जेपा 16:9 - ॱलोवा

⁹ होदे घोमुराङ पाउलुगी थोङनाङला माकेडोनीया स्‍योकगी, मी च्‍यीक लारी देरे श्‍योवा पुगीनगो थोवालाक, “खेराङ माकेडोनीयाला फेप्‍रोनाङ धेनी हेक्‍याला रोवा जेरोनाङ।”

जेपा 16:9 Iomraidhean Croise

जेपा 10:3

श्‍याक्‍मो च्‍यीक ङीङमो छुची सुम्‍बा चो़ला, खी़ थोङनाङला को़न्‍क्षोकगी भाङछेन च्‍यीक ॱमीच्‍यीकी साला थोरी, खोला देरे ॱनेवालाक, “कोरनेलीहु।”

जेपा 10:30

कोरनेलीहुगी लेन तेरपालाक, “ङीमा श्‍यी एन्‍ला दे धी़चो़ देलाराङ, ङीङमो छुची सुम्‍बा चो़ला, ङा ङारी नाङदु ॱमो़लाम ग्‍याप्‍ती धेहो़क। धेनी ॱहाताक्‍पाला हो़क ग्‍याप्‍कीन घोलाक घो़न्‍गा, मी च्‍यीक ङी दोङदु लारी धेजुङ

जेपा 16:10

पाउलुगी होदेरे थोङनाङ थोरी, हेक्‍या उक्‍कुरा माकेडोनीया स्‍योकला डोये डाढीक झ्‍युवी। घीझ्‍येरी ॱनाना होदे साजागी मीक्‍याला चोवोगी ताम्‍शाङ स्‍येयेला, को़न्‍क्षोकगीराङ भो़ जेपालाक ॱनागीन लाब, हेक्‍याला क्षा झ्‍युजुङ।

जेपा 16:12

होदेने माकेडोनीया स्‍योकगी चो ग्‍याजा फीलीप्‍पी स्‍योकला, हेक्‍या घोबा चुक्‍ती सोवी। होदे ग्‍याजागो रोमापाक्‍याई आङजाला हो़तालाक। होदुरु हेक्‍या ङीमा घाजीङ धेवी।

जेपा 18:5

सीलवानु धाङ तीमोथेउ माकेडोनीयाने ॱलेप्‍ती, पाउलुगी खोरी धी़चो़ घीरी याहुदापाक्‍यामुला, येशुराङ मास्‍यीका लाक ॱनागीन लाबगी पाङपो तेरये धाङ ताम्‍शाङ स्‍येयेला केलालाक।

जेपा 19:21

होदे स्‍याम्‍ने पाउलुगी माकेडोनीया धाङ आकाईया ग्‍याजाने झ्‍युरी, येरुसालेमला डोये ढो़ झ्‍येवालाक। खी़ ॱनेवालाक, “येरुसालेमला सोरी ङा रोम ग्‍याजारुवा डोघोगुलाक।”

जेपा 19:22

धेनी खी़ खोरी लेरोक तीमोथेउ धाङ एरास्‍तुला, माकेडोनीया स्‍योकला झावालाक हीना खोराङगो एशीयारु राङ धेपालाक।

जेपा 19:29

धेनी लाम्‍साङ होदे ग्‍याजा नाङ घीरीदु ॱमीच्‍यीकी फेरा झ्‍युवालाक। मीक्‍या छाङगा ग्‍याप्‍ती होवालाक धेनी माकेडोनीयाने होवा पाउलुगी रोवा गायु धाङ आरीस्‍तारकुला, शीम्‍दी ग्‍याजागी तेमोखाङदु ठीक्‍पालाक।

जेपा 20:1

होदे फेरा घीरी तीङचोई झ्‍युसारती, पाउलुगी धेपा-झ्‍यीगीनक्‍याला मुला रुप्‍ती, खुङक्‍याला सेमस्‍युक पारकीन लाब स्‍येपालाक। धेनी घोङपा श्‍यी़री माकेडोनीया स्‍योकला सोवालाक।

