जेपा 17:23 - ॱलोवा

²³ खीकी ग्‍याजाने डी़ घाङला ङी खेक्‍याई क्षो़ झ्‍यीजा च्‍यालाकक्‍याला तेवी। होदुरु ङी क्षो़ठी च्‍यीकला देरे ढीक्‍टा च्‍यीक थोजुङ, ‘ङो ॱमेस्‍येगीन ल्‍हागी क्षीला’। धा खेक्‍याई ङोमेस्‍येलाला चीगीन ल्‍हागो सु लाक ॱनेरी, ङी खेक्‍याला ॱनाउ।

जेपा 17:23 Iomraidhean Croise

मेथा 15:9

खुङक्‍या ङाला दो़न मेताला क्षाक छाला लाक, घीझ्‍येरी ॱनाना खुङगी ॱलापच्‍याक्‍या, मीक्‍याई चोम्‍चा ठीमक्‍या च्‍यीगा लाक।’”

योहान्‍ना 17:25

“के ढाङतेनगी याप, जीक्‍तेनगी खेराङला ॱमेस्‍येनाः ङी खेराङला ङोस्‍येलीहो़क। धेनी खेराङगी ङाला ॱङाक्‍पालाक ॱनेरी ङेनेक्‍याई स्‍येलालाक।

योहान्‍ना 17:3

धा थामेपे छेसोक ॱनाना, खेराङ को़न्‍क्षोक धेन्‍पाला ङोस्‍येये धाङ खेराङगी ॱङाक्‍पे, येशु मास्‍यीकाला ङो स्‍येयेगो लाक।

योहान्‍ना 4:22

खेक्‍याई सुला क्षाक्‍क्षो़पा पुगीनगो ॱमेस्‍येलालाक धेनी हेक्‍याई सुला क्षाक्‍क्षो़पा पुगीनगो स्‍येलालाक घीझ्‍येरी ॱनाना थारपा याहुदापाक्‍याने झ्‍युङगीलाक।

योहान्‍ना 8:54

येशुगी सुवालाक, “ङी ङाराङला कुरती झ्‍यीना, ङी कुरती दे दो़न मेगीन झ्‍युङगीलाक। खेक्‍याई ‘खोङ नी हीकी को़न्‍क्षोक लाक’ ॱनेरी ॱनागीन, खोङबा ङी यापगीराङ ङाला कुरती जेगीलाक।

जेपा 17:30

एम्‍मा-एम्‍मा मीक्‍याई को़न्‍क्षोकला ङो ॱमेस्‍येगीन धी़चो़गो, को़न्‍क्षोकगी या माझ्‍येवालाक हीना धान्‍दा खोङबागी मी घीरीला राङ-राङगी धीक्‍पाला ग्‍यो़पा झ्‍येरी, खोङबा स्‍योकला लोक ॱनेरी का ॱनावालाक।

रोमापा 1:28

धा खुङक्‍याई को़न्‍क्षोकला ची घोगीनगो क्षा माश्‍याक्‍पा, को़न्‍क्षोकगी खुङक्‍याला खोरी साम्‍लो ॱलेन्‍दा नाङला, झ्‍यी ॱमेछोक्‍कीन लेगाक्‍या झ्‍यीदु च्‍युक जेपालाक।

१ कोरीन्‍थुपा 1:21

को़न्‍क्षोकगी स्‍येरापगी नाङ, दे जीक्‍तेनगी मीक्‍याई राङगी स्‍येरापगी गोने, को़न्‍क्षोकला ङो ॱमेस्‍येगीन झ्‍येरी, होरी ताम्‍शाङ स्‍येगीन क्षोमेगीन लेगागी थोक्‍ने धेपा झ्‍यीगीनक्‍याला क्‍योप्‍येला, को़न्‍क्षोक थुक घेवालाक।

१ कोरीन्‍थुपा 8:5

मी रीङगाक्‍याई ॱनाम-सा ॱङी नाङला, श्‍युक्‍कीन ल्‍हाक्‍या ॱङोन्‍ने हो़तालाक ॱनेरी ॱनालाक। धेनी मीङ च्‍यीगागी ल्‍हाक्‍या हो़ना,

एफीसुपा 2:12

होदे धी़ला खेक्‍या मास्‍यीकाने खा ढाडा धेनी ईस्‍राएल्‍पा मीरीकगी थोप्‍ताङने, पी़दी श्‍याकश्‍या धेनी को़न्‍क्षोकगी धाम्‍चाक्‍या स्‍येये मेगीन धेनी रेवा मेगीन धाङ दे जीक्‍तेनदु को़न्‍क्षोकमुला ढेवा मेगीन हो़तालाक, ॱनेरी ढेन्‍सो़ झ्‍यी।

२ थेसालोनीकेपा 2:4

मी दी ल्‍हा ॱनागीन धाङ क्षाक्‍क्षो़पा पुगीन घीरीला ङोलोक झ्‍येरी, खोराङ होदे घीरीगी थोकला धेगीलाक। धेनी को़न्‍क्षोकगी क्षो़खाङ नाङला धेती, राङ-राङला को़न्‍क्षोक हीन ॱनागीलाक।

१ तीमोथेउ 1:17

धी़ तेन्‍दु ॱनेगीन ग्‍यावु, जोक्‍ये मेगीन, ॱमीकगी थोङ ॱमीथुप्‍कीन को़न्‍क्षोक च्‍यीक च्‍यीक्‍पोला, ग्‍युने ग्‍युन्‍दु कुरती धाङ तो़पा झ्‍युङवास्‍योक। आमेन।

१ योहान्‍ना 5:20

को़न्‍क्षोकगी से फेप्‍पालाक धेनी को़न्‍क्षोक धेन्‍पा हीन्‍गीनगोला ङो स्‍येयेगी क्षीदु खोङगी होराङला स्‍येयो़न ॱनाङगीनगो, होराङला स्‍येये हो़तालाक। धेनी खोङगी से येशु मास्‍यीकागी थोक्‍ने, होराङ खोङ धेन्‍पागी नाङ ॱनेलालाक। खोङराङ को़न्‍क्षोक धेन्‍पा धाङ थामेपे छेसोकगो लाक।