जेपा 17:1 - ॱलोवा

¹ पाउलु धाङ सीलवानु आम्‍फीपोली धाङ आपोल्‍लोनीया ग्‍याजाने झ्‍युरी, थेसालोनीकेरु होवालाक। होदुरु याहुदापा छोक्‍खाङ च्‍यीक हो़तालाक।

जेपा 17:1 Iomraidhean Croise

जेपा 14:1

आन्‍तीयोकदु च्‍योक्‍रे, पाउलु धाङ बारनाबा ईकोनीयोन ग्‍याजालाः याहुदापाक्‍याई छोक्‍खाङदु सोरी, होदुरु खुङक्‍याई क्षो़ स्‍युक क्षे स्‍येदी, ॱमीच्‍यीकी माङा याहुदापा धाङ गीरीक मीक्‍या चोवोला धेपा-झ्‍यीगीन झ्‍युवालाक।

जेपा 15:21

घीझ्‍येरी ॱनाना मोशेगी ॱनाङना क्षो़ठीमगो एम्‍मानेराङ, ङासुगीन ङीमा तेनग्‍याङ छोक्‍खाङक्‍याला ढोक्‍कीन झ्‍येरी, खी़ ॱलापच्‍याक्‍या ग्‍याजा घीरीला स्‍ये हो़तालाक।”

जेपा 16:13

ग्‍याजागी फीला चाङबुगी थामाला याहुदापाक्‍याई सोवा ग्‍याप्‍जा साजा हो़टु ॱनेरी, साम्‍दी हेक्‍या ङासुगीन ङीमाला होदुरु सोवी। धेनी होदुरु जोम्‍दी धेता भोमोक्‍यामुला धेदी लाब तावी।

जेपा 17:10

छेन्‍मु झ्‍युङलुङ मेताला धेपा-झ्‍यीगीन पी़नक्‍याई, पाउलु धाङ सीलवानुला बेरोया ग्‍याजारु झावालाक। धेनी खुङक्‍या होदुरु ॱलेप्‍ती, याहुदापाक्‍याई छोक्‍खाङ नाङदु सोवालाक।

जेपा 17:11

होदे ग्‍याजागी याहुदापाक्‍या थेसालोनीके याहुदापाक्‍यानेः ॱनावा याङा हो़तालाक। खुङक्‍याई पाउलुगी क्षो़ला ॱमीच्‍यीकी दो़नाङ झ्‍येरी ङेन्‍बालाक धेनी खी़ ॱनागीन लाबक्‍या धेन्‍पा लाक याङना मालाक ॱनेरी, श्‍याक्‍मो-श्‍याक्‍मोला सुङराप ढोक्‍ती तालाक।

जेपा 17:13

हीना पाउलुगी बेरोयादुवा को़न्‍क्षोकगी का स्‍येगीनगो, थेसालोनीके याहुदापाक्‍याई ॱहाघोरती, खुङक्‍या होदुरुवा होरी मीक्‍याला टुक्‍पालाक।

जेपा 20:4

होदे ढु ग्‍याप्‍येला खोमुला श्‍येम्‍मा मीक्‍याः हो़तालाक। होदेक्‍या बेरोया ग्‍याजागी पुररुसगी भीजा, सोपातेर धाङ थेसलोनीके ग्‍याजागी आरीस्‍तारकु धाङ सेकुनदु धाङ धेरबे ग्‍याजागी गायु धेनी तीमोथेउ धाङ एशीया स्‍योकने होवा, तुखीकोस धाङ तोरोफीमोस लाक।

जेपा 27:2

हेक्‍या एडामीतीम ग्‍याजाने डुला श्‍यो़न्‍दी, एशीयागी डामगी डु भापछुकदु सोवी। माकेडोनीयागी थेसालोनीके ग्‍याजाने होवा, आरीस्‍तारकु हीकीमुला हो़तालाक।

फीलीप्‍पीपा 4:16

घीझ्‍येरी ॱनाना ङा थेसालोनीकेरु हो़ताराङ, खेक्‍याई थेङ च्‍यीकने माङा ङाला घो़गीनगो कुरजुङ।

१ थेसालोनीकेपा 1:1

पाउलु धाङ सीलवानु धाङ तीमोथेउ सुमने, थेसालोनीकेरु हो़गीन, याप को़न्‍क्षोक धाङ चोवो येशु मास्‍यीकागी क्षो़छोकला, थुक्‍जे धाङ श्‍यीदे हुङास्‍योक।

१ थेसालोनीकेपा 2:2

हेक्‍याई फीलीप्‍पीरु दुक्‍पु धाङ ॱमेटा ङ्याङगीनगो, खेक्‍याला स्‍येये हो़तालाक हीना ङोलोक स्‍युक्‍क्षेगी खोक्‍ने, को़न्‍क्षोकगी ताम्‍शाङ खेक्‍याला ख्‍याप्‍टाक झ्‍यीयेला, को़न्‍क्षोकने हेक्‍याला ॱङीङतोप जोरजुङ।

२ थेसालोनीकेपा 1:1

पाउलु धाङ सीलवानु धाङ तीमोथेउ सुमगी, थेसालोनीकेदु हो़गीन, याप को़न्‍क्षोक धाङ चोवो येशु मास्‍यीकागी क्षो़छोकला,

२ तीमोथेउ 4:10

घीझ्‍येरी ॱनाना देमा, जीक्‍तेन देला छाक्‍ती ङाला पारी थेसालोनीकेरु लाजुङ। धेनी कारेसीकेन नी, गालातीया यु स्‍योकदु लाजुङ धेनी तीतोस नी दालमातीया यु स्‍योकदु लाजुङ।