जेपा 17:30 - ॱलोवा

³⁰ एम्‍मा-एम्‍मा मीक्‍याई को़न्‍क्षोकला ङो ॱमेस्‍येगीन धी़चो़गो, को़न्‍क्षोकगी या माझ्‍येवालाक हीना धान्‍दा खोङबागी मी घीरीला राङ-राङगी धीक्‍पाला ग्‍यो़पा झ्‍येरी, खोङबा स्‍योकला लोक ॱनेरी का ॱनावालाक।

जेपा 17:30 Iomraidhean Croise

मेथा 20:7

खुङक्‍याई ॱनेवालाक, ‘मी सी़या हेक्‍याला ॱलाला लेगा कुगी मीदुक।’ खी़ खुङक्‍याला ॱनेवालाक, ‘खेक्‍याः घुन्‍डुमगी दुम्‍रादु लेगा झ्‍यीरु सोङ।’

मेथा 3:2

“धीक्‍पा पारी सेम ग्‍युरवा तोङ घीझ्‍येरी ॱनाना नाम्‍खे ग्‍यासी ङ्ये ॱलेप्‍सादुक।”

मेथा 4:17

“देने ॱहाला येशुगी, ‘नाम्‍खे ग्‍यासी ङ्ये ॱलेप्‍दुक होझ्‍येरी खेक्‍याई धीक्‍पा पारी सेम ग्‍युरवा तोङ।’ सुरी क्षो़ तो़न्‍ये गो चुक्‍पालाक।”

मारकु 1:15

खोङबागी सुवालाक, “धा धी़चो़ ॱलेप्‍सालाक धेनी को़न्‍क्षोकगी ग्‍यासी ङ्ये ॱलेप्‍दुक। सेम ग्‍युरवा तोङ धेनी ताम्‍शाङला धेपा झ्‍यी।”

मारकु 6:12

धेनी खुङक्‍या होदेने सोरी मीक्‍याला धीक्‍पा पारी, सेम ग्‍युर घो़गीलाक ॱनेरी क्षो़ ॱलाप्‍पालाक।

लुका 13:5

देरे मालाक ॱनेरी ङा खेक्‍याला ॱनाहीन। हीना खेक्‍या धीक्‍पा पारी सेम मीग्‍युरना, खेक्‍याः घीरी होदेरेराङ झ्‍येरी स्‍यीगीलाक।”

लुका 15:10

ङा खेक्‍याला ॱनाहीन, देरे झ्‍येरीराङ धीक्‍पा पारी, सेम ग्‍युरकीन धीक्‍चेन च्‍यीकगी क्षीला, को़न्‍क्षोकगी भाङछेनक्‍याई डुङदु घाटो झ्‍युङगीलाक।”

लुका 24:47

धेनी येरुसालेमने गो चुक्‍ती, मीरीक घीरीला खोङबागी छेनने धीक्‍पागी ग्‍यो़पा धाङ घोयाङगी कोरला क्षो़ स्‍येघो़गीलाक।

जेपा 11:18

धेनी दे ॱहाघोरती खुङक्‍याई पेटोला क्‍यो़न चुक्‍ये भोरती, को़न्‍क्षोकला तो़पा देरे पुवालाक, “धा ॱहाना को़न्‍क्षोकगी याहुदापा मेन्‍गीनक्‍यालाः खोरी धीक्‍पा पारी सेम ग्‍युरये धाङ थामेपे छेसोक थोप्‍येगी घुकाप ॱनाङदुक।”

जेपा 14:16

एम्‍मागी मीक्‍याला को़न्‍क्षोकगी, राङ थेगीनगो झ्‍यीदु च्‍युक जेपालाक।

जेपा 17:23

खीकी ग्‍याजाने डी़ घाङला ङी खेक्‍याई क्षो़ झ्‍यीजा च्‍यालाकक्‍याला तेवी। होदुरु ङी क्षो़ठी च्‍यीकला देरे ढीक्‍टा च्‍यीक थोजुङ, ‘ङो ॱमेस्‍येगीन ल्‍हागी क्षीला’। धा खेक्‍याई ङोमेस्‍येलाला चीगीन ल्‍हागो सु लाक ॱनेरी, ङी खेक्‍याला ॱनाउ।

