जेपा 16:31 - ॱलोवा

³¹ खुङक्‍याई ॱनेवालाक, “चोवो येशुला धेपा झ्‍यी धेनी ख्‍यो़ला थारपा थोप्‍कीलाक। दे ख्‍यो़ धाङ ख्‍यी़ नाङमी घीरीगी क्षीला थारपालाक।”

जेपा 16:31 Iomraidhean Croise

मारकु 16:16

धेपा झ्‍येरी, ठी़सो़ लेन्‍गीन घीरीला थारपा थोप्‍कीलाक हीना धेपा मीझ्‍यीगीनक्‍याला छेपा फोक्‍कीलाक।

योहान्‍ना 1:12

हीना खोङबाला खेलेन्‍दी, खोङबागी छेनला धेपा झ्‍यीगीन घीरीला, को़न्‍क्षोकगी से-सेमो झ्‍युङयेगी आङजा ॱनावालाक।

योहान्‍ना 20:31

हीना येशु, मास्‍यीका धाङ को़न्‍क्षोकगी सेगो लाक धेनी खोङबाला धेपा झ्‍येरी, खोङबागी छेनने खेक्‍याला थामेपे छेसोक थोप्‍कीलाक ॱनेरी खीकी धेपा झ्‍यीयेला, ङी देक्‍या ढीक हो़क।

योहान्‍ना 3:36

सेला धेपा झ्‍यीगीनला थामेपे छेसोक थोबालाक। सेला धेपा मीझ्‍यीगीनगी़ छे ॱमेथोङगीलाक हीना को़न्‍क्षोकगी थुक्‍ठो़, खी़ खाला ॱनेदी धेतालाक।

योहान्‍ना 6:40

घीझ्‍येरी ॱनाना ङी यापगी थुकोङ नी, सेला ज्‍यारी धेपा झ्‍यीगीनला थामेपे छेसोक थोप्‍घोगुलाक धेनी थामे ङीमागोला ङा खोला सो़न्‍पो ॱलाङयेहीन।”

योहान्‍ना 6:47

“ङा खेक्‍याला धेन्‍पा धेनक्‍याङ ॱनाहीन, धेपा झ्‍यीगीनगोला थामेपे छेसोक हो़तालाक।

जेपा 15:11

हीना खुङक्‍याला क्‍योप्‍कीन च्‍योक्‍रे, होराङक्‍याः चोवो येशुगी थुक्‍जेने क्‍योप्‍कीलाक ॱनेरी होराङ धेपा झ्‍यीदालाक।”

जेपा 16:15

धेनी धेपा झ्‍येरी लीडीया धाङ मी़ नाङमीगी ठी़सो़ लेन्‍बालाक। होदे स्‍याम्‍ने मी़ हेक्‍याला मोरी नाङला, धेयेला श्‍योवा पुरी ॱनेवालाक, “खेराङक्‍याई ङाला ॱङोन्‍नेराङ चोवोला धेपा झ्‍येजा नुमु चीली हो़ना, हीकी नाङला होरी हेक्‍यामुला श्‍युक्‍रोनाङ।” देरे झ्‍येरी मी़ हेक्‍याला मोरी नाङला डोये शो़जुङ।

जेपा 16:32

धेनी पाउलु धाङ सीलवानुगी खो धाङ खी़ नाङमी घीरीला, चोवोगी कोरला स्‍येपालाक।

जेपा 18:8

याहुदापा छोक्‍खाङगी चो कीरीस्‍पु ॱनागीन, मी धाङ खी़ नाङमी घीरीगी चोवोला धेपा झ्‍येवालाक धेनी कोरीन्‍थुगी मी श्‍येम्‍मा ॱमीच्‍यीकी माङागीयाः, पाउलुगी ॱलापच्‍या ङेन्‍दी धेपा झ्‍येरी ठी़सो़ लेन्‍बालाक।

जेपा 4:12

“श्‍येम्‍मा सुनेः थारपा ॱमेथोप्‍कीलाक घीझ्‍येरी ॱनाना होरी थारपागी क्षीला येशुगी छेन माना, को़न्‍क्षोकगी श्‍येम्‍मा मीङ नाम्‍खे श्‍यीङखाम होकदु ॱमानावालाक।”

जेपा 8:36

धेनी खुङक्‍या होदे लाम्‍गाने डी़ घाङला, क्षु हो़जारु ॱलेप्‍पालाक। धेनी होदे ॱङुङेरगी ॱनेवालाक, “तो़दाङ, दुरु क्षु दुक। ङा ठी़सो़ लेन्‍येला घीन्‍गी काक थुक्‍कीले?”

रोमापा 11:16

भाक्‍पे री़राने पुपा फी़गो धाम्‍पा हो़ना, भाक्‍पे री़रा घीरी धाम्‍पा हुङालाक। धेनी चावागो धाम्‍पा हो़ना, याक्‍काक्‍या धाम्‍पा हुङालाक।

गालातीयापा 3:14

आब्‍राहामला ॱनाङना झ्‍यीलापगो मास्‍यीकागी थोक्‍ने, याहुदापा मेन्‍गीन मीरीकक्‍याला थोबास्‍योक धेनी धेपागी थोक्‍ने होराङला धाम्‍चा जेजा धाम्‍पे थुक्‍ङीगो थोबास्‍योक ॱनेरी, मास्‍यीका येशुगी होराङला ॱली़री थारपा जेपालाक।

गालातीयापा 3:22

हीना मी घीरी धीक्‍पागी होकला ॱनेम हो़तालाक, ॱनेरी सुङरापगी ॱनालाक होझ्‍येरी को़न्‍क्षोकगी धाम्‍चा दे, येशु मास्‍यीकाला धेपा झ्‍यीगीनक्‍याला थोप्‍कीलाक।

गालातीयापा 3:26

घीझ्‍येरी ॱनाना मास्‍यीका येशुला धेपा झ्‍येरी, खेक्‍या घीरी को़न्‍क्षोकगी से धाङ सेमो लाक।