जेपा 16:7 - ॱलोवा

⁷ मोसीया ग्‍यारापगी साजामला ॱलेप्‍ती, खुङक्‍याई बीथानीया ग्‍याराप स्‍योकला डोये साम्‍लो तावालाक। हीना येशुगी थुक्‍ङीगी खुङक्‍याला होदुरुवाः डोरु ॱमाच्‍युक्‍पालाक।

जेपा 16:7 Iomraidhean Croise

लुका 24:49

तो़, ङा ङी यापगी धाम्‍चा जेजागो, खेक्‍याचारु झाङयेहीन हीना तो़ने वाङगो खेक्‍याई खाला माभाप्‍कीन थुक्‍पे, खेक्‍या दे ग्‍याजारु राङ धो़क।”

जेपा 16:8

होझ्‍येरी खुङक्‍या मोसीया झ्‍युरी, स्‍यारी तोरोआस ग्‍याजारु सोवालाक।

जेपा 8:29

धेनी धाम्‍पे थुक्‍ङीगी फीलीपला सुवालाक, “स्‍यीङता खोरलो भोलोक्‍तु सोङ धेनी होदेमुला सोङ।”

रोमापा 8:9

धा ॱङोन्‍ने को़न्‍क्षोकगी थुक्‍ङी खेक्‍याई नाङ श्‍युक हो़ना, खेक्‍या धीक्‍पे राङश्‍यीगी नाङ मेयोङालाक हीना धाम्‍पे थुक्‍ङीगी नाङ हुङालाक। धेनी मास्‍यीकागी थुक्‍ङी मेगीनक्‍या सुवाः खोङबागी मालाक।

गालातीयापा 4:6

खेक्‍या से धाङ सेमो झ्‍येरी, को़न्‍क्षोक राङगी सेगी थुक्‍ङी, होरी सेमला ताङा जेपालाक धेनी होदेगी “आब्‍बा, याप” ॱनेरी भो़लालाक।

फीलीप्‍पीपा 1:19

घीझ्‍येरी ॱनाना खेक्‍याई ॱमो़लाम धाङ येशु मास्‍यीकागी थुक्‍ङीगी रोक्‍रामने, ङाला घी झ्‍युङगीनगो ङी थारपागी क्षीदु झ्‍युङगीलाक ॱनेरी, ङाला स्‍येयेहो़क।

१ पेटो 1:1

येशु मास्‍यीकागी कुछाप, ङा पेटो, खे पोन्‍तु धाङ गालातीया धाङ कापादोकीया धाङ एशीया धाङ बीथानीयादु थोरती धेताक्‍याला, दे यीक दे ढीयाहीन।

१ पेटो 1:11

खुङक्‍याई सेम नाङदु श्‍युक्‍कीन मास्‍यीकागी थुक्‍ङीगी, मास्‍यीकागी दुक्‍पुक्‍या धाङ दी स्‍याम्‍ला झ्‍युङगीन शीजेगी कोरला ॱङो़नस्‍ये जेदी घाङला, होदेगी धी़ धाङ ॱनेछुक्‍याई कोरला खुङक्‍याई चाजो़ झ्‍येवालाक।