जेपा 20:21

धेनी याहुदापाक्‍या धाङ गीरीकक्‍याला को़न्‍क्षोक स्‍योकला राङ-राङगी धीक्‍पा पारी, सेम ग्‍युरती हुङये धाङ होरी चोवो येशु मास्‍यीकाला धेपा झ्‍यी ॱनेरी स्‍येवी।

जेपा 3:19

होझ्‍येरी धा खेराङक्‍या राङगी धीक्‍पा पारी सेम ग्‍युरवा तोङ धेनी को़न्‍क्षोक चारु लोक्‍ती स्‍योक। धेनी खोङबागी खेराङक्‍याई धीक्‍पा घीरी चाङमा जेगीलाक। देरे झ्‍येरी खेराङक्‍याला को़न्‍क्षोकने सेम नाङदु कीदा धाङ स्‍युक जोरकीलाक।

रोमापा 1:28

धा खुङक्‍याई को़न्‍क्षोकला ची घोगीनगो क्षा माश्‍याक्‍पा, को़न्‍क्षोकगी खुङक्‍याला खोरी साम्‍लो ॱलेन्‍दा नाङला, झ्‍यी ॱमेछोक्‍कीन लेगाक्‍या झ्‍यीदु च्‍युक जेपालाक।

रोमापा 2:4

याङना को़न्‍क्षोकगी ॱङीङजे नी, ख्‍यो़ला ग्‍यो़पा झ्‍यीदु च्‍युक्‍ती सेम ग्‍युरतु च्‍युक्‍येला हीन्‍गीनगो ॱहामाघोवा, ख्‍यो़ खोङगी ॱङीङजे क्षेन्‍बो धाङ थुकॱरेन धाङ थुक्‍शो़ला थोङछुङ झ्‍यीदाले?

रोमापा 3:23

घीझ्‍येरी ॱनाना मी घीरीगी धीक्‍पा झ्‍ये हो़तालाक धेनी को़न्‍क्षोकगी शीजेने ग्‍याङ रीङदु शो़ हो़तालाक।

रोमापा 3:25

धेनी खोङ मास्‍यीकागी कुठाक ॱली़री, धीक्‍पा सेल्‍येगी ॱमारछो़ झ्‍युङयेला, को़न्‍क्षोकगी खोङला पुवालाक। दे नी धेपा झ्‍येरी च्‍यीगा थोप्‍कीलाक। धेनी दे को़न्‍क्षोकगी राङगी ढाङतेन ॱङो़न्‍येगी क्षीदु जेपालाक घीझ्‍येरी ॱनाना एम्‍मा को़न्‍क्षोकगी शो़पा जेदी, मीक्‍याई झ्‍येजा धीक्‍पाक्‍याला छेपा का माजेपालाक।

२ कोरीन्‍थुपा 7:10

को़न्‍क्षोकगी थुकोङला हो़गीन सेम क्‍योगीनगी, सेम ग्‍युरतु च्‍युक्‍वालाक धेनी दी होराङला थारपा ॱनाङालाक। धेनी होदुरु ग्‍यो़पा मेयोङालाक हीना जीक्‍तेनगी सेम क्‍योयेगी छीवा खेरती हुङालाक।

१ पेटो 4:3

घीझ्‍येरी ॱनाना खेक्‍याई एम्‍मा धेपा मीझ्‍यीगीन मीक्‍या च्‍योक्‍रे, लोक्‍येम धाङ दो़क्षाक धाङ रा शीगीन धाङ क्षोमेगीन तेमो धाङ क्षाङ-आराकगी थुक्‍ठो़ धाङ आम्‍लोवा ल्‍हाकुन्‍डाला क्षो़गीन लेगाक्‍याला धी़चो़ माङा क्‍यावालाक।