जेपा 17:31 - ॱलोवा

³¹ घीझ्‍येरी ॱनाना खोङबागी को़ ॱनाङगीन मी देगी क्षीने, जाम्‍बुलीङगी मी घीरीगी ठीमगो ढाङपो चेये ॱनेरी, खोङबागी ठीम चेगीन ङीमा दे को़ जे हो़तालाक। देगी पाङपोगो खोङबागी खोङला छीवाने याङ सो़न्‍पो श्‍याङ जेदी मी घीरीला तो़न जे हो़तालाक।”

जेपा 17:31 Iomraidhean Croise

मेथा 10:15

ङा खेक्‍याला धेन्‍पाराङ ॱनाहीन, ठीम चेगीन ङीमागोला, होदे ग्‍याजाला सादोम धाङ गोमोरा ग्‍याजाक्‍याने ल्‍हाक ठीम फोक्‍कीलाक।”

मेथा 24:14

धेनी ग्‍यासीगी ताम्‍शाङ दे जीक्‍तेन क्‍युनदु मीरीक घीरीगी क्षीला, पाङपो झ्‍येरी ख्‍याप्‍कीलाक धेनी थागो हुङगीलाक।

लुका 22:22

घीझ्‍येरी ॱनाना थाक चेचागोला चीरी मी-भु डुगीलाक हीना खोला डाक्‍याई लागाला ची ग्‍याप्‍कीन मीगो ॱङ्यावाली।”

योहान्‍ना 12:48

ङाला ङोलोक झ्‍यीगीन धाङ ङी काक्‍या खे मेलेन्‍गीनक्‍याला ठीम्‍पो़न च्‍यीक हो़तालाक। ङी स्‍येगीन क्‍यागीराङ, थामे ङीमाला होदेगी ठीम ताङगीलाक।

योहान्‍ना 16:10

धेनी ढाङतेनगी कोरला ॱनाना, खेक्‍याई ङाला याङ नामा ॱमेथोङगीन, यापगी डुङदु ङा डोयेहीन।

योहान्‍ना 5:27

धेनी यापगी खोङला ठीम चेयेगी आङजा ॱनाङ हो़तालाक घीझ्‍येरी ॱनाना खोङबा मी-भु लाक।

जेपा 17:18

ईपीकुर धाङ स्‍तोयीकोसगी मी खेवाक्‍याने, रीङगागीयाः पाउलुमुला चो़लीङ झ्‍येवालाक। होदेक्‍याने रीङगागी, “दे खा दीक्‍कीन मी दे घी ॱनाले?” ॱनेरी ॱनेवालाक धेनी रीङगागी, “दे मी धेनी क्षीग्‍यागी ल्‍हाक्‍याई कोरला स्‍येली।” ॱनेरी ॱनेवालाक घीझ्‍येरी ॱनाना पाउलुगी येशु धाङ खोङबा छीवाने याङ सो़न्‍पो झ्‍युङगीनगी कोरला ताम्‍शाङ स्‍येपालाक।

जेपा 17:32

धा मी स्‍यीस्‍या याङ सो़न्‍पो लाङगीलाक ॱनेरी घोरती, मी रीङगागी पाउलुला घो़ स्‍योरती ॱमेज्‍यु तावालाक हीना मी श्‍येम्‍माक्‍याई ॱनेवालाक, “हेक्‍या देगी कोरला धोराङा ङेन्‍ङी दो़दीक।”

जेपा 17:6

धेनी होदुरु खोङ ॱङीउ ॱमाङेपा खुङक्‍याई यासोन धाङ श्‍येम्‍मा पी़न्‍दा रीङगाला, ग्‍याजागी पो़न्‍पोक्‍या दोङदु ढी़दी होरी, देरे केक ग्‍याप्‍पालाक, “घारु हीन्‍ना घीरीला टुक्‍तु च्‍युक्‍कीनक्‍या धा दुरुवा होदुक,

जेपा 2:32

“धा खोङराङ येशुला को़न्‍क्षोकगी छीवाने सो़न्‍दु च्‍युक्‍पालाक। धेनी दे लाबगी पाङपोगो होराङ घीरी हो़क।

