जेपा 17:24 - ॱलोवा

²⁴ जाम्‍बुलीङ धाङ देला हो़गीन घीरी को़ ॱनाङगीन, को़न्‍क्षोकराङ नाम्‍खे श्‍यीङखाम धाङ जाम्‍बुलीङगी चोवो लाक। खोङबा मीक्‍याई शो़सा ल्‍हाखाङदु मीश्‍युक्‍वालाक।

जेपा 17:24 Iomraidhean Croise

मेथा 11:25

होदे घाङला येशुगी सुवालाक, “के याप, नाम्‍खा धाङ सा ॱङीगी चोवो, खेकी दो़न दे खेपाक्‍या धाङ ॱहाघोगीनक्‍याने ॱयीप जेदी, टुवा च्‍योक्‍रेक्‍याला ॱङो़न्‍दा जेदी, खेराङला ङा तो़पा पुलाहीन।

मेथा 5:34

हीना ङा खेक्‍याला ॱनाहीन, ॱना नामा ॱमाक्‍या। धेनी नाम्‍खे श्‍यीङखाम पाङपो चुक्‍ती ॱना ॱमाक्‍या घीझ्‍येरी ॱनाना नाम्‍खे श्‍यीङखाम दे, को़न्‍क्षोकगी श्‍युक्‍ठी लाक।

लुका 10:21

होदे घाङला येशु धाम्‍पे थुक्‍ङीगी थोक्‍ने ङ्यामो घेरी सुवालाक, “नाम्‍खा धाङ जाम्‍बुलीङगी चोवो, ङी याप, खेराङला ङा तो़टा पुलाहीन। घीझ्‍येरी ॱनाना खेराङगी दे लाबक्‍या खेवाक्‍या धाङ रीक्‍पा च्‍याङाक्‍याने साङा जेदी, टुवाक्‍याला तो़न जेपालाक। लाक याप, देराङ खेराङगी थुकोङ शाङपोगो लाक।

योहान्‍ना 1:1

थोक्‍मा का हो़तालाक धेनी का दे को़न्‍क्षोकमुला श्‍युक हो़तालाक धेनी का दे को़न्‍क्षोक लाक।

जेपा 14:15

“खेराङक्‍याई दे घी झ्‍यीदाले? हेक्‍याः खेराङक्‍या च्‍योक्‍रे मी हीन। हेक्‍या खेराङक्‍याला ताम्‍शाङ स्‍येये ॱनेरी होवाहीन। देरे क्षोमेगीन लेगा भोरती, नाम्‍खे श्‍यीङखाम धाङ जाम्‍बुलीङ धाङ ग्‍याछो धेनी होदुरु हो़गीन घीरी को़ ॱनाङगीन, सो़न्‍पो को़न्‍क्षोकला यीच्‍चे झ्‍यीघोगुलाक।

जेपा 4:24

धेनी खुङक्‍याई होदे लाब ङेन्‍दी, खुङक्‍या घीरी धेप च्‍यीकला को़न्‍क्षोकला ॱमो़लाम दे पुवालाक, “चोवो को़न्‍क्षोक, खेराङगी नाम्‍खे श्‍यीङखाम धाङ जाम्‍बुलीङ धाङ ग्‍याछो धाङ देक्‍याला हो़गीन घीरी को़ ॱनाङसोङ।

जेपा 7:48

“हीना मीगी शो़सा क्षो़खाङदु ॱलानामेपे को़न्‍क्षोक श्‍युक्‍कीमालाक। ॱङो़नस्‍येखेनक्‍याई देरे सुङ हो़तालाक,

रोमापा 1:19

को़न्‍क्षोकगी कोरला घी ॱहाघो थुप्‍कीनगो, खुङक्‍याला सावो हो़तालाक घीझ्‍येरी ॱनाना को़न्‍क्षोक राङगी खुङक्‍याला सावो तो़न जे हो़तालाक।

ईब्‍रीपा 1:2

हीना दे थामे धी़क्‍याला, खोङबागी राङगी सेगी थोक्‍ने, होराङक्‍याला का ॱनाङ हो़तालाक। धेनी राङगी सेला ॱङोपो घीरीगी खाला ग्‍युज्‍यीन को़वालाक धेनी खोङगी थोक्‍नेराङ जीक्‍तेन खाम घीरी को़ जेपालाक।

ईब्‍रीपा 3:4

घीझ्‍येरी ॱनाना खाङबा रे-रेला चीक्‍खेन रे-रे हुङालाक हीना घीरी चीक्‍कीनगो नी, को़न्‍क्षोक लाक।

ॱङो़न्‍पा 20:11

धेनी ङी श्‍युक्‍ठी काउ क्षे च्‍यीक धाङ होदे खाला श्‍युक्‍कीनला थोजुङ। खोङबागी डुङने साश्‍यी धाङ ॱनाम डो़री लाजुङ धेनी होदे ॱङीउगी क्षीदु ॱनेसा माजोप्‍पालाक।