:22

हीना हेक्‍या ख्‍यी़ तावा घारे हीन्‍गीनगो घोरङी दो़दीक घीझ्‍येरी ॱनाना घारु हीन्‍ना क्षो़लुक देला ङोलोक झ्‍यीगीनगो हेला स्‍येयेहो़क।”