जेपा 4:10

खेक्‍या धाङ ईस्‍राएलगी मीक्‍या घीरीगी ॱहाघोरास्‍योक, दे मी श्‍याक्‍योवा दे नाजारेतगी येशु मास्‍यीकागी छेनने चो़गा झ्‍युवालाक। खेराङक्‍याई खोङबाला ग्‍याङस्‍यीङ खाला क्‍याङबालाक हीना को़न्‍क्षोकगी खोङबाला छीवाने सो़न्‍पो श्‍याङा जेपालाक।

रोमापा 2:16

दे नी ङी सेटाक झ्‍येजा ताम्‍शाङला च्‍योक्‍रे, मास्‍यीका येशुगी थोक्‍ने को़न्‍क्षोकगी मीक्‍याई साङवे लेगाक्‍याई, ठीम चेगीन ङीमागोला झ्‍युङगीलाक।

रोमापा 2:5

हीना ख्‍यी़ राङगी सेम ग्‍योङा धाङ ग्‍यो़पा मीझ्‍यीदा सेम माग्‍युरकीनगी झ्‍येरी, को़न्‍क्षोकगी ढाङतेनगी ठीम्‍चो़ ॱङो़न्‍गीन खोङबागी थुक्‍ठो़गी ङीमागी क्षीला, ख्‍यो़ राङगी खाला को़न्‍क्षोकगी थुक्‍ठो़ साःलाक।

१ कोरीन्‍थुपा 4:5

होझ्‍येरी को़का धी़गो माभाप्‍कीन एन्‍ला, मी सी़याः ठीम ॱमाचे। धेनी चोवो फेप्‍कीन थुक्‍पे घुक्‍ती धो़क। खोङबागी मी़नाकगी नाङ बेरी श्‍याक्‍सा, लाब घीरी हो़ला ॱङो़न जेगीलाक धेनी मीगी सेम्‍बे क्षास्‍यीक्‍या ॱङो़न जेगीलाक। धेनी होदे घाङला मी रे-रेगी, को़न्‍क्षोकने राङगी तो़पा थोप्‍कीलाक।

२ कोरीन्‍थुपा 5:10

घीझ्‍येरी ॱनाना होराङ घीरी मास्‍यीकागी ठीम्‍चो़गी, श्‍युक्‍ठी दोङदु लाङ घोगुलाक। देरे झ्‍येरी ली़ दे नाङ हो़ताराङ, शाङा याङना ङेन्‍पा घी झ्‍यीगीनगोला तेन्‍ती, होदेगी ढेबुगो होराङ रे-रेला थोप्‍कीलाक।

२ तीमोथेउ 4:1

को़न्‍क्षोकगी दोङदु धाङ सो़न्‍पो धाङ स्‍यीम्‍बु ॱङीगी ठीम्‍चो़ जेगीन, मास्‍यीका येशुगी दोङदु धेनी खोङबागी धाब्‍ले फेप्‍सु धाङ ग्‍यासीला तेन्‍दी, ङा ख्‍यो़ला देरे च्‍याक ग्‍याहीन।

ईब्‍रीपा 6:2

धेनी ठी़सो़ धाङ लाक्‍पा श्‍याक्‍ये धाङ छीवाने ॱलार सो़न्‍ये धाङ थामेपे ठीम्‍चो़क्‍याई कोरला, ॱलापच्‍याक्‍या धाब्‍ले ॱलाप घोये मेतालाक।

२ पेटो 3:7

हीना को़न्‍क्षोकगी होदे कागी थोक्‍नेराङ, धान्‍दागी ॱनाम-सा ॱङीला मेगी ॱराक्‍येगी क्षीदु श्‍याक हो़तालाक धेनी ठीम्‍चो़गी ङीमा धाङ को़न्‍क्षोकगी काला मेङेन्‍गीनक्‍याला चामेदु ताङयेगी धी़ थुक्‍पेगी क्षीदु, श्‍याक हो़तालाक।