जेपा 20:3

होदुरु दावा सुम थुक्‍पे धेपालाक। होदे स्‍याम्‍ने पाउलुगी सीरीयाला ग्‍याछोने डोये साम्‍लो तावालाक। देरे डोये झ्‍यीदी घाङला, याहुदापाक्‍याई खी़ छीला ढो़ ङेन्‍पा झ्‍यीगीनगो खी़ ॱहाघोरती, खो धाब्‍ले माकेडोनीयाने घोबा चुक्‍ती डोये ढो़ झ्‍येवालाक।

जेपा 27:2

हेक्‍या एडामीतीम ग्‍याजाने डुला श्‍यो़न्‍दी, एशीयागी डामगी डु भापछुकदु सोवी। माकेडोनीयागी थेसालोनीके ग्‍याजाने होवा, आरीस्‍तारकु हीकीमुला हो़तालाक।

जेपा 9:38

योफा लुडा ग्‍याजाने ङ्येमोमा हो़तालाक। धेनी योफारु हो़गीन धेपा झ्‍यीगीनक्‍याई पेटो लुडारु दुक ॱनेरी घोरती, मी ॱङी झारी लो़न दे कुरपालाक, “हो़च्‍चो़-हो़च्‍चो़, मागोरा हीकी चारु लाम्‍साङ फेप्‍रोझ्‍यी।”

रोमापा 15:26

घीझ्‍येरी ॱनाना येरुसालेमदु हो़गीन को़न्‍क्षोकगी मी उटेक्‍याई क्षीदु, माकेडोनीया धाङ आकाईयागी क्षो़छोकक्‍याई श्‍यान्‍देप पुयेला ङ्यामो घादुक।

२ कोरीन्‍थुपा 11:9

ङा खेक्‍यामुला हो़ती घाङला, ङाला खो़चे रे घो़ली घाङला, ङा सी़ क्षीदुवाः घाक्‍वा माझ्‍यु घीझ्‍येरी ॱनाना माकेडोनीयाने होवा पी़नक्‍याई ङाला घो़गीनगो तेरजुङ। होझ्‍येरी घीन्‍गी थोक्‍ने हीन्‍ना, खेक्‍याला काल्‍ले मेशोयेगी क्षीदु, ङी राङला काक्‍पी धेनी माउपारला काक्‍येहीन।

२ कोरीन्‍थुपा 12:7

ङाला ॱङो़न्‍गीन साल्‍तो़नगो ग्‍याक्षे झ्‍येरी, ङा राङला ॱमीच्‍यीकी क्षे ॱमाचीवास्‍योक ॱनेरी, ङी ली़ला छेम्‍मा च्‍यीक ॱनाङसोङ। धेनी दे नी ङाला दुक्‍पु ताङयेला, धी़ सातानगी भाङछेन च्‍यीक लाक।

२ कोरीन्‍थुपा 7:5

हेक्‍या माकेडोनीयारु ॱलेप्‍सारतीयाः, हीकी शुला ङासु थोप्‍की मीदुक हीना छोक घीरीने हेक्‍याला दुक्‍पु ठेपालाक। फीला धुगा धाङ सेमला जीक्‍नाङ झ्‍युजुङ।

२ कोरीन्‍थुपा 8:1

पी़नक्‍याओ, को़न्‍क्षोकगी माकेडोनीयागी क्षो़छोकक्‍याला ॱनाङना थुक्‍जेगी कोरला, खेक्‍याई ॱहाघोकीनगो हेक्‍या दो़दीहो़क।

२ कोरीन्‍थुपा 9:2

घीझ्‍येरी ॱनाना खेक्‍या डाढीक हो़गीनगो, ङाला स्‍येयेहो़क। धेनी नाङी लोने राङ आकाईयागी मास्‍यीकावाक्‍या डाढीक दुक ॱनेरी, ङी माकेडोनीयागी मीक्‍याई दोङदु खेक्‍याई कोरला ङोम्‍सो झ्‍येरी ॱनेवी। धेनी खेक्‍याई श्‍यान्‍देप तेरयेला देरे दो़पा झ्‍यीगीनगी मी माङक्षेला, सेमस्‍युक पारदुक।

१ थेसालोनीकेपा 4:10

धेनी खेक्‍याई माकेडोनीयारु हो़गीन पी़न्‍दा घीरीला, देरेराङ झाम्‍पा झ्‍यीदालाक। धेनी धोराङा देला ल्‍हाक झ्‍यीरोझ्‍यी ॱनेरी, हेक्‍याई श्‍योवा हो